የኢትዮጵያ ቤተ ክርስቲያን በደቡብ አፍሪካ: ፈቃዷ ተሰርዞ ከመዘጋቷ በፊት መንበረ ፓትርያርኩ እንዲታደጋቸው ምእመናኑ ጠየቁ

  • “እንደ ረዳት ጳጳስ ነኝ” የሚሉት ሥራ አስኪያጁ፣ ሕጋዊ ህልውናዋን ለአደጋ አጋልጠውታል
  • ምደባቸው፣ ከመንግሥት ሕግ እና ከሥርዐተ ቤተ ክርስቲያን አንጻር ጥያቄ ተነሥቶበታል
  • ለስምንት ዓመታት የሒሳብ ሪፖርት ለሚመለከተው መንግሥታዊ አካል አልቀረበም

Ethiopian Orthodox Tewahido Church South Africa2
በመላው ደቡብ አፍሪቃ ያለችው የኢትዮጵያ ኦርቶዶክስ ተዋሕዶ ቤተ ክርስቲያን፣ በደቡብ አፍሪቃ መንግሥት አትራፊ ባልኾኑ ሕዝባዊ ድርጅቶች ዐዋጅ(NPO) ሕግ መሠረት እ.አ.አ በ26/01/1999 ሕጋዊ ፈቃድ አግኝታ፣ በቁጥር 006-083 መሠረት የተፈቀደላት እና የተመዘገበ ሕጋዊ ሰውነት ያላት ቤተ ክርስቲያን ናት፡፡

ዓመታዊ የሒሳብ ሪፖርት አለመቅረቡ

ይህ ሲኾን ታድያ፣ ቤተ ክርስቲያን ዓመታዊ የሒሳብ ሪፖርቷን ለደቡብ አፍሪቃ የገቢዎች ቦርድ (South Africa Revenue Service) ማሳወቅ ይኖርባታል፡፡ ይኹንና ላለፉት ስምንት ዓመታት ምንም ዐይነት የሒሳብ ሪፖርት አልቀረበም፡፡ ስለ ጉዳዩ የሚመለከተው አካል በተደጋጋሚ ሲጠይቅ ቢቆይም አንዳችም ምላሽ ባለማግኘቱ፣ ፈቃዳችን ተሰርዞ ቤተ ክርስቲያናችን እንዳትዘጋ ከፍተኛ ስጋት ላይ ወድቀናል፡፡

ይህን ስጋታችንንና ሌሎች መሠረታዊ ችግሮቻችን፣ ለቅዱስ ሲኖዶስ ጽ/ቤት እና ለብፁዕ ወቅዱስ ፓትርያርኩ ልዩ ጽ/ቤት አቅርበን ነበር፡፡ ቅዱስ ሲኖዶስም የጉዳዩን አሳሳቢነት አምኖበት በጥቅምቱ የምልአተ ጉባኤ ስብሰባ ከተነጋገረበት በኋላ፣ የሒሳብ ሪፖርቱ በአስቸኳይ ተሠርቶ ለሚመለከተው አካል እንዲቀርብ፤ በውጭ ኦዲተርም እንዲመረመር ትእዛዝ ሰጥቶ ነበር፡፡

ይኹንና ትእዛዙ ከተላለፈም በኋላ ሒሳቡ ተሠርቶ፣ ሪፖርቱ ባለመቅረቡ ውሳኔው ተፈጻሚ መኾን አልቻለም፤ የውጭ ኦዲቱም አልተከናወነም፡፡

አጥቢያን ለማስተዳደር ያልቻሉት አባት የሀገረ ስብከቱም ሥራ አስኪያጅ መኾናቸው

Tumlesan welcomed as Deputy Bishopሌላው ዐቢይ ችግራችን፤ ከደቡብ አፍሪቃ ሀገረ ስብከት ዋና ሥራ አስኪያጅ እና ከጆሐንስበርግ መድኃኔዓለም ቤተ ክርስቲያን አስተዳዳሪ ጋር የተያያዘ ነው፡፡ ቆሞስ አባ ጥዑመ ልሳን አዳነ፣ የሀገረ ስብከቱ ዋና ሥራ አስኪያጅ እና የቤተ ክርስቲያኑ አስተዳዳሪ በመኾን ተመድበዋል፤ ነገር ግን እኚኽ አባት ከዚህ ቀደም ቤተ ክርስቲያኑን ለኹለት ዓመታት ባስተዳደሩበት ወቅት፣ በነበረባቸው የአስተዳደር ብቃት ማነስ ሳቢያ በራሳቸው ፈቃድ ሓላፊነታቸውን ትተው ወደ አገር ቤት ተመልሰው ነበር፡፡

ይህ መኾኑ እየታወቀ አንድን አጥቢያ ቤተ ክርስቲያን ለማስተዳደር ያልቻለን አባት፣ የሀገረ ስብከቱም ሥራ አስኪያጅ ኾነው መመደባቸው ችግሮቹ የበለጠ እንዲባባሱ አድርጓል፡፡ ለኹለት ዓመት ባስተዳደሩበት ወቅት ለስምንት ዓመታት የተረሳውን የሒሳብ ሪፖርት ለቅዱስ ሲኖዶስ አላሳወቁም፤ ከውሳኔ ቃለ ጉባኤው ለማረጋገጥ እንደሚቻለው፣ ለቅዱስ ሲኖዶሱ አቤት ብሎ ኹኔታውን ያሳወቀው አኹን በሥራ ላይ ያለው ሰበካ መንፈሳዊ ጉባኤ ነው፡፡

አቅመ ቢሱ አስተዳዳሪ እና ሥራ አስኪያጅ እንደ ረዳት ጳጳስ ነኝ” አሉን – “ረዳት ጳጳስ”???

ቆሞስ አባ ጥዑመ ልሳን፣ ለኹለተኛ ጊዜ የመጡት በሦስት ወር የጉብኝት ቪዛ ነበር፡፡ በሀገሪቱ ሕግ መሠረት በጉብኝት ቪዛ ሥራ መሥራት እንደማይቻል ቢነገራቸውም በማናለኝነት ሲሠሩ ተገኝተው በሚመለከተው የመንግሥት አካል(Home Affairs/Immigration) ክሥ መሥርቶባቸዋል፡፡ ባለሥልጣኑ መሥሪያ ቤት፣ በክሥ ቁጥር ጄ.ኤች.ቢ.337/2015 መሠረት የጉብኝት ጊዜአቸውን ጨርሰው ወደ አገር እንዲመለሱ በሰጠው ውሳኔ መሠረት ወደ አገር ቤት ተመልሰው ነበር፡፡ ለ Waiver request ምላሽ ከአገር ውስጥ ጉዳይ መስሪያ ቤት

በቅርቡ ደግሞ፣ ለአምስት ዓመት እንደ “ረዳት ጳጳስ” /Deputy Bishop/ እንድሠራ የሥራ ፈቃድ ተሰጥቶኛል፤ በማለት ለሦስተኛ ጊዜ ተመልሰው መጥተዋል፡፡ “የቀጠርዎት ማን ነው? ማስረጃዎንም ያሳዩን?” ብለን ስንጠይቃቸው፤ “አላሳይም፤ ነገር ግን ከቅዱስ ሲኖዶሱ ተፈቅዶልኝ የአምስት ዓመት የሥራ ፈቃድ ተሰጥቶኛል፤” አሉን፡፡ በፓስፖርታቸው ላይም Deputy Bishop የሚል ፈቃድ ያሳያል፡፡ ጥያቄአችን፤ አባ ጥዑመ ልሳን በርግጥ Deputy Bishop ተብለው መጠራት ይችላሉ ወይ? ይህ ዐይነቱ ሢመት እና አሠራር በሥርዐተ ቤተ ክርስቲያናችንና በቃለ ዐዋዲ ደንቡ አለ ወይ? Permit as DEPUTY BISHOP

የ“ረዳት ጳጳሱ” ጦስ የከፋ የሕግ ርምጃ ሳያስከትል መንበረ ፓትርያርኩ ይታደገን

ከደቡብ አፍሪቃ መንግሥት የሥራ ፈቃድ ሰጪ አካል ባገኘናቸው ማስረጃዎች፣ የቀድሞው የፕሪቶርያ ሐመረ ኖኅ ቅድስት ኪዳነ ምሕረት አስተዳዳሪ ቆሞስ አባ ገብረ ሥላሴ መርሻ ታደገ፣ የሀገረ ስብከቱ የበላይ ሓላፊ መስለው በመፈረም ለአባ ጥዑመ ልሳን አዳነ ትኩ “ጳጳስ” ናቸው ብለው በማመልከት የሥራ ፈቃዱ እንዲሰጣቸው አድርገዋል፡፡ አስገራሚው ነገር ግን፣ ራሳቸው ቆሞስ አባ ገብረ ሥላሴ፣ በ2006 ዓ.ም. የጥቅምት ቅዱስ ሲኖዶስ ምልአተ ጉባኤ ከቤተ ክርስቲያኑ የአስተዳደር ሓላፊነታቸው ተነሥተው በሌላ እንዲተኩ ውሳኔ የተላለፈባቸው መኾኑ ነው፡፡

የመንግሥትንም ኾነ የቤተ ክርስቲያናችንን አሠራር ባልተከተለ መልኩ የተፈጸመውን ሕገ ወጥ ተግባር የሥራ ፈቃድ ሰጪው አካል ስለደረሰበት፣ ከቅዱስ ሲኖዶስ ለአባ ጥዑመ ልሳን አዳነ ትኩ ተሰጥቷል ስለተባለው ጵጵስና ማስረጃ እንዲያቀርቡ አመልካቹን ቆሞስ አባ ገብረ ሥላሴ መርሻን ጠይቋል፡፡

የሀገሪቱን ሕግ በውል ለሚረዳ፣ ከዚህ ጋር በተያያዘ ሊወሰድ የሚችለው የሕግ ርምጃ የከፋ ሊኾን ይችላል፡፡ ችግሩ የበለጠ ጉዳት እንዳያደርስ፣ ኹለቱም አባቶች ወደ አገር ቤት እንዲመለሱ ብንመክርም ብናስመክርም ካለመስማታቸውም በላይ ይባሳችሁ ብለው ምእመኑን የሚከፋፍል እኩይ ድርጊት እየፈጸሙ በመኾኑ፣ መንበረ ፓትርያርኩ የቤተ ክርስቲያናችንን ህልውና የሚታደግ አስቸኳይ መፍትሔ እንዲሰጠን በመድኃኔዓለም ስም እንጠይቃለን፡፡ ለማስረጃ ይኾን ዘንድ ለሥራ ፈቃድ ማውጫ የተጠቀሙባቸውን ሰነዶች በከፊል እና የፓስፖርታቸውን ኮፒ አያይዘን ልከናል፡፡

ኃያሉ እግዚአብሔር ለቤተ ክርስቲያናችን ሰላሙን ያውርድልን፡፡ አሜን፡፡

የመረጃ ማስተካከያ፡-

የብፁዕ አቡነ ፊልጶስ ሊቀ ጳጳስ ዜና ዕረፍትን አስመልክቶ በቀረበው ዘገባ፣ ብፁዕነታቸው ባለፈው ግንቦት የርክበ ካህናት ቅዱስ ሲኖዶስ ምልአተ ጉባኤ፣ የደቡብ አፍሪቃ ሊቀ ጳጳስ ኾነው ተመድበው እንደነበር ተጠቅሷል፡፡ ይኹንና የብፁዕነታቸው ጉዞ የምደባ ሳይኾን ከቅዱስ ሲኖዶስ ጽ/ቤት ለአጭር ጊዜ የተሰጣቸው ተልእኮ እንደነበር የሀገረ ስብከቱ ምእመናን ከላኩት መረጃ ተረድተናል፡፡ በመኾኑም ስሕተቱ በዚሁ መሠረት እንዲታረም ከታላቅ ይቅርታ ጋር እንጠይቃለን፤ ምእመናኑንም ከልብ እናመሰግናለን፡፡

His Grace the late Abune Filpos in SAበረከታቸው ይደርብንና ብፁዕነታቸው ለሕክምና በመጡበት ወቅት ጎብኝተናቸዋል፡፡ ዕድሜ እና ብርታት ሰጥቷቸው ተመድበውልን ቢመሩን ደስታችን ወደር አልነበረውም፡፡

ብፁዕነታቸው ከሕክምናው ባሻገር ወደ ደቡብ አፍሪቃ የመጡት ግን፣ በወቅቱ በወገኖቻችን ላይ የደረሰውን የመረረ ሐዘን እንዲያረጋጉ፤ አጽናንተውም እንዲባርኩ እንደነበር በቁጥር 233/422/2007 በቀን 17/09/2007 ዓ.ም. ከቅዱስ ሲኖዶስ ጽ/ቤት ከተላከው ደብዳቤ ለማረጋገጥ ችለናል፡፡ ይህም በ28/04/2015 ለቅዱስ ሲኖዶስ በደብዳቤ በጠየቅነው መሠረት ለብፁዕ አባታችን የተሰጣቸው ተልእኮ ሲኾን በነበራቸው አጭር ጊዜም በብቃት ተወጥተውታል፡፡

15 thoughts on “የኢትዮጵያ ቤተ ክርስቲያን በደቡብ አፍሪካ: ፈቃዷ ተሰርዞ ከመዘጋቷ በፊት መንበረ ፓትርያርኩ እንዲታደጋቸው ምእመናኑ ጠየቁ

  1. zemede September 11, 2015 at 12:06 am Reply

    በውጪ ሃገር ቤተክርስቲያንን እንደሃገር ውስጥ ማስተዳደር አይቻልም። መጀመርያ ህዝቡ ራሱ ቤተክርስቲያኑን ካቋቋመ በብዙሃኑ ድምጽ በተመረጡ ባላደራዎች ነው የምትተዳደረው። ከታክስ ነጻ የሚያደርገው ህግ አንዱ መስፈርቱ ይሄ ነው። ካህኑ በመንፈሳዊ አባትነት ነው የሚያገለግለው። ክፍያ ካገኘ እንደ ኢትዮጵያ ያስተዳደሩም ኃላፊ መሆን ስለማይችል። ዋናው ችግር ግን በአሁኑ ጊዜ ቤተክርስቲያን እየተዳደረች/እየተመራች ያለችው በቀጥታ በመንግሥት ሹመኞች መሆኑን ቁልጭ አድርጎ የሚያሳይ መረጃ ነው። በሥልጣነ ክህነት ወይም ሹመተ ጵጵስና ምክትል ካህን ምክትል ጳጵስ የሚባል የለም። የፓትርያርክ ልዩ ረዳት የሚሆን እንኳን ቢሆን ሙሉ ጳጳስ ሆኖ ስለሥራው ኃላፊነት ደረጃ ብቻ ነው ረዳት የሚባለው። ለምሳሌ የአዲስ አበባ ሃገረ ስብከት የፓትርያርክ መቀመጫ ስለሆነች የፓትርያኩ ሃገረ ስብከት ናት። ነገር ግን ፓትርያርኩ አጠቃላይ የቤተክርስቲያኗን ገዳይ የበላይ ኃላፊ ስለሆነ በሥሩ ረዳት ጳጳስ ይመደባል። አንድ ሃገረ ስብከት ግን የሚተዳደረው በጳጳስ ነው። በሃገረ ስብከቱ ሥር ባሉ የወረዳ ቤተክህነቶች ላይ የሚመደቡ ኃላፊዎች ዋና ሥራ አስኪያጅ ተብለው የሚሾሙ የተለያየ የማእረግ ስም ያላሸው ካህናት/ ሊቀ ካህናት ናቸው። ከዚህ የወጣ አሰራር የለም። deputy/ ምክትል ጳጳስ የሚባል ሹመት በቤተክርስቲያን ሥርአት የለም። ሁሉን በቁጥጥሩ ሥር ያዋለውና መንግሥት የሆነው ኃይል ግን ዘበኛም ቢሆን የእኛን ፖሊሲ እስካስፈጸ ድረስ ሚንስትር መሆን ይችላል ብሎ በአደባባይ የተናገረው ነገር ስለሆነ ይህ መሆኑ ሳይሆን የሚያስደንቀው ይህን እሜን ብላው የተቀበሉት እና በእንደዚህ ያለ አመራ ካልተመራን ሞተን እንገኝ የሚሉት ናቸው። ይህ እንዲስተካከል ሁሉም ከጸሎት ጋር በሚችለው ለውጥ እንዲመጣ መስራትና መሳተፍ ይገባዋል። ይህ ደግሞ የሚጀምረው በሃሳብም በተግባርም ከዚህ የጥፋት አሰራር በመለየት፤ ከክፉው ስንርቅና ስንቃወመው ነው። ያን ግዜ እግዚአብሔር የተሻለውን ይሰጠናል። አምላከ ቅዱሳን ትንሳኤ ቤተክርስቲያንን እና ትንሳኤ ኢትዮጵያን የምናይበት ዘመን ያድርግልን።

  2. Tiruwork Abera September 11, 2015 at 7:01 am Reply

    Amen Ethiopia Orthodox Tewahedo Hayemanotachenen Yetebklen Yebetekrstiyanachinen Yewste Tekulawoche Yawtalen . Bertu Egziabher Yerdachihu!

  3. Anonymous September 11, 2015 at 10:37 am Reply

    እኔ በጣም የገረመኝ እናንተ የቤተ ክርስቲያን ምስጥር አደባባይ ላይ ማዉጣት ነዉ ስራችሁ? እስት የለላዉን እምነት ጅርጅት ተመልከቱ እስቲ ገመናቸዉን ስሸፍኑ እናንተ ግን አጋላጮች ናችሁ ምስጥርን መጠበቅ የማትችሉ ጥሩንባዎች ናችሁ።

  4. ጽግነህ አበራ September 11, 2015 at 10:39 pm Reply

    እኔን የማይገባኝ ይህ አይነቱ ችግር በፍጥነት መፍትሔ የማያኘው ከአቅም ማነስ ነው ወይስ ከውሰጥ ጠላቶች ብርታት? እኔ ግን የኔ ብለው መቆም የሚችሉት የማስፈጸም አቅም ያጡ የመስለኛል። እጅግ ያማል። እግዚአብሔር ትዕቢተኞችንና ግፈኞችን ከዘላለም ቅጣት እንዲያመልጡ ሲል የሚያስጨንቋቸውን ሰዎች እንባ ለጊዜው ቸል ይላል፡፡ በተገፊዎች ትከሻ የሚሸከማቸው ሰለሚወዳቸው ነው ግን እርሱ ተስፋ ያልቆረጠባትን በጎነታቸውን እስኪያጡ ልባቸውን ያጸናሉ እንጂ አይመለሱም፡፡ ወደ ልባቸው ይመልሳቸው፡፡

  5. Anonymous September 12, 2015 at 8:08 am Reply

    አማሳኞቹ በሀገር ውስጥ ብቻ አይደለም ያሉት

  6. መለሠ September 13, 2015 at 9:23 pm Reply

    all who you are search real information of our church the lord God give the strength

  7. Anonymous September 16, 2015 at 12:49 pm Reply

    ሐራ ተዋሕዶ እስካለ ድረስ ቤተ ክርስቲያን መታመሷ አይቀርም፡፡ እስኪ ይህን መረጃ የሰማችሁ ምን ጥቅም አገኛችሁ
    ምን የመፍትሔ አሳብስ አመጣ፣ ለቤተ ክርስቲያንስ ምን ጠቀመ

  8. Anonymous September 16, 2015 at 6:00 pm Reply

    እውነቱ እንደውም በደንብ አልተነገረም ፣እኚህ አባት ዓላማቸው የቤተክርስቲያኑን ገንዘብ ለመዝረፍ ነው፣ከዚ በፊት ኡምታታ ላይ የተማርኩባት ቤተክርስቲያን ፈርሳለች ብለው ወደ 20 ሺ ራንድ ወስደው ለግል ጥቅማቸው አውለውታል፣

  9. Anonymous September 17, 2015 at 3:46 am Reply

    ኢስት ለንደንና ኡምታታ ያታለሉት ምእመናን ይበቃሉ ቤተክርስቲያናችንን አያዘጉብን

  10. Anonymous September 21, 2015 at 1:47 pm Reply

    የቤተ ክርስቲያን ዓይን የሆኑትን እያሳደዳችሁ ማንን እንደምታመጡ ጊዜ ሰጥቶን ባየነው፡፡ ቢያጠፉስ እንዲህ በዐደባባይ መነገሩ ምንድን ነው አስፈላጊነቱ፤ መስማት ያለበት አካል ብቻ ከሰማ አይበቃም

  11. Anonymous September 23, 2015 at 9:22 pm Reply

    የቤተክርስቲያን አይኖችማ ወንድሜ ቤተክርስቲያንን አይሸጡም

  12. hareg October 7, 2015 at 8:18 am Reply

    abetu letifat lijoch mastewal sitachew!!

  13. ማንነቴን የተቸኋቸው ሰዎች ሁሉ ያውቃሉ October 14, 2015 at 5:26 am Reply

    ቀን፡ 14/10/2015 እ አ አ
    በስመ አብ ወወልድ ወመንፈስ ቅዱስ አሐዱ አምላክ አሜን!

    ውድ ሐራዎች፡- ስለ ቤተክርስቲያን መቆርቆራችን ብሶታችንና ለቅሶአችን ከፍ ብሎ እንዲሰማ የምታደርጉልን ትብብር ጠቀሜታው ይህ ነው አይባልም፡፡ ከ 2 ዓመት በፊት በዚሁ ድህረ ገፃችሁ ላይ ፈቃዳችሁ ሆኖ ያወጣችሁት መልክታችንን ለድጋሚ ግንዛቤ እንዲረዳ ከወቅታዊው ችግራችን ጋር ጎን ለጎን ስላወጣችሁት በድጋሚ እናመሰግናለን፤ ከወቅታዊው ችግራችን ጋር ላለፊት 2 ዓመታት የተደረጉትን ለውጦች እና ተጨማሪ ጥፋቶች እንደሚከተለው ለማስረዳት እንሞክራለን፡፡

    የማይታየውንና ሰማያዊውን ነገር መንፈስ ቅዱስ ይመርምር!!! የሚታየውንና በግልጽ የማውቀውን ግን በድፍረት ሳይሆን ለቤተ ክርስቲያን ደኅንነት ስል እመሰክራለሁ፡፡

    በመጀመሪያ ደረጃ ዋናውና አሳሳቢ የነበረው የቤ/ክ የዕውቅና ችግር በልዑል እግዚአብሔር መልካም ፈቃድ ከተወሰደበት እንዲመለስ አድርገናል፡፡ ነገር ግን አሁንም ሁነኛ የአ/ስብከት ፅ/ቤት ስለሌለና ባለውም ወቅታዊ ውዝግብ ምክንያት በሁነኛ አጥቢያ ቤ/ክ በኃላፊነት እና በጥንቃቄ እንዲቀመጥ ስላልተፈለገ በግለሰብ እጅ ነው ያለው፡፡ ይኸው ትልቅ የቤ/ክ ሰነድ ለአባ ጥዑመልሳን አለአግባብ የስራ ፈቃድ እንደማስገኛ እና በእሳቸውና በአባ ገ/ስላሴ ለመንፈሳዊነት ሳይሆን ለጥቅማ ጥቅም ለተሰባሰበ ቡድን ወንጀል መስሪያ እየሆነ እንደሆነ እየታዘብን ነው፡፡ እዚህ ላይ በጣም አስገራሚው ክስተት የሆነው፤ አባ ገ/ስላሴ መርሻ ለአባ ጥዑመልሳን ስልጣን አለኝ ብለው የስራ ፈቃዱን ሲያመለክቱ ምስክር ሆነው ከፈረሙት መሀል ዲ.ን አያልቅበት ይገኝበታል፡፡ ይህ ግለሰብ በቀድሞው አ/ስብከት ውስጥ እንደ ጸሀፊ ተቀጥሮ ሲያገለግል የነበረ እና ግልፅ የሆኑ በቤ/ክ ላይ የአስተዳደር በደል የፈፀመ እና ቤ/ክ ያለአግባብ ብር 280 000 ያህል ካሳ የገባኛል ብሎ ለዓለማዊ ፍርድ ከሶ ነገር ግን በድጋሚ ለቤ/ክ ተቀጥሮ መስራት እንደማይችል ብር 64 000 የህል ብቻ ግን በፍርድ ቤቱ ተፈቅዶለትና ተቀብሎ የተባረረ ነበር፡፡ አባ ጥዑመልሳን በጎብኚነት ቪዣ በመጡበት ወቅት ግን በድጋሚ የአ/ስብከቱ ፀሀፊ ሆኖ ካልተቀጠረልኝ አሉ፡፡

    ለመንግስት የሚገባውን ዓመታዊ ሪፖርት በተመለከተ ችግሩ እስካሁን እልባት አላገኝም፡፡ ከ 4 ወራት ቢፊት ከሚመለከተው የመንግስት አካል በድጋሚ ጥያቄ ቀርቦብን ትንሽ እንዲታገሰን ለምነን ነበር፡፡ በመሀል አባ ጥዑመልሳን አግባብ በሌለው የስራ ፈቃድ ተመልሰው ሲመጡ ችግሩ ስለተባባሰ በድጋሚ እንዲዘገይ ተደርጓል፡፡ በሪፖርት ማቅረቢያው ፎርም ላይ ቢያንስ የሶስት የአ/ስብከቱን ኃላፊዎች ስልጣንና የኃላፊነት ድርሻ ስለሚጠይቅና የኃላፊዎቹም መታወቂያ ወይም ፓስፖርት ኮፒ ተያያዞ ለገለልተኛ ኦዲተር መቅረብ ስላለበት አባ ጥዑመልሳን ያልሆኑትን “ጳጳስ ነኝ” በማለታቸው ምክንያት “ጳጳስ ነው” የሚል አባሪ ማስረጃ ከፋይላቸው ጋር ካልቀረበ እንደ አ/ስብከቱ የበላይ ኃላፊ በመሆን መፈረም አይችሉም፡፡ በተለይም ይህ የመንግስትን እና የቤተክርስቲያንን ስርዓት ጥሰው በሀሰት የስራ ፈቃድ ያገኙበት ጉዳይ እስካሁን በህግ እየታየ ስለሆነ ነው፡፡

    በቅዱስ ሲኖዶሱ ውሳኔ ከፕሪቶሪያ ሐመረ ኖህ ቅድስት ኪዳነምህረት ቤተክርስቲያን አስተዳዳሪነት እንዲነሱ የተደረጉት ነገር ግን ከውሳነው በኋላ ለአንድ አመት ያህል “ከአስተዳደር ሀላፊነት ስለመነሳቴ ወረቀት አልደረሰኝም” በማለት ምክንያት እያቀረቡ የቆዩት ቆሞስ አባ ገ/ስላሴ መርሻ፤ ባለፈው እሁድ የቅዳሴው ስነስርዓት ከተጠናቀቀ በኋላ ያለምንም የጽሁፍ ማስረጃ ምዕመኑ ፊት በመቅረብ “አሁን ከቅዱስ ሲኖዶሱ ወረቀት ደርሶኛል እና ወደ አገር ቤት መመለሴ ነው” በማለት ተናገሩ፡፡ መነሳታቸውን በሚገልፁበት ወቅት ለሪኮርድ በቪዲዮ እንዲቀረፁ ያልፈቀዱት ቆሞስ የተነሱበትን ደብዳቤ ለደብሩ ፅ/ቤት እና ለአ/ስብከቱ ፅ/ቤት ግልባጭ እንደተሰጠም ተናግረዋል፡፡ ይህ የሆነው ከሳምንት በፊት ባለፈው እሁድ ቀን አብዛኛው የሰበካው ኮሚቴ አባላት ቁጥጥርና ሂሳብ ሹሙን ጨምሮ የኃላፊነት ቦታቸውን መልቀቅ በወቅቱ አለመነገሩ ያሳሰባቸው የሰንበት ት/ቤቱ አባላት እና መዕመናን ከቅዳሴ ስነስርዓት በኋላ ያለውን ችግር በዕለቱ ለነበረው ምዕመን አስረድተው 15 ያህል አባላትን ያቀፈ መፍትሔ አፈላላጊ (ሽማግሌዎችን) ከመረጠ በኋላ ነው፡፡ የህንን መፍትሔ አፈላላጊ ኮሚቴ ግን አባ ገ/ስላሴ መርሻ እና የአ/ስብከቱ አስተዳዳሪ ነኝ የሚሉት አባ ጥዑመልሳን እውቅና አልሰጡትም፡፡ አባ ገ/ስላሴ ከ4 ዓመት በላይ በኃላፊነት ላገለገሉት ምዕመን አሳቢ ቢሆኑ ኖሮ በቅድሚያ ለመረጠው ሽማግሌዎች ክብር በመስጠት በሳምንት ጊዜ ውስጥ የተደረገውን ለውጥ በማስረዳት እና ሽማግሌዎቹ ግምገማውን ከጨረሱ በኋላ ለምዕመኑ በሚቀርበው አጠቃላይ ሪፖርት ላይ ተካትቶ በተረጋጋ መንፈስ እንዲቀርብ ባደረጉ ነበር፡፡ ወይም ደግሞ በዕውነት መዕመኑን አክባሪ ቢሆኑ ደግሞ ይህ ትለቅ ዜና መቅረብ የሚገባው በአ/ስብከቱ ስራ አስኪያጅ ነኝ ባዩ አባ ጥዑመልሳን መሆን ነበረበት፡፡ ነገር ግን በዚያን ወቅት ኣባ ጥዑመልሳን የቤተክርስቲያንን ሰላም በግልፅ ከሚያውክ፤ ስለመናፍቅነቱ በግልጽ ከሚናገር እና ተልዕኮው ከማይታወቅ ግለሰብ ጋር ከደቡብ አፍሪካ ውጪ ወደምትገኘው ሲዋዚላንድ ውስጥ ወደሚገኝ አንድ አነስተኛ መንፈሳዊ ጉባኤ ሄደው ነበር፡፡

    ይህ ከአባ ጥዑመልሳን ጋር እላይ እታች የሚል ግለሰብ አቡነ የእቆብ ከአ/ስብከቱ መንበረ ጵጵስና ከመነሳታቸው በፊት እንዲሁ ከቤተክርስቲያን አሰራር ውጪ ስራ አስፈጻሚያቸው ነበር፤ አባ ገ/ስላሴንም የሚያስፈልገውን ብር አውጥቼ የተከሰሱበትን ጉዳይ ውድቅ አደርጋለሁ የሚል ነው፡፡ ቤተክርስቲያን ውስጥ ምንም ኃላፊነት የሌለው፤ ከአባቶች ጋር ፎቶ ለመነሳት ካለሆነ በስተቀር ለቅዳሴም ሆነ ወንጌለ ስብከት ለማዳመጥ ወደ መቅደሱ የማይገባ፤ የዛሬ 8 ዓመት ገደማ ለቤተክርስቲያን መግዣ ገንዘብ ስናሰባስብ “ወይዱ ከበሬ ላይ እኔ ለኢሀዲግ ቤ/ክ ማሰሪያ አልሰጥም” ብሎን የነበረ ነው፡፡ የዚህን ግለሰብ ፎቶ ያለአግባብ በቤ/ክ ውሰጠ ደንብ ከቅጥር ግቢ እንዳይወጣ የማንፈቅደውን በቤ/ክ ህግና ስነስርዓት ለተጋቡ ብቻ የሚፈቀደውን ካባ አባ ገ/ስላሴ ሰበካው ሳያውቅ አውጥተው ቤቱ ድረስ በመውሰድና በማልበሰ የሻምፓኝ መራጫ አድርገውት ስለነበር ባለፈው ዓመት ከቅዱስ ሲኖዶሱ ለተላኩልን ገምጋሚዎች ለማስረጃነት ሰጥተን ነበር፡፡ ከምንም በላይ የምናዝነው ደግሞ ይህ ግለሰብ አልፎ ተርፎ አስከ ቅዱስ ፓትሪያርኩ ልዩ ፅ/ቤት በመግባት ከቅዱስ ኣባታችን ጋር አብሮ ፎቶ በመነሳት የዓላማው ማራመጃ አድርጎ በፌስ ቡክ (Facebook) ለጥፎ ይገኛል፡፡ ይህ ሰው የሚጠቀመው ስልት የቤ/ክ አባቶችንና መምህራንን ተለሰልሶ በመቅረብ እቤቱ ወስዶ በመጋበዝ እና ገንዘብንና የተለያዩ ስጦታዎችን በመስጠት ነው፡፡

    ለማስረጃነት ከዓመት በፊት ከአገር ቤት ሰበካው ያስመጣውን ቴዎድሮስ የሚባል ሰባኪ ከቤ/ክ አሰራር ውጪ ከአባ ገ/ስላሴ እና በግል ትውውቅ ብቻ እንዲመጣ ሁኔታዎችን ያመቻቹት አባ ኪዳነማሪያም ጋር በመመሳጠር ሰባኪ መምህሩ የመጣበትን ተልዕኮ ከጨረሰ በኋላ ቤ/ክን እንዳያስጠይቅ ወደ አገር ቤት መመለስ ሲገባው እዲቀር አድርገዋል፡፡ ይህ የግለሰቦች በቤ/ክ ስም ቪዛ እየተቀበሉ ደቡብ አፍሪካ ከገቡ በኋላ የመቅረት ጉዳይ ከዚህ በፊት ቪዛውን ሰጪ ከሆነው አገራችን ከሚገኘው ኤምባሲ ጋር ባለመግባባት ብዙ ችግር ፈጥሮብን ነበር፡፡ ይህን መምህር ስለጉዳዩ አሳሳቢነት ብናስረዳውም አሻፈረኝ ብሎ ያለ ግልጋሎት ስራ ፈቶ ለወራት እንዲቀመጥ ካደረጉ በኋላ በመዋሸትና በማንአለብኝነት ከላይ ወደተጠቀሰው ሲዋዚላንድ ወደሚገኘው አነስተኛ መንፈሳዊ ጉባኤ በመላክ ከጉባኤው የገንዘብ አቅም በላይ በየወሩ ብር 22 000.00 ያህል ደሞዝ እየተከፈለው እንዲሰብክ አድርገዋል (እኛ ይህን ያህል መጠን ያለው ገንዘብ እንደ ደሞዝ ለቀድሞው አ/ስብከት ጳጳስም አልከፈልንም)፡፡
    በዚህ አጋጣሚ በተለያየ ቦታ ለምትገኙ አጥቢያ ቤ/ክ እና መንፈሰዊ ጉባዔያትና አባሎቻቸው የማስተላልፈው ትልቅ መልዕክት ቢኖር፡- እባካችሁ ማንኛውም ካህን ይሁን የአ/ስብከት ኮሚቴ አባል ነኝ የሚል ለምንገኝበት አገርም ሆነ ለአገራችን የሚላክ ተብሎ በቤ/ክ ስም ለምትጠየቁት የዕርዳተ ወይም መዋጮ ገንዘብ ህግን የጠበቀ ማሕተብና ፊረማ የሰፈረበት ሰነድ ካልቀረበላችሁ በስተቀር እንዳትሠጡ፡፡

    በመጨረሻም፡- “እግዚአቤሄር በቀባው ላይ ለምን አንደበትህን ትከፍታለህ” ወይም ደግሞ “ለምን የቤ/ክ ሚስጢር አደባባይ ታወጣለህ” ብላችሁ አስተያያት ለምትሰጡ ወንድሞች እና እህቶች፤ በየወህነታችሁ አልፈርድባችሁም፡፡ በቅታችሁ ወይም ንቅታችሁ ሳይሆን እንደእኛ ኃጢያታችንን ሳይመለከት ኃያሉ አምላክ ተራቸሁ ነው ብሎ መርጦ ለእኛ ያሳየውን አልጋ በአልጋ ያልሆነ የክርስትና ጉዞ ፈተና እስኪያሳያችሁ ድረስ በእመነታችሁ ፀንታችሁ ኑሩ፡፡ እድሉን ስታገኙ ትረዱኛላችሁ፡፡

    ቤተክርስቲያን ስትበደል አይቶ ዝም ማለት ባለብን ጉድፍ ላይ ተጨማሪ ጉድፍ የመበተን ያህል ነው!

    ቤተክርስቲያናችን መልካም አስተዳደር እንዲኖራት ኃያሉ ልዑል እግዚአብሔር ይርዳን!

    • አንተም ታውቀኛለህ April 14, 2016 at 8:04 pm Reply

      አይ ገዛኸኝ ምን ፈልገህ ይሆን ይህን የምታደርገው አንተ አልነበርክ እንዴ ሂሳብ ክፍል ማስረዳት አቅቶህ አምታተህ የተዘባረቀ ሂሳብ አስረክበህ የወረድከው ደግሞስ ለምን ሂሳብ አታወራርድም ስትባል ሃገረ ስብከት የለም ትላለህ ቃለ አዋዴውን አንብብ ሃገረ ስብከት ከሌለ በ አጥቢያው ቤተክርስትያን ያሉ ሽማግሌዎች እማኝነት ርክክቡ ይፈፅም ይላል የራስህን ችግር ለመሸፈን አትቀባጥር

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: