ሰበር ዜና – ብፁዕ አቡነ ሳዊሮስ የቅ/ሲኖዶስ ዋና ጸሐፊ፤ ብፁዕ አቡነ ዲዮስቆሮስ የጠቅ/ ቤተ ክህነት ዋና ሥራ አስኪያጅ ኾነው ተመረጡ፤ ፓትርያርኩ በከባዱ ተገሥጸዋል

their graces the gen sec-elect Abune sawiros and the gen mgr-elect Abune Deyoscoros

ለዋና ጸሐፊነት የተመረጡት ብፁዕ አቡነ ሳዊሮስ፣ የደቡብ ምዕ. ሸዋ ወሊሶ ሀ/ስብከት ሊቀ ጳጳስ(በግራ)፤ ለጠቅላይ ጽ/ቤቱ ዋና ሥራ አስኪያጅነት የተመረጡት ብፁዕ አቡነ ዲዮስቆሮስ፣ የደቡብ እና ምሥራቃዊ ትግራይ አህጉረ ስብከት ሊቀ ጳጳስ(በቀኝ)

  • ፓትርያርኩ፣ የአስመራጭ ኮሚቴውን ዕጩዎች ካልተቀበሉ ነባሮቹን ብፁዕ ዋና ጸሐፊ እና ብፁዕ ዋና ሥራ አስኪያጅ ለድጋሚ የሦስት ዓመታት የሥራ ዘመን እንደሚያስቀጥላቸው አሳስቧቸው ነበር፤
  • “እነርሱንስ ከምታስቀጥሉ እኔን አንሡኝ፤” ያሉት ፓትርያርኩ፣ ማሳሰቢያውን ተከትሎ በምልዓተ ጉባኤው በተሠየመው አስመራጭ ኮሚቴ የቀረቡትን ዕጩዎች በመቀበላቸው፣ በምስጢራዊ የድምፅ አሰጣጥ ሥርዓቱ መሠረት፣ የብፁዕ ዋና ጸሐፊው እና የብፁዕ ዋና ሥራ አስኪያጁ ምርጫ ተከናውኗል፤
  • ለቀጣይ ሦስት የአገልግሎት ዓመታት፣ ለጠቅላይ ቤተ ክህነት ዋና ሥራ አስኪያጅነት የተመረጡት ብፁዕ አቡነ ዲዮስቆሮስ፣ ድምፅ ከሰጡት 38 የምልዓተ ጉባኤው አባላት የ22ቱን በማግኘት፤ ለቅዱስ ሲኖዶስ ዋና ጸሐፊነት የተመረጡት ብፁዕ አቡነ ሳዊሮስ ድምፅ ከሰጡት 38 የምልዓተ ጉባኤው አባላት የ26ቱን በማግኘት በቅዱስ ሲኖዶሱ ተመርጠዋል፤
  • በምልዓተ ጉባኤው በአብላጫ ድምፅ የተመረጡት፣ አዲሱ ብፁዕ ዋና ጸሐፊ እና ብፁዕ ዋና ሥራ አስኪያጁ፣ በብፁዕ ወቅዱስ ፓትርያርኩ በሚጻፍላቸው ደብዳቤ ይሾማሉ፤
  • ብፁዕ የቅዱስ ሲኖዶስ ዋና ጸሐፊው፥ የቋሚ ሲኖዶስ ዋና ጸሐፊም ሲኾኑ፣ የቅዱስ ሲኖዶስ አጀንዳዎችን የማዘጋጀት፤ ውሳኔውንና ትእዛዙን ለጠቅላይ ቤተ ክህነት ጽ/ቤትና ለሚመለከታቸው ማስተላለፍና በተግባር ላይ መዋላቸውን እየተከታተሉ ስለአፈጻጸማቸው ለምልዓተ ጉባኤው ሪፖርት የማቅረብ ሓላፊነት አለባቸው፤
  • የመላዋ የኢትዮጵያ ኦርቶዶክስ ተዋሕዶ ቤተ ክርስቲያን የሥራ አስፈጻሚ የኾኑት ብፁዕ ዋና ሥራ አስኪያጁ፥ ከፍተኛ የአስተዳደር አካል የኾነው የጠቅላይ ቤተ ክህነቱ ዋና ባለሥልጣን እንደመኾናቸው፣ ቅዱስ ሲኖዶስ በየጊዜው የሚወስናቸውን ጉዳዮች በሕገ ቤተ ክርስቲያን መሠረት ይፈጽማሉ፤ ያስፈጽማሉ፤ መምሪያዎችንና ድርጅቶችን ኹሉ በበላይነት ይመራሉ፤ ማንኛውም ንብረት፣ የገንዘብ ገቢና ወጭ በቤተ ክርስቲያኒቱ የፋይናንስና የንብረት አስተዳደር ደንብ፣ በሕግ ፊት ተቀባይነት ባለው የሒሳብ አያያዝ ሥርዓት መከናወኑን ይከታተላሉ፤ ይቆጣጠራሉ፤ በየዓመቱ በርክበ ካህናት ቅዱስ ሲኖዶስ ጉባኤም፣ ዕቅድ ክንውናቸውን ያቀርባሉ፤ ሲፈቀድም ተግባራዊ ያደርጋሉ፤
  • ፓትርያርኩ የጥዋቱ የምልዓተ ጉባኤ ስብሰባ ሲጀመር፣ ከመንበራቸው ተነሥተው፡-“አባቶቼ፣ ወንድሞቼ፥ ይቅርታ አስቀየምኋችኹ” ብለው ትላንት በምርጫው ሒደት ላይ ለፈጠሩት መስተጓጎል የተጸጸቱ መስለው ቢታዩም፣ ከጥቂት ቆይታ በኋላ ተመልሰው ደግሞ፤ “ብፁዕ አቡነ ዲዮስቆሮስንና ብፁዕ አቡነ ሳዊሮስን አውጡልኝ” በማለታቸው ምልዓተ ጉባኤውን በእጅጉ አሳዝነዋል፤ ይህም ከባድ ተግሣጽም አስከትሏባቸዋል
    ?
  • ምልዓተ ጉባኤው ከስሕተታቸው የማይማሩትን ፓትርያርኩን በሚከተለው ቃል ነበር የገሠጻቸው፡- “የእርስዎ መሠረታዊ ችግር፣ ይህችን ቤተ ክርስቲያን አያውቋትም፤ ለ35 ዓመታት ውጭ ስለኖሩ የአህጉረ ስብከቱን ይኹን የቤተ ክህነቱን የየዘርፍ ሥራዎች አያውቋቸውም፤ ባልዋሉበትና ባላወቁት ሓላፊነት በመቀመጥዎ ሕግንና ሕገ ቤተ ክርስቲያንን መሠረት አድርገው መሥራት አልቻሉምየሚያሳዝነው፥ በዚኽች ቤተ ክርስቲያን ላይ እጁን ያነሣ አካል አኹንም እርስዎን ሾመብን፤ አኹንም ከጀርባ ኾኖ ያበጣብጠናል፤ ወደ ሰላም፣ ወደ ልማት፣ ወደ ዕድገት እንዳትሔድ፤ ዘወትር የብጥብጥ ዐውድማ እንድትኾን እየሠራ ያለ አካል መኖሩን እኛም እናውቃለን፣ ሕዝቡም ያውቃል፡፡
  • ምልዓተ ጉባኤው ለቀጣይ ስድስት ወራት(ከግንቦት እስከ ሐምሌ እና ከነሐሴ እስከ ጥቅምት) በቋሚ ሲኖዶስ አባልነት የሚያገለግሉ የስድስት ብፁዓን አባቶች ምርጫም አካሒዷል፡፡ ከግንቦት እስከ ሐምሌ 30 ቀን 2008 ዓ.ም.፡- ብፁዕ አቡነ ጢሞቴዎስ፣ ብፁዕ አቡነ ሰላማ፣ ብፁዕ አቡነ ማርቆስ፤ ከነሐሴ እስከ ጥቅምት 30 ቀን 2009 ዓ.ም.፡- ብፁዕ አቡነ ሳሙኤል፣ ብፁዕ አቡነ ዮሴፍ፣ ብፁዕ አቡነ ዳንኤል እና ብፁዕ አቡነ ኄኖክ እንዲያገለግሉ በቅዱስ ሲኖዶሱ ተመርጠዋል፡፡
ለብፁዕ የቅዱስ ሲኖዶስ ዋና ጸሐፊ ብፁዕ አቡነ ሳዊሮስ እና ለብፁዕ የመንበረ ፓትርያርክ ጠቅላይ ቤተ ክህነት ዋና ሥራ አስኪያጅ ብፁዕ አቡነ ዲዮስቆሮስ፣ መልካም እና በውጤት የታጀበ የአገልግሎት ዘመን እንመኝላቸዋለን፡፡

 

 

16 thoughts on “ሰበር ዜና – ብፁዕ አቡነ ሳዊሮስ የቅ/ሲኖዶስ ዋና ጸሐፊ፤ ብፁዕ አቡነ ዲዮስቆሮስ የጠቅ/ ቤተ ክህነት ዋና ሥራ አስኪያጅ ኾነው ተመረጡ፤ ፓትርያርኩ በከባዱ ተገሥጸዋል

  1. Anonymous June 3, 2016 at 10:48 am Reply

    dil ale besimi

  2. teddy June 3, 2016 at 12:06 pm Reply

    “የእርስዎ መሠረታዊ ችግር፣ ይህችን ቤተ ክርስቲያን አያውቋትም፤ ለ35 ዓመታት ውጭ ስለኖሩ የአህጉረ ስብከቱን ይኹን የቤተ ክህነቱን የየዘርፍ ሥራዎች አያውቋቸውም፤ ባልዋሉበትና ባላወቁት ሓላፊነት በመቀመጥዎ ሕግንና ሕገ ቤተ ክርስቲያንን መሠረት አድርገው መሥራት አልቻሉም፤ የሚያሳዝነው በዚኽች ቤተ ክርስቲያን ላይ እጁን ያነሣ አካል አኹንም እርስዎን ሾመብን፤ አኹንም ከጀርባ ኾኖ ያበጣብጠናል፤ ወደ ሰላም፣ ወደ ልማት፣ ወደ ዕድገት እንዳትሔድ፤ ዘወትር የብጥብጥ ዐውድማ እንድትኾን እየሠራ ያለ አካል መኖሩን እኛም እናውቃለን፣ ሕዝቡም ያውቃል፡፡”……………………….Uffffffffffffffffffa ነፍሴ ሐሴት አደረገች!!! ብፁዓን አባቶቼ ምንም ባታደርጉ ይህን ስላላችሁ ብቻ ይህን ያናገራችሁ አምላከ ገብረ መንፈስ ቅዱስ አምላከ ቅዱስ ያሬድ አምላከ ቅዱስ አባ ጊዮርጊስ ይባርካችሁ ይጠብቃችሁ!ጽናቱን ብርታቱን አብዝቶ ይስጣችሁ!!!እኛም እናንተ የምትቀበሉትን ማንኛውንም መስዋዕትነት ለመቀበል ዝግጁ ነን፤ለዚህም ጌታ መድኃኔዓለም ይርዳን!!!

    • Anonymous June 4, 2016 at 3:07 am Reply

      ሰይጣን መግቢያ በርህ ከአለት በተሰሩ ሳንቃዎች እየተዘጋ ነው ተመስገን አምላከ አማሌክት፡፡

  3. Anonymous June 3, 2016 at 12:15 pm Reply

    በዚህች ቤተ ክርስቲያን ላይ እጁን ያያሣ አካል እርስዎን ሾመብን – እውን ይህች ቃል ከሲኖዶስ ተሰማችን?

    የቅዱስ ሲኖዶሱን ጉባኤ ገባ ወጣ እያሉ ብቻቸውን የተሰበሰቡ ይመስል የብቻቸውን ሀሳብ ለማስወሰን በከፍተኝ ትጋት የምልዐተ ጉባኤውን ሀሳብ እየጨፈለቁ ወደ ራሳቸው ብቻ እንዳጋደሉ የጸኑት፣ ከቆሙበት ሳይነቃነቁ በየ አጀንዳው ገትረው የያዙት አባ ማትያስ በተግሣጽ ቃል እንደተሸነቆጡ ተሰማ፡፡ እንዲህ ያለው ነገር የሚገባ ነውና ለምን ኾነ በለን አንደነቀቅም፡፡ እጅግ በሚገርም ሁኔታ ዛሬ የተሰማው ብዙ ሽፍንፍን ሲበጅለት የነበረው ነገር ግን አነጋጋሪ ነው፡፡
    ከቅዱስ ሲኖዶስ አባላት ከተላለፉት ቃላተ ተግሣጻት መካከል አንዱ ”የሚያሳዝነው በዚኽች ቤተ ክርስቲያን ላይ እጁን ያነሣ አካል አኹንም እርስዎን ሾመብን፤ አኹንም ከጀርባ ኾኖ ያበጣብጠናል፤ ወደ ሰላም፣ ወደ ልማት፣ ወደ ዕድገት እንዳትሔድ፤ ዘወትር የብጥብጥ ዐውድማ እንድትኾን እየሠራ ያለ አካል መኖሩን እኛም እናውቃለን፣ ሕዝቡም ያውቃል፡፡” የሚለው ነው፡፡
    እዚህ ውስጥ ብዙ እምቅ መልእክታት አሉበት፡፡ አጅግ ጎልተው የሚወጠት ግን ሁለት ነገሮች ናቸው፡፡

    አንደኛው በቤተክርስቲያን ላይ እጁን ያነሣ አካል የሚለው ሲኾን ሁለተኛው ደግሞ ሾመብን የሚለው ነው፡፡ ቅዱስ ጳውሎስ ቤቱም የእውነት ዓምድ ነው በማለት ስለ ቅድስት ቤተ ክርስቲያን የተናገረው ቃል ትዝ አለኝ፡፡ ቤቱ ቤት የሚኾነው እንዲህ የእውነት ዓምድ ከኾነ ብቻ ነው፡፡
    በቤተ ክርስቲያን ላይ እጁን ያነሣ ማለት የሠነዘረ ማለት ነው፡፡ በዓላማ የተነሣ አካል መኾኑን ያሳያል፡፡ ቁም ነገሩም እዚህ ላይ ነው፡፡ ጠላትን ማወቅ ለመከላከልም ኾነ ለማጥቃት ወሳኝ ጉዳይ እና ግዴታም ነው፡፡ ለምን እጁን አነሣ? ከመቼ ጀምሮ? ወዘተ የሚሉ ጉዳዮች ካሉ በሂደት የሚታዩ ናቸው፡፡ እውነታው የተነሣ እጅ መኖሩ፣ የተቃጣውም እንበለው የተሠነዘረው ደግሞ ለማጥቃት እንጂ ለምሕረት፣ ለትብብር፣ አለመኾኑ ከባለጉዳዩ ሲኖዶስ መገለጡ ብዙ መልእክት አለው፡፡

    እንደዚህ የኾነባችሁን ስተነግሩን እኛም አይደለም ከጎናችሁ ከጉልበታችሁ ሥር እንገኛለን፡፡ የተሠነዘረው እጅ መሰብሰብ አለበት፡፡ ቅድስት ቤተ ክርስቲያን ነፃ ኾና ሥራዋን መሥራት ይገባታል፡፡ ባለ ሙሉ መብት፣ ለሁሉም ቤተ እምነት ባለ ውለታ፣ ልትከበር እንጂ ልትገፋ የማይገባት እናት ናት፡፡ ያ የተቃጣ እጅ ወደ ቦታው እንዲመለስ ማድረግ የመጀመሪው ተልእኮ ካልኾነ አሁንም ሰላም እንዳጣች ትቀጥል ዘንድ መፍረድ ይኾናል፡፡

    ሁለተኛው ዋና ቃል “ሾመብን” የሚለወ ነው፡፡ አሁን ሲኖዶሱ እኒህን አባት እንዳልሾመ ተናገረ ማለት ነው፡፡ ይህም ዓለም ሊሰማው ሲገባ የዘገየው ድምጽ ነው፡፡ መንበሩ እንደተደፈረ በግልጥ የተነገረበት ቃል በመኾኑ እየመረረንም ቢኾን የምንጋተው ሐቅ ኾነ፡፡ ከዚህ የታሪክ በር ላይ ቀመን ወዴት እና እንዴት መሄድ እነዳለብን መወሠን ይገባናል፡፡ ሊቁ በመክፈቻው ጸሎት ላይ ባስተማሩት ትምህርት “ፖለቲካ ይውጣ እውነት ይገለጥ” ብለው ነበር፡፡

    የታያቸው ቢኖር እንጂ እንዲህ እውነት ግልጥልጥ እያለ ጥብዐት ወደቤቱ ገብቶ ከአበው ለዘመናት ልንሰማቸው የምንናፍቃቸውን የእምነት ቃላት አእየተምዘገዘጉ ከደጃችን የደረሱት፡፡ እንዴት በቤታችን የሚሾም እየተስተናገደ እንዲቀጥል ዕድል እንሰጣለን? ለወንጌለ መንግሥቱ እንቅፋት፣ ለእርቀ ሰላሙ እንቅፋት፣ ሐራጥቃ ተሐድሶን ለማስወጣት እንቅፋት፣ አማሳኞችን እና የመልክም አሰተዳደር ጠምዛዦችን ለመዋጋት እንቅፋት፣ አበው በሀሳብ ልዕልና እንዳይሞግቱ እንቅፋት . . . ስንቱን እንሸከም ዘንድ እንችላለን?

    እነዚህ ሁለት መልእክታት እግዚአብሔር ባወቀ የተላለፉ ናቸውና ከአንግዲህ ከብፀዓን አበው ጎን ቆመን እናት ቤተ ክርስቲያናችንን ከማንኛውም አጽራረ ሃይማኖት የመጠበቅ አደራ አለብን፡፡ ትናንት የመንግሥት ባለሥልጣናትን አግዙን ብለው ከመንፈስ ቅዱስ ዘወር ብለው ለምን ጠሩ ብለን አዝነን ነበረ፡፡ የጎሸ ውኃ እየቆየ አንደሚጠራው እንዲህ እንዲጠራ ከነበረ ያንን መቀበል አይከብደንም፡፡ ግን አሁንም ወደህ እና ወዲያ የሚል ከኾነ ማጣፊያው ያጥርብናል፡፡ በቆምንበት እንገኝ፡፡ እርዳታው የሚመጣው በዚያ በኩል ነውና! ፈቀቅ ባልን ቁጥር እየራቀን ይሄዳልና!(Abayneh Kassie)

    • Anonymous June 3, 2016 at 6:00 pm Reply

      በመጨረሻ ደብዳቤውን አልጽፍም ቢሉስ ምን እንደሚያደርጉ ያውቃሉ? አስቡበት።

    • Betty weldemeskel bogale June 25, 2016 at 10:17 pm Reply

      እግዚአብሔር አምላክ ቅድስት ቤተክርስቲያንየይጠብቅልን ይህንን ክፉ መንፈስ በጋራ በአንድነት በንፁህ ልብ ሆነን በጸሎት ካልሆነ በምንም ማሸነፍ አይቻልምና ሁላችንም በጸሎታችን ቅድስት ቤተክርስቲያ እናስባት ሐዋርያት ያስተማሩ ሰማእታት የተጋደሉላት ናትና ማንም አያደርሳትም ማንም አያድሳትም የሰራዊት ጌታ እግዚአብሔር አድሮባታልና ማንም አያፈርሳትም ተዋህዶ እምነቴ ናት

  4. Anonymous June 3, 2016 at 12:57 pm Reply

    Gene ytsomut swat mene yahe ketadeso yente nsew gen wanw yetadso ser yemiksekso nsew are bedne tkulw atertsw awtet enkse aynotse letetfn ewnt new ywtsomut yetadso wane mer nsew bednb asetwlse endgen mertw btknwanot teru yemselj alze gen ayemnotc bzew endmyekt terter yelwam

  5. Surafel Yohannes June 3, 2016 at 2:06 pm Reply

    ወይ አበነ ወያነ ድሮስ የዘር ካባቸውን ሳያወለቁ እንዴት መንፈስ ቅዱስ ይምራቸው ማታ ማታ ከባለስልጣን ጋር እየተማከሩ እያደሩ እኮ ነው

  6. Anonymous June 3, 2016 at 2:12 pm Reply

    አይ ምንፍቅና እግዚአብሔርአንተ ሳይሆን መንግስትንና የሰይጣን ተላላኪዎችነን የሚያመልክ አባ ማትያስ

  7. Anonymous June 3, 2016 at 3:00 pm Reply

    ቤተ ክርስቲያንዋ ላይ እጁን ያነሳው አካል የመጨረሻ ግቡ ምን እንደሆነ እስካሁንም በቤተ ክርስቲያንዋ ውስጥ ምን ሲሰራ እንደኖረ ለአርባ አመታት የተዘረጋው እጅ ቤተ ክርስቲያንዋን እንዴት እንደሚዘውራት ለማወቅ ከፈለጋች የዶክተር አረጋዊ በርሄን የመመረቂያ ፅሁፍ ለማንበብ ሞክሩ መፅሐፉን ማግኘት የማትችሉ ዶክተር አረጋዊ ብላችሁ ሰርች አድርጉ ያወጣላችኋል።

  8. ፍቅረ June 3, 2016 at 4:36 pm Reply

    ካሳ ተክል ብርሃን ቆስጠጢኖስ ሆነላቸው

  9. menberesibhat getie June 4, 2016 at 8:56 am Reply

    thank you for your timely information

  10. menberesibhat getie June 4, 2016 at 9:00 am Reply

    GOD may be with you and bless your work. Thank you

  11. menberesibhat getie June 4, 2016 at 9:50 am Reply

    This may be the entry point to solve the problems related to adminstration of the church.

  12. senu June 12, 2016 at 1:43 pm Reply

    ye abatachin ye amiro dehninet ateratare meselegn

    hakem bete,, weyim wede tebel behedus ?

    ENDE Daniel kibret temtatobachew endayhon abo !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: