በሲኖዶሳዊው ዕርቀ ሰላም ጉዳይ ጠቅ/ሚኒስትሩ ፓትርያርኩን አነጋገሩ፤ “ልዩነታችሁን ሥበሩና ለእኛ አርኣያ ኹኑን” – ዶ/ር ዐቢይ አሕመድ

PM Dr Abiy and His Holiness Pat Abune Mathias

  • በግላቸውም ኾነ በመንግሥት ደረጃ፣ለዕርቀ ሰላሙ ሥምረት ድጋፍ እንደሚያደርጉ አስታወቁ
  • አንዲትና ታላቅነቷ የተጠበቀ ኦርቶዶክሳዊት ቤተ ክርስቲያን የማየት ፍላጎት እንዳላቸው ገለጹ
  • ለአንድነት ታሪካዊ ሚና ያላት ተቋም፣ራሷ መከፋፈሏ ለብሔራዊ ተግባቦቱ ተግዳሮት ነው፤
  • “ልዩነቱ ምንም ቢኾን የማይፈታ አይደለም፤ችግር ፈቺዎቹ ከተቸገሩ ትልቁ ችግር እርሱ ነው፤”
  • በጥረታችሁ ግፉበት፤ ድጋፍ ለመስጠት ዝግጁ ነን፤ልዩነቱን ሥበሩና ለኛም አርኣያ ኹኑን፤
  • “የልኡካን አባቶችን ስጋት የሚያስወግድና የሰላም ኮሚቴውን የሚያበረታታ ነው፤”/ታዛቢዎች/

†††

በውጭ ሀገር በስደት በሚኖሩት አባቶች ከተቋቋመው ሲኖዶስ ጋራ ለተጀመረው የዕርቀ ሰላም ጥረት መሳካት፣ መንግሥት አስፈላጊውን ድጋፍ ኹሉ እንደሚሰጥ፣ ጠቅላይ ሚኒስትር ዐቢይ አሕመድ አስታወቁ፡፡

ጠቅላይ ሚኒስትሩ፣ ትላንት ቅዳሜ፣ ግንቦት 4 ቀን 2010 ዓ.ም. ረፋድ፣ ለብፁዕ ወቅዱስ ፓትርያርክ አቡነ ማትያስ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት ባደረጉላቸው ጥሪ መሠረት በጽ/ቤታቸው ተቀብለው ያነጋገሯቸው ሲኾን፤ ቅዱስነታቸውና የቅዱስ ሲኖዶስ አባላት፣ የቤተ ክርስቲያኒቱን አስተዳደራዊ አንድነት ለማስጠበቅ በጀመሩት የዕርቀ ሰላም ጥረት እንዲገፉበት አሳስበዋል፤ለሥምረቱም መንግሥታቸው አስፈላጊውን ድጋፍ እንደሚሰጥ አስታውቀዋል፡፡

ለሀገራችን ኢትዮጵያ አንድነት መጠበቅ ከፍተኛ አስተዋፅኦ ያላት ጥንታዊቷና ታሪካዊቷ የኢትዮጵያ ኦርቶዶክስ ተዋሕዶ ቤተ ክርስቲያን፣ በሲኖዶሳዊ አስተዳደሯ መከፋፈሏ በግላቸውም ቢኾን እንደሚያሳዝናቸው ያልሸሸጉት ጠቅላይ ሚኒስትር ዐቢይ፣ አንዲትና ታላቅነቷ የተጠበቀ የተጠናከረች ኦርቶዶክሳዊት ቤተ ክርስቲያንን ማየት ፍላጎታቸው እንደኾነ ለቅዱስነታቸው ገልጸውላቸዋል፡፡

በሀገራችን ለግጭት መንሥኤ የኾኑ ልዩነቶችን በጋራ ለመፍታት እየተደረገ ባለው ጥረት፣ ለሀገራዊ አንድነት መጠበቅ ታሪካዊ ሚና ያላት የኢትዮጵያ ኦርቶዶክስ ተዋሕዶ ቤተ ክርስቲያን ራሷ በማዕከላዊ አስተዳደሯ ለሁለት መከፈሏ፣ ለብሔራዊ ተግባቦቱ ትልቅ ተግዳሮት በመኾኑ በተጀመረው የአባቶች ዕርቀ ሰላም ጥረት መፍትሔ ሊሰጠው እንደሚገባ አስገንዝበዋል፡፡

“ልዩነቶቹ በተለያየ ምክንያት ተከሥተው ሊኾን ይችላል፤ ነገር ግን ለመፍታት የማይቻሉ አይመስለኝም፤ ይቻላል፤ ሃይማኖታዊ ሰው ደግሞ አይደለም የውስጡንና የራሱን፣ የሌሎችንም ችግር መፍታት አይሳነውም ተብሎ ነው የሚታመነው፤” ያሉት ጠቅላይ ሚኒስትር ዐቢይ አያይዘውም፣“የሌሎችን ችግር ይፈታሉ የተባሉት ችግር ፈቺዎቹ ራሳቸው ከተቸገሩና ሌላ ችግር ፈቺ ካስፈለጋቸው ትልቁ ችግር የሚኾነው እርሱ ነው፤” በማለት ቤተ ክርስቲያን አስተዳደራዊ ልዩነቷን ለማስወገድ በያዘችው ጥረት እንድትቀጥልበት አበረታታዋል – እንደ ግልም እንደ መንግሥትም ከእኛ የሚፈለገውን ድጋፍ ለመስጠት ዝግጁ ነን፤ እናንተ ግን ግፉበት፤ ይህን ልዩነት በመሥበር ለእኛም አርኣያ ኹኑን፤ ብለዋል፡፡

ብፁዕ ወቅዱስ ፓትርያርክ አቡነ ማትያስ በበኩላቸው፣ ጠቅላይ ሚኒስትሩን ስለ ማበረታቻ ሐሳባቸውና አቋማቸው በማድነቅና በማመስገን፣ በውጭ ከሚኖሩት አባቶች ጋራ የተጀመረው ዕርቀ ሰላም ተጠናክሮ እንዲቀጥል ቅዱስ ሲኖዶስ በየጊዜው ስላደረጋቸው ጥረቶች አብራርተውላቸዋል፤ በሳምንቱ መጀመሪያ ላይ ባጠናቀቀው የግንቦቱ ርክበ ካህናት ምልአተ ጉባኤውም፣በዓለም አቀፍ ደረጃ የተቋቋመው የሰላምና አንድነት ኮሚቴ፣ ከቀድሞው በተሻለ አያያዝ ሒደቱን ለማስቀጠል ላቀረበው ጥያቄ ይኹንታውን በመስጠት የሚነጋገሩ ልኡካን አባቶች መሠየሙንም ነግረዋቸዋል፡፡

ትላንት ማምሻውን፣ ከአማራ ክልል የመጡና የባሕር ዳር ልዩ ዞን ሀገረ ስብከት ሊቀ ጳጳስ ብፁዕ አቡነ አብርሃምን ጨምሮ ልዩ ልዩ የማኅበረሰብ ተወካዮች በተገኙበት፣ በብሔራዊ ቤተ መንግሥት ባደረጉት የራት ግብዣ ላይም፣ ጠቅላይ ሚኒስትሩ ባስተላለፉት መልእክት፤ ለሀገር አንድነት ለመሥራት የሃይማኖት ተቋማት ውስጣዊ አንድነት ወሳኝ መኾኑን በአጽንዖት ተናግረዋል፡፡ መድኃኒቱ ራሱ ሲበከል መጥፎ በመኾኑ፣ ውስጣዊ ችግራቸውን በራሳቸው በመፍታት ለሀገራዊ ተግባቦት መጠናከር የበኩላቸውን አስተዋፅኦ ለማበርከት በጋራ እንዲሰለፉ አሳስበዋል፡፡

ስለጉዳዩ የተጠየቁ አስተያየት ሰጭዎች፣ ጠቅላይ ሚኒስትሩ፣ ከቤተ ክርስቲያን ታሪካዊ አስተዋፅኦ በመነሣት ለሲኖዶሳዊ አንድነቷ መጠበቅ ያሳዩት መቆርቆር እንዳስደሰታቸው ገልጸዋል፤ ብፁዕ ወቅዱስ ፓትርያርኩን ወደ ጽ/ቤታቸው በመጥራት ማበረታታቸውም፣ ቢያንስ ሦስት ፋይዳዎች እንዳሉት አመልክተዋል፡፡ በመንግሥት እያመካኙ ወይም መንግሥት እንዲህ ሊያስብ ይችላል፤ እያሉ ወደ ኋላ የሚሉትንና በዕርቀ ሰላሙ ሒደት ላይ ሻጥር የሚፈጥሩትን የሀገር ቤት አካላት ያስታግሣል፤ የሚለው የመጀመሪያው ነው፤ በውጭ ባሉትም ዘንድ፣ “ዕርቀ ሰላሙን መንግሥት አይፈልገውም፤” የሚለውን ስጋታቸውን ያስወግዳል፤ ከዚህም ጋራ ተያይዞ፣ የዕርቀ ሰላም ሒደቱን በተሻለ አያያዝ ለማስቀጠልና ከዳር ለማድረስ ተነሣሽነቱን ለወሰዱ ሁለተኛው ዙር ዓለም አቀፍ የሰላምና አንድነት ኮሚቴ አባላት ጉልበት ይኾናቸዋል፡፡ 

EOTC Holy Synod

የሀገር ቤቱ ቅዱስ ሲኖዶስ፣ ሚያዝያ 26 ቀን 2010 ዓ.ም. ባካሔደው የርክበ ካህናት ምልአተ ጉባኤ ስብሰባው፥ ለዕርቀ ሰላሙ እንዲነጋገሩ፣ በብፁዕ አቡነ ቀውስጦስ የሚመሩ ሦስት አባቶችን የሠየመ ሲኾን፤ በብፁዕ ወቅዱስ አቡነ መርቆሬዎስ የሚመራው የውጩ ሲኖዶስም፣ ከጥቅምት 22 እስከ 24 ቀን 2010 ዓ.ም. በኮለምበስ ኦሃዮ ባደረገው ጉባኤ፣ በብፁዕ አቡነ ኤልያስ ሊቀ ጳጳስ የሚመራ ሦስት አባላት ያሉት ተደራዳሪ ልኡክ ሠይሟል፤ “እግዚአብሔር ይጨመርበት፤ አምላከ አበው ሥራችሁን የተቃና ያድርግላችሁ፤” ሲልም ለሰላምና አንድነት ኮሚቴው ቡራኬውን ሰጥቷል፡፡ በተለያዩ ሀገራት ቅርንጫፎችን በማቋቋም የሚንቀሳቀሰው፣ሁለተኛው ዙር የሰላምና አንድነት ዓለም አቀፍ ኮሚቴ፣ ልኡካን አባቶች የሚገናኙበትንና ድርድሩ የሚካሔድበትን ቦታና ጊዜ በቅርቡ ለኹለቱም ወገኖች እንደሚያሳውቅ መግለጹን መዘገባችን ይታወሳል፡፡

Advertisements

12 thoughts on “በሲኖዶሳዊው ዕርቀ ሰላም ጉዳይ ጠቅ/ሚኒስትሩ ፓትርያርኩን አነጋገሩ፤ “ልዩነታችሁን ሥበሩና ለእኛ አርኣያ ኹኑን” – ዶ/ር ዐቢይ አሕመድ

  1. Dave May 13, 2018 at 6:55 pm Reply

    God bless him.

  2. Anonymous May 13, 2018 at 8:41 pm Reply

    ለጠቅለይ መንስቲሩ ምስጋና ይገበል
    ስለርቀሰላሙ የሰጡት አስተያየት ሰላም ለሁሉም

  3. Anonymous May 14, 2018 at 5:10 am Reply

    ፍፃሜውን ያሳምረው!

  4. Anonymous May 14, 2018 at 5:24 am Reply

    “የሌሎችን ችግር ይፈታሉ የተባሉት ችግር ፈቺዎቹ ራሳቸው ከተቸገሩና ሌላ ችግር ፈቺ ካስፈለጋቸው ትልቁ ችግር የሚኾነው እርሱ ነው፤”

    This is really a great observation and advice. God bless the PM Dr. Abiy (means great).

    The Church should be an example for the peace and unity of the country and its people.

    The church should be light for the dark world and sweetens the bitter world.

    Our Church should be free from all evil deeds and our church fathers should care for the country, its people and the church followers.

    Church fathers should always see the Love of God on the Cross and live by the words of God, be example for the church followers.

    They are assigned by God and should be accountable to the Words and Love of God.

    They will be judged by God who gives them the role of fatherhood.

    Please, please we, your sons, are begging you that you go by the Words of God and be one in faith.

    If you think the heavenly and live by the words of God, there is no problem that you cannot solve.

    It is only when you don’t have faith that you will be unable to solve. Please leave out the worldly things and look what God does on the Cross.

    I am happy that the PM is doing this, and it seems that God is blessing our country.

    God has time for everything.

    God bless Ethiopia and its people.

  5. አንተነህ ጌትነት ሙላቱ ከሚልበርን አውስትራሊያ May 16, 2018 at 7:33 am Reply

    በእውነቱ ሁለቱ መታረቃቸው የኢትዮጵያን ኦርቶዶክስ ተዋህዶን ለማጥፋት የበለጠ ምቹ ሁኔታ ማመቻቸት ነው። ምክንያቱም ኢትዮጵያ ውስጥ ያሉት የትግሬዎች መንግስት የሾማቸው የሰይጣን አምላኪ ሲሆኑ አሜሪካ ያሉት ከዋናው ጳጳስ ውጭ ያሉት ተሃድሶዎች በመሆናቸው ይህችን ቤተክርስቲያ ከማፍረስ ሌላ ፋይዳ የለውም። የሚበጀ ሊቀ ጠበብት ዶ/ር ዘሪሁን እንዳሉት ሕዝባዊ ሲኖዶስ ማቋቋም ብቻ ነው ምፍትሄው። አብይ የሚጫወተው ጫወታ የተጀመረውን የኢትዮጵያን ኦርቶዶክስ ቤተክርስቲያ ማፍረስ ሂደት ቀጣይ አጃንዳ ማስቀጠል እንጂ ከህወሃት ተላላኪ አብይ በጎ ነገር መጠበቅ እጅግ ጅልነት ነው!!!

  6. Anonymous May 16, 2018 at 6:13 pm Reply

    አንተነህ ጌታነህ የተባልክ ግለሰብ የሰጠኸውን አስተያየት የሚገርም ሆኖ አይቼዋለሁ መቼም እርቅን የሚጠላ ሰይጣን መሆኑን አንተም አትዘነጋውም ክርስቲያን ከሆንክ መቼም እንዲህ ዓይነት ሰይጣናዊ መልእክት አታስተላልፍም፡፡

  7. […] Ahmed of Ethiopia met with the top leaders of the Ethiopian Orthodox Tewahedo Church (ETOC) and urged them, indeed preached to them, to reconcile with the Ethiopian Tewahedo Orthodox Church in Exile […]

  8. […] Ahmed of Ethiopia met with the top leaders of the Ethiopian Orthodox Tewahedo Church (ETOC) and urged them, indeed preached to them, to reconcile with the Ethiopian Tewahedo Orthodox Church in Exile […]

  9. […] Ahmed of Ethiopia met with the top leaders of the Ethiopian Orthodox Tewahedo Church (ETOC) and urged them, indeed preached to them, to reconcile with the Ethiopian Tewahedo Orthodox Church in Exile in […]

  10. […] Ahmed of Ethiopia met with the top leaders of the Ethiopian Orthodox Tewahedo Church (ETOC) and urged them, indeed preached to them, to reconcile with the Ethiopian Tewahedo Orthodox Church in Exile in […]

  11. […] PM Abiy’s call for the healing of the Ethiopian Orthodox Tewahedo Church (ETOC) and exhortation of the Church fathers to reconcile. During his U.S. visit, the Church fathers had resolved their […]

  12. […] supporting PM Abiy’s call for the healing of the Ethiopian Orthodox Tewahedo Church (ETOC) and exhortation of the Church fathers to reconcile. During his U.S. visit, the Church fathers had resolved their […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: