ቅዱስ ሲኖዶስ ለዕርቀ ሰላሙ የሚነጋገሩ ልኡካን አባቶችን ምርጫ አጸደቀ

EOTC Holy Synod

  • የሰላም እና አንድነት ኮሚቴው፣ የድርድሩን ቦታና ጊዜ ለይቶ በቅርቡ ያሳውቃል፤
  • ኹሉም ወገኖች፣ ከጸሎት ጀምሮ አስፈላጊውን ድጋፍና እገዛ እንዲያደርጉ ጠየቀ፤
  • የሀገር ውስጡ በብፁዕ አቡነ ቀውስጦስ፣ የውጩ በብፁዕ አቡነ ኤልያስ ይመራል፤

†††

በውጭ ሀገር በስደት ከሚኖሩት አባቶች ጋራ ለተጀመረው የዕርቀ ሰላም ንግግር፣ የሀገር ቤቱን ቅዱስ ሲኖዶስ በመወከል እንዲነጋገሩ የተመደቡትን ብፁዓን አባቶች ምርጫ ምልአተ ጉባኤው ያጸደቀ ሲኾን፤ የዕርቀ ሰላሙ ሒደት እንዲቀጥል ይኹንታ መስጠቱን የሚገልጽ ደብዳቤ ለሰላምና አንድነት ኮሚቴው እንዲጻፍም ትእዛዝ ሰጠ፡፡

የርክበ ካህናት ምልአተ ጉባኤው፣ በዛሬ ዓርብ፣ ሚያዝያ 26 ቀን 2010 ዓ.ም. ሦስተኛ ቀን የቀትር በኋላ ውሎው፣ “ከውጭ አባቶች ጋራ ስላለው ዕርቀ ሰላም” በሚል በተያዘው አጀንዳ ላይ ስለሚቀበላቸው መርሖዎችና ጥንቃቄ ስለሚያስፈልጋቸው ጉዳዮች ከተወያየ በኋላ፣ ባለፈው የካቲት ወር፣ ቅዱስ ሲኖዶሱን በመወከል የሚደራደሩትን ልኡካን ምርጫ በማጽደቅ ለተልእኮ ሠይሟል፡፡

ልኡካኑ፦ የሰሜን ምዕራብ ሸዋ – ሰላሌ ሀ/ስብከት ሊቀ ጳጳስ ብፁዕ አቡነ ቀውስጦስ፣ የምሥራቅ ሸዋ ሀገረ ስብከት ሊቀ ጳጳስ ብፁዕ አቡነ ጎርጎርዮስ እና የባሕር ዳር ሀገረ ስብከት ሊቀ ጳጳስ ብፁዕ አቡነ አብርሃም ሲኾኑ፣ በብፁዕ አቡነ ቀውስጦስ እንደሚመራ ተገልጿል፡፡

የዕርቀ ሰላሙ አስፈላጊነት የታመነበት እንደኾነና ለስኬቱም እንደሚሠራ ይኹንታውን የሚገልጽ ደብዳቤ ለተሠየሙት ልኡካን እንዲደርሳቸው ምልአተ ጉባኤው ያዘዘ ሲኾን፣ ከቀድሞው በተሻለ አያያዝ ተነሣሽነቱን በመውሰድ ለሚያደራድሩትና ለሚያነጋግሩት፣ የኢትዮጵያ ኦርቶዶክስ ተዋሕዶ ቤተ ክርስቲያን ሁለተኛ ዙር የሰላም እና አንድነት የአዲስ አበባ ቅርንጫፍ ኮሚቴ አባላትም ተመሳሳዩ እንዲደረግ መመሪያ ሰጥቷል፡፡

ከኮሚቴው አባላት ስድስቱ(ልዑል ራስ መንገሻ ሥዩም፣ ዶ/ር ንጉሡ መለሰ፣ አቶ ግርማ ዋቄ፣ ዶ/ር አብርሃም፣ ቀሲስ ዶ/ር መዝገቡ ካሳ እና አቶ ብርሃን ተድላ)፣ ትላንት ከቀትር በኋላ በምልአተ ጉባኤው ፊት ቀርበው፣ ይኹንታ ከሰጠበት ከጥቅምቱ ምልአተ ጉባኤ ወዲህ ከቋሚ ሲኖዶስ ጋራ ሲያደርጉ ስለቆዩት ግንኙነት በማስረዳት ሒደቱ ስለሚፋጠንበት ኹኔታ ጠይቀዋል፡፡ “ጥሩ ነገር ነው የሰማነው፤ ቅዱስ ሲኖዶሱ የተመደቡትን ልኡካን አባቶች አጽድቆ የዕርቀ ሰላም ድርድሩን እንዲያደርጉ መመሪያ ሰጥቷል፤” ብለዋል ስለዛሬው ውሳኔ የተጠየቁ የሰላምና አንድነት ኮሚቴው አባል፡፡

ኮሚቴው፣ የሚጠበቀውን ይኹንታና ውሳኔ ማግኘቱን የተናገሩት እኚሁ የኮሚቴው አባል፣ የዕርቀ ሰላሙ ልኡካን አባቶች የሚገናኙበትንና ድርድሩ የሚካሔድበትን ቦታና ጊዜ በቅርቡ ለኹለቱም ወገኖች እንደሚያሳውቅ ጠቁመዋል፡፡ ጥንታዊትና ሐዋርያዊት ለኾነችው የኢትዮጵያ ኦርቶዶክስ ተዋሕዶ ቤተ ክርስቲያን ሃይማኖታዊና አስተዳደራዊ አንድነት መጠበቅ የሚጨነቁ ወገኖች ሁሉ፣ ከጾምና ጸሎት ጀምሮ አስፈላጊውን ድጋፍና እገዛ እንዲያደርጉም ጥሪያቸውን አስተላልፈዋል፡፡

በብፁዕ ወቅዱስ አቡነ መርቆሬዎስ የሚመራው ቅዱስ ሲኖዶስ፣ ከጥቅምት 22 እስከ 24 ቀን 2010 ዓ.ም. በኮለምበስ ኦሃዮ ባደረገው ጉባኤ፣ በሁለት የሰላም እና አንድነት ኮሚቴው አባላት የደረሰውን የዕርቀ ሰላም መልእክት በስፋት ከተወያየበት በኋላ፣ በብፁዕ አቡነ ኤልያስ ሊቀ ጳጳስ የሚመራ ሦስት አባላት ያሉት ተደራዳሪ ልኡክ ሠይሟል፡፡ ለስኬቱም ከኮሚቴው ጎን እንደሚቆም ገልጾ፣ እግዚአብሔር ይጨመርበት፤ አምላከ አበው ሥራችሁን የተቃና ያድርግላችሁ፤ በማለት ቡራኬውን መስጠቱን በጻፈው ደብዳቤ አስፍሯል፡፡

7 thoughts on “ቅዱስ ሲኖዶስ ለዕርቀ ሰላሙ የሚነጋገሩ ልኡካን አባቶችን ምርጫ አጸደቀ

  1. Dereja Mekonnen May 5, 2018 at 6:21 am Reply

    ሲኖዶሱ ስብሰባ ላይ እንደማትገቡ አውቃለሁ ነገር ግን ተሰሚነት እንዳለህ አውቃለሁ።
    ብዙ ብፅፍልህም ቀና ምላሽ እየሰጠኸኝ አይደለም።
    የከፋና የቤንች ማጂ ህዝብ አቡነ ሕዝቅኤል የሚባሉ ሰው እንዳይደርሱ ከወሰነ ቆይቷል።
    በተለይ የቦንጋ ነዋሪዎች
    ስማቸው ጭምር በቅዳሴ እንዳይጠራ
    ማንኛውም ዓይነት ገቢ እሳቸው እስካልተነሱ ድረስ ለሀገረ ስብከቱ እንዳይላክ
    እሳቸው ለጉብኝት እንኳን ቢሆን ቦንጋ ከተማን እንዳይረግጡ
    የህዝቡን ጥያቄ በመደገፋቸው ከሀገረ ስብከቱ የታገዱት ሰዎች ወደ ስራቸው እንዲመለሱ
    ለሶስት ወራት የተዘጋው የከፋ ሀገረ ስብከት እንዲከፈት
    ሰነድ ለመስረቅ ሲሉ በጠራራ ፀሐይ መዝገብ ቤት የሰበሩት አቡነ ሕዝቅኤል ለሕግ እንዲቀርቡ
    ለማጣራት ተልኮ መንግስት ቢሮ ደርሶ ስብሰባ ህዝቡን ጥሩልኝ የሚለው አጣሪ እንዲገመገም ወዘተ እያሉ እየጠየቁ የሚሰማቸው ቢያጡ ቤታቸውን ለሶስት ተከታታይ ቀናት ደብድበው ያባረሯቸው ሕዝቅኤል መጨረሻ ምን ሊሆን ነው ሕዝቡ እንደሆነ በዚህ ጉባኤ የእሳቸው ጉዳይ ካልተቋጨ የእኛና የጠቅላይ ቤተ ክህነቱ ግኑኝነት ይቋጫል ብሏል

  2. Anonymous May 5, 2018 at 7:11 am Reply

    ወሬኞች ደግሞ የሰላምንና የእርቅን ዋጋ እነርሱ ያውቃሉ እንዴ ዓለም አንድ በሆነችበት ሰዓት እንኳን እነርሱ በመንደር በጎጥ በወንዝ ተከፋፍለው እንደ እብድ ውሻ ይበላላሉ

  3. Anonymous May 13, 2018 at 8:59 pm Reply

    እርቁን የማይፈልጉ ቆባቸውን የጣሉ ወይም የደርግ ወታደሮች
    ወይም በፉክክርላይ ሁነው ስም የሚጠፋፉ
    መሆን አለባቸው አባቶችን አድመሁን አለባቸው ሰላም ያስፈልጋል
    በሀጢያት የኖራችሁበት ያለፈው ዘመን ይበቃል እንመለስ
    አባቶችን አንከፉፍል አደናጋሬ ኮመንት አትስጡ ይቅርይበላችሁ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: