የነገረ መለኰት ምሁሩና ጸሐፊው ቀሲስ ዶ/ር ምክረ ሥላሴ ገብረ ዐማኑኤል ዐረፉ

  • የቀብር ሥነ ሥርዐታቸው፣ ነገ ሚያዝያ 3፣ ከቀኑ በ9 ሰዓት በመንበረ ጸባኦት ቅድስት ሥላሴ ካቴድራል ይፈጸማል፤
  • የጣልያን መንግሥትና የሮም ካቶሊክ፥ ኢትዮጵያን ይቅርታ መጠየቅ፣ መካስና የዘረፏቸውን ቅርሶች መመለስ እንደሚገባቸው በጽሑፎቻቸው ከሚሟገቱት አንዱ ነበሩ፤
  • ለሩብ ምእት ዓመት፣ በተባበሩት የመጽሐፍ ቅዱስ ማኅበር፣ በትርጉም ሥራዎች ቤተ ክርስቲያንን በመወከል አገልግለዋል፤

†††

IMG_0729-300x253

የጠቅላይ ቤተ ክህነት ዋና ሥራ አስኪያጅነትን ጨምሮ ቤተ ክርስቲያንን በተለያዩ መድረኮች በመወከል ሲያገለግሉ የኖሩት ቴዎሎጅያኑና ጸሐፊው ቀሲስ ዶ/ር ምክረ ሥላሴ ገብረ ዐማኑኤል ዐረፉ፡፡

ዛሬ ማክሰኞ፣ ሚያዝያ 2 ቀን 2010 ዓ.ም. ንጋት ላይ፣ በሕክምና እየተረዱ በነበረበት በአዲስ አበባ ሐያት ሆስፒታል ማረፋቸው ተሰምቷል፡፡

በሦስተኛው ፓትርያርክ ብፁዕ ወቅዱስ አቡነ ተክለ ሃይማኖት ዘመነ ክህነት፣ ጠቅላይ ቤተ ክህነቱን በዋና ሥራ አስኪያጅነት ያገለገሉት ቀሲስ ዶ/ር ምክረ ሥላሴ፡- በሊቃውንት ጉባኤ አባልነትም በርካታ የጥናት ጽሑፎችን በማዘጋጀትና መጻሕፍትንም በማረምና በማቅናት ለረጅም ጊዜ አገልግለዋል፡፡

በቅድስት ሥላሴ መንፈሳዊ ኮሌጅ፣ ነገረ መለኰትን ያስተማሩ ሲኾን፣ በተባበሩት የመጽሐፍ ቅዱስ ማኅበር ለኻያ አምስት ዓመታት በትርጉም ሥራ፣ በዓለም አብያተ ክርስቲያናት ም/ቤትና በሌሎችም መድረኮች ቤተ ክርስቲያንን በመወከል በስፋትና በከፍተኛ ደረጃ ሲሳተፉ ቆይተዋል፡፡

ከአምስት ያላነሱ መጻሕፍትን ያበረከቱት ቀሲስ ዶ/ር ምክረ ሥላሴ፡- በቤተ ክርስቲያን ታሪክ እና በመጽሐፍ ቅዱስ ጥናት ላይ ባተኮሩ ጽሑፎቻቸው ይታወቃሉ፡፡ ለኅትመት ያበቁት የዶክትሬት ጥናታቸውም፣ በአምስቱ ዓመት የፋሽስት ጣልያን ወረራ ዘመን የሚስዮናውያንን ተጽዕኖ የሚተነትን ነው፡፡

 

በቅዱሳት መጻሕፍት ማንነት ጉዳይ ከኢኦተቤ ቴቪ ጋራ ቃለ ምልልስ ሲያደርጉ

ፋሽስት ኢጣልያ፣ ኢትዮጵያን በወረረበት ወቅት በኢትዮጵያ ኦርቶዶክስ ተዋሕዶ ቤተ ክርስቲያን ገዳማትና አድባራት ላይ ላደረሰው ቃጠሎ፤ በብፁዓን አበው ሊቃነ ጳጳሳት፣ በአባቶች ቀሳውስት፣ ዲያቆናትና መነኰሳት እንደዚሁም በምእመናን ላይ በግፍ ላደረሰው ጭፍጨፋ፣ የጣልያን መንግሥት እና የሮም ካቶሊክ ኢትዮጵያን ይቅርታ መጠየቅ፤ ከየገዳማቱና አድባራቱ የዘረፋቸውን ንዋያተ ቅድሳት፣ ጥንታውያን የብራና መጻሕፍትንና አገራዊ ቅርሶቻችንን መመለስ እንደሚገባቸው በጽሑፎቻቸው ከሚከራከሩት የመብትና ፍትሕ ተሟጋቾችም አንዱ ነበሩ፡፡

በኢትዮጵያ ላይ የፋሽስት ኢጣልያ ወረራ እና የሮሙ ፖፕ ፒዮስ ፲፩ኛ አቋም” በሚል ርእስ በማኅበረ ቅዱሳን የጥናትና ምርምር ማእከል መድረክ ባቀረቡት ጽሑፍ በውይይት ላይ

ባደረባቸው ሕመም በ87 ዓመት ዕድሜአቸው ያረፉት የቀሲስ ዶ/ር ምክረ ሥላሴ ገብረ ዐማኑኤል የቀብር ሥነ ሥርዐት፤ ነገ ረቡዕ፣ ሚያዝያ 3 ቀን 2010 ዓ.ም.፣ ከቀኑ በ9 ሰዓት፣ በመንበረ ጸባኦት ቅድስት ሥላሴ ካቴድራል ብፁዓን አባቶችና ወዳጅ ዘመዶቻቸው በተገኙበት እንደሚፈጸም ተገልጿል፡፡

 

Advertisements

One thought on “የነገረ መለኰት ምሁሩና ጸሐፊው ቀሲስ ዶ/ር ምክረ ሥላሴ ገብረ ዐማኑኤል ዐረፉ

  1. girumtayeabebe April 11, 2018 at 8:13 am Reply

    May your holy pristhood be with us

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: