ቅ/ሲኖዶስ: በመላው ገዳማት፣ አድባራትና የገጠር አብያተ ክርስቲያናት ጸሎተ ምሕላ እንዲደረግ ዐወጀ፤“ባሳለፍናቸው ሳምንታት ሕይወታቸውን ያጡ ወገኖችን በመሪር ሐዘንና በጸሎት እናስባቸዋለን”

Synod declaration yek2008aየካቲት ፳፱ ቀን ፳፻፰ ዓ.ም.
በስመ አብ ወወልድ ወመንፈስ ቅዱስ አሐዱ አምላክ አሜን፡፡
ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ የተሰጠ መግለጫ
ኅሡ ሰላማ ለብሔር እስመ በሰላመ ዚአሃ ይከውን ሰላምክሙ፤
(የአገርን ሰላም እሹ ፈልጉ የአገራችኹ ሰላም የእናንተ ሰላም ነውና)

 የተወደዳችኹ ኢትዮጵያውያንና ኢትዮጵያውያት፤

የሀገርና የወገን ፍቅር ያለው ሕዝብ፥ ሰላም ከእግዚአብሔር መኾኑን ያውቃል፤ ሰላም ለሰው ልጆች ከማናቸውም መሠረታውያን ፍላጎቶች በላይ ተቀዳሚ ጉዳይ ነው፡፡

ኢትዮጵያ ሀገራችን የተለያዩ ሃይማኖቶች፣ ብሔር፣ ብሔረሰቦች ተቻችለውና ተረዳድተው የሚኖሩባት የዓለም ምሳሌ ናት፡፡ ይህን ዓለምን የሚያስደንቅ ገጽታችንን ማንኛውም ኢትዮጵያዊ እንዲከተለው ጥሪያችንን እናቀርባለን፡፡

የተወደዳችኹ ኢትዮጵያውያን፣ ኢትዮጵያውያት፤

ኢትዮጵያ አህጉረ ሰላም(የሰላም አገሮች) ከሚባሉት ከዓለም አገሮች አንዷ ስትኾን በአኹኑ ጊዜ በአንዳንድ ክልሎችና ከተሞች የሚታየው አለመረጋጋት ኹሉንም የሚያሳሳብ ኾኖ አግኝተነዋል፡፡

ከዚኽም ጋር ባለፍናቸው ሳምንታት በተከሠተው ያልተጠበቀ ችግር፡-

  1. በአንዳንድ አካባቢ የሰው ሕይወት ሲጠፋ፤ ትምህርት ቤቶች ሲዘጉ፤ የንግድ ተቋማት፣ የሕዝብና የመንግሥት ንብረት ሲወድም፤ የሕዝባችን የዕለት ከዕለት ኑሮ ሲናጋ ኹሉም ኅብረተሰብ የችግሩ ተጠቂ ኾኗል፤ የዚኽ ዓይነቱ ድርጊት በዚኽ ኹኔታ ከቀጠለ የሕዝባችን ህልውናና የትውልዱም የወደፊት ዕድል አደጋ ላይ ሊወድቅ ይችላል፡፡
  2. ባሳለፍናቸው ሳምንታት በተከሠተውኹኔታ ሕይወታቸውን ያጡ ወገኖች በመሪር ሐዘንና በጸሎት እናስባቸዋለን፡፡ ስለዚኽ ኹላችሁም ልጆቻቸን መላው የኢትዮጵያ ሕዝብ ወንድ፣ ሴት፣ ወጣት፣ ሽማግሌ ሳትሉ ችግራችኹን ሰላማዊ በኾነ መንገድ ለሚመለከተው እንድታቀርቡ፣ መንግሥትም የሕዝቡን ችግርና ሰላማዊ ጥያቄ በመገንዘብ መፍትሔ በመስጠትና ሰላም ለማምጣት እያደረገ ያለውን የዕለት ከዕለት ጥረት እንዲቀጥልበት በቤተ ክርስቲያናችን ስም እናሳስባለን፡፡
  3. ሕዝባችንና ሀገራችን በረኀብ፣ በድኅነትና በበሽታ ቸነፈር በተቸገረበት ወቅት የኢትዮጵያ ሕዝብ በአንድነት መሠረታዊ ወደኾነው የልማት የሰላምና የድርቅ ጉዳይ በማተኮር መልስ ሰጭ መኾን ይገባዋል ብለን በጽኑ እናምናለን፡፡
  4. ወገኖቻችን ሆይ፣ በአኹኑ ጊዜ የወቅቱ የኤሌክትሮኒክስ መገናኛ(ብሎገሮችና የፌስቡክ) ተጠቃሚዎች በሙሉ ኢትዮጵያውያን ከሞያችኹ ከዕውቀታችኹ ተጠቃሚዎች የመኾን ምኞታቸው የላቀ ነው፡፡ ኾኖም መልካሙንና ለዕድገት የሚያግዛቸውን ዕውቀት እንጂ ኅብረተሰቡን የሚለያይና የሚያራርቅ መረጃ(ኢንፎርሜሽን) ዕለት ዕለት ብታስነብቡት ትርፉ መራራቅን እንጂ መቀራረብን፤ መለያየትን እንጂ መግባባትን አያመጣም፤ ከዚኽ አንጻር የእናንተም ጥረትና ድካም ከንቱ ኾኖ ይቀራል፡፡ በመኾኑም የተከበረ ዕውቀታችኹን፣ ሞያችኹን፤ ለሕዝባችን ፍቅርና አንድነት፤ ለሀገራችን ሰላምና ዕድገት እንድታውሉት የኢትዮጵያ ኦርቶዶክስ ተዋሕዶ ቤተ ክርስቲያን ትጠይቃለች፡፡

የተወደዳችኹ ኢትዮጵያውያን፤

ተቻችሎና ተረዳድቶ የመኖር የተቀደሰ ነባር ባህላችንን የሚያጎድፍ ማናቸውንም አስተሳሰብና እንቅስቃሴ በአንድነት መቋቋም እንደሚገባ አበክረን እየገለጽን፣ ኢትዮጵያውያንና ኢትዮጵያውያት ወገኖቻችን በሙሉ፣ በተለይም አገር ተረካቢ ትውልድ የኾናችኹ ወጣቶች፣ ሁከትና ብጥብጥን ከሚያስከትሉ መጥፎ ድርጊቶች እንድትቆጠቡ፤ ለሀገር ሰላምና ልማት ጠንክራችኹ እንድትቆሙ በልዑል እግዚአብሔር ስም አጥብቀን እያሳሰብን በተፈጠረው ሁከትና ብጥብጥ ሕይወታቸውን ላጡ ወገኖቻችን የሀብትና የንብረት ውድመት፣ በተለይም የሕዝብ መገልገያ የኾኑ የእምነት ተቋማት መቃጠል የተሰማንን ሐዘን እንገልጻለን፡፡

ይልቁንም ከኹሉም በላይ ኹሉን ማድረግ የሚችል እግዚአብሔር አምላካችን፤ ለኢትዮጵያ ለሀገራችን ሕዝቦች ሰላሙን፣ ፍቅሩን፣ አንድነቱን ይሰጥልን ዘንድ፤ ድርቁን ረኀቡን አስታግሦ መጪው ጊዜ ዝናመ በረከቱን ይሰጠን ዘንድ በያዝነው በዐቢይ ጾም ሱባኤ ጸሎተ ምሕላ በመላ ሀገሪቱ ባሉት ገዳማትና አድባራት የገጠር አብያተ ክርስቲያናት እንዲደረግ ቅዱስ ሲኖዶስ ወስኗል፡፡

እግዚአብሔር አምላክ ኢትዮጵያን ይባርክ::
የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ 
የካቲት ፳፱ ቀን ፳፻፰ ዓ.ም.
አዲስ አበባ
         

9 thoughts on “ቅ/ሲኖዶስ: በመላው ገዳማት፣ አድባራትና የገጠር አብያተ ክርስቲያናት ጸሎተ ምሕላ እንዲደረግ ዐወጀ፤“ባሳለፍናቸው ሳምንታት ሕይወታቸውን ያጡ ወገኖችን በመሪር ሐዘንና በጸሎት እናስባቸዋለን”

  1. anonymous March 8, 2016 at 2:28 pm Reply

    uuuffffffffff! not language of our church!

  2. ኃይለ ስላሴ March 8, 2016 at 8:24 pm Reply

    የተለመዱ ካድሬዎች የአባቶችን የተለየ አባባል ወደ ካድሬያዊና ወደዘረኝነታቸው ቀይረውት ይመስላል፣ለምሳሌ ያህል ብሔረ ብሔረሰቦች፣ገዳዩን/መንግስትን/የመርሳት ወጣቶችን ተጠያቂ ማድረግ

  3. Anonymous March 9, 2016 at 6:34 am Reply

    እግዚአብሔር አምላክ ኢትዮጵያን ይባርክ!

  4. Getaneh Kassie March 9, 2016 at 6:39 am Reply

    እግዚአብሔር አምላክ ኢትዮጵያን ይባርክ!

  5. Senait March 9, 2016 at 10:00 am Reply

    Let focus on the prayer. Good start!

  6. Dene March 10, 2016 at 7:45 am Reply

    ይሄ የራስጌ እና የግርጌ ማኅተም የሌለበት ደብዳቤ በትክክል የቅዱስ ሲኖዶስ መግለጫ ነው?

  7. gedion March 10, 2016 at 1:36 pm Reply

    It is disgraceful statement. all the content of the statement political mask. now its clear from this statement the existing Synod not a religious leader . they are a political troy.

  8. Anonymous March 17, 2016 at 9:35 am Reply

    አይ ወያች ከተጠያቂነት ነጻ አትወጡም፡፡ ትናንት የሃይማኖት ጭቆና ስታደርስ ቆይታለች ስትሏት የነበረችን የኦርቶዶክስ ሃይማኖት ዛሬ ሲጨንቃችሁ አንዴ ሽማግሌ ሌላ ግዜ በጸሎት ስም ማጭበርበር ስለተነቃባችሁ ከተጠያቂነት አታመልጡም፡፡ አታፍሩም ቀደም ያሉ አባቶች በጸሎታቸውና ለአገራቸው ካላቸው ፍቅር አንድነቷን ጠብቀው ያቆዩዋትን አገር አንዴ በሃይማኖቱ ሌላ ጊዜ በብሄሩ እየከፋፈላችሁ እርስ በእርሱ እንዳይተማመንና የእናንተን የረጅም ጊዜ እቅዳችሁን መሳኪያ አደረጋችሁን፡፡ አሁን ግን ህዝቡ ነቅቶባችኋል ፡፡ እግዚአብሔር በትግስት ቢመለከታችሁ ፈጣሪው እናንተ የሆናችሁ እስከምትመስሉ እየተንቃሳቀሳችሁ ስለሆነ አገራችንን እግዚአብሔር ለእመቤታችን አስራት አድርጎ የሰጣት አገር ስለሆነች ሳታጠፉዋት እናንተ እደምትጠፉ ጥርጥር የለንም፡፡ እባካችሁ ያደረጋችሁት ወንጀል ሁሉ በቅቷችሁ ወደ ንስሃ ተመለሱ ፡፡የሚያስብና የሚያስተውል ልቦና ይሰጣችሁ!!! በኢትዮጵያ ውስጥ አጥፍቶ ጠፊ የሚባለው ህዋት ኢሃዴግ እያላችሁ የመሰረታችሁት አገር አውዳሚ ትውልድ ገዳይ ሙሰኛእና ዘረኛ ውሽታምና አጭበርባሪው በሃይማኖት ተቋማት ሳይቀር ተሰግስጎ ወንጀል የሚሰራ ነው፡፡ በጣም ያሳዝናል፡፡ መግቢያችሁ የት ይሆን!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: