ታጣቂዎቹ የመንበረ ፓትርያርክ ቅድስተ ቅዱሳን ማርያም የአስተዳደር ሓላፊዎች ሰበካ ጉባኤውን አገዱ፤ ‹‹በጃኬት ለባሽ የማትመራ መኾኑን ማወቅ ያስፈልጋል››/አማሳኞቹ ሓላፊዎች/

  • የአስተዳደር ሓላፊዎቹ÷ የተዛቡ መረጃዎችንና ያልተጨበጡ ወሬዎችን እየነዙ በተለይ በሒሳብ አሠራር፤ በቆጠራ አካሔድ፤ በኦዲት ክንውን፤ በንብረት አያያዝ እና በግዢ ሥርዐት ዙሪያ ሰበካው በተለያዩ ጊዜያት ያሳለፋቸው ውሳኔዎች እና መመሪያዎች እንዳይተገበሩ አድርገዋል፡፡
  • በፓትርያርኩ እና በሀገረ ስብከቱ ዋና ሥራ አስኪያጅ የተሰጣቸው ተስፋ ከተግባር የራቀባቸው የሰበካ ጉባኤው አባላት፣ ከሚመለከታቸው የፍትሕ እና የጸጥታ አካላት ጋር እየመከሩበት ነው፡፡
  • ‹‹ምእመኑን ጃኬት ለባሽ አይመራንም እያሉ የሚንቁት ጫንቃቸው ያበጠ እና ማሰቢያቸው የተደፈነ አማሳኞች÷ ዕጣን ቋጥሮ ግብር ሰፍሮ የሚሰጠውን አስተዋፅኦ እና የሚያስገባውን የሙዳይ ምጽዋት ገንዘብ ያለተጠያቂነት በየወሩ ከ70 – 80 ሺሕ ብር እየመዘበሩ የመሬት፣ የቤት እና የተሽከርካሪዎች ባለቤት የኾኑ ናቸው፡፡›› /አገልጋዮች/

*           *           *

St Marry parish council bannedበማኅበረ ካህናት፣ በማኅበረ ምእመናን እና በሰንበት ት/ቤት ምልዓተ ጉባኤ ተመርጦ የገዳሟን የተከማቹ ችግሮች ለመፍታት ጥረት ሲያደርግ የቆየው የመንበረ ፓትርያርክ ቅድስተ ቅዱሳን ማርያም ገዳም ሰበካ መንፈሳዊ ጉባኤ÷ በአማሳኝ የጽ/ቤት እና የአስተዳደር ሓላፊዎች ሕገ ወጥ ርምጃ ታገደ፡፡

‹‹የሰበካ ጉባኤ የሥራ አባላት ማገድን ይመለከታል›› በሚል ርእስ በገዳሟ አስተዳዳሪ ቆሞስ አባ ተጠምቀ መድኅን ገብረ ኢየሱስ ተፈርሞ የወጣው የእገዳ ደብዳቤው÷ የሰበካ ጉባኤው አባላት በአስተዳደሩ ጽ/ቤት፣ በገዳሟ ቅጽር እንዲኹም በተለያዩ ቦታዎች ስብሰባ ማድረግ እንደማይችሉ ያስታውቃል፤ አድርገው ቢገኙም ለሚፈጠረው ችግር ተጠያቂ መኾናቸውን ያስጠነቅቃል፡፡

በደብዳቤው የተጠቀሱት የሕገ ወጡ እገዳ ምክንያቶች፣ ሰበካ ጉባኤው ቃለ ዐዋዲውን መሠረት በማድረግ ካወጣቸው የመተዳደርያ ደንብ እና የአሠራር መመሪያዎች እንዲኹም የአስተዳደር ሓላፊዎቹ በኢትዮ-ምኅዳር ጋዜጣ ‹‹የቤተ ክርስቲያንን ህልውና እና የአባቶችን ክብር የሚነካ የስም ማጥፋት ተፈጽሞበታል›› ከሚሉት አንድ ዘገባ ጋር የተያያዘ ነው፡፡

ለዘረፋ፣ ለብክነት እንዲኹም ለሙስና የተመቻቸ ነው የተባለውን የቀድሞውን አሠራር በማስቀረት ግልጽነትና ተጠያቂነትን ያሰፍናል የተባለው የሰበካ ጉባኤው ደንብ እና መመሪያዎች ረቂቅ፣ እንደ አስተዳደር ሓላፊዎቹ ግምገማ ‹‹ከየት መጣ የማይባል፣ ለቤተ ክርስቲያኗ የማይጠቅም ወፍ ዘራሽ የካምፓኒ ድርጅት ውስጠ ደንብ እና መመሪያ›› ነው፡፡ ‹‹ገዳሟ ሥርዐት እንደሌላት የግድ መቀበል አለባችኹ›› በሚል ጭቅጭቅ በገዳሟ ሰላምና አንድነት ጠፍቶ የንትርክ አውድማ ኾናለች ብለዋል፡፡

ባለፈው ግንቦት ወር፣ ‹‹በመንበረ ፓትርያርክ ቅድስተ ቅዱሳን ማርያም ገዳም ምርመራ እንዲካሔድ ተጠየቀ›› በሚል ርእስ የኢትዮ-ምኅዳር ጋዜጣ÷ የፓትርያርኩ የኦዲት ክንውን ትእዛዝ ተፈጻሚ እንዲኾን፤ ሰበካ ጉባኤው ቃለ ዐዋዲውን መሠረት አድርጎ ያወጣው ደንብ እና መመሪያዎች እንዲተገበሩ፤ ለውስጥ አገልግሎቱ እና ለአስተዳደሩ የገዳሟን ክብር የሚመጥን ብቃትና ታማኝነት ያለው የሰው ኃይል እንዲመደብ፤ በአምሳላቸው እንደተለወጡ በሚጠረጠሩ ጽላት ላይ ምርመራ እንዲካሔድ፤ የስእለት እና የስጦታ ቅርሶችንና ንዋያትን እየዘረፉ በሚሸጡ፤ በአስነዋሪ ተግባር ክብረ ቤተ ክርስቲያንን በሚያስደፍሩ ካህናት ላይ ርምጃ እንዲወሰድ የሚያትት ዜና ቢያወጣም በአስተዳደር ሓላፊዎቹ ‹‹ፀረ ሃይማኖት›› በሚል ተኮንኗል፡፡

ለዜናው የአስተዳደር ሓላፊዎቹ ሰበካ ጉባኤውን በተባባሪነት ከሠዋል፡፡ ‹‹የቤተ ክርስቲያንን ህልውና እና የአባቶችን ክብር የሚነካ ነው›› ባሉት በዚኹ ዘገባ በእጅጉ ማዘናቸውን የአስተዳደር ሓላፊዎቹ ገልጸው፣ ሰበካ ጉባኤው አንዳችም ማስተባበያ ባለማድረግ ‹‹ቤተ ክርስቲያኒቱን አስደፍሯል›› ብለዋል፡፡

ሰበካ ጉባኤው ከሓላፊነት እንዲወርድና በሌላ እንዲተካ ግንቦት 18 ቀን የሀገረ ስብከቱ ዋና ሥራ አስኪያጅ በተገኙበት በምልዓተ ጉባኤ መወሰናቸውንና ይህንኑም ሰኔ 11 ቀን ለሚመለከተው አካል ማሳወቃቸውን ያስታወሱት የአስተዳደር ሓላፊዎቹ፣ ‹‹ቤተ ክርስቲያናችን በጃኬት ለባሽ የማትመራ መኾኗን ማወቅ ያስፈልጋል›› በማለት ነው ሕገ ወጥ እገዳቸውን ያስታወቁት፡፡ ከግልጽነትና ከተጠያቂነት አሠራር ውጭ የኾኑት ታጣቂዎቹ አማሳኝ የአስተዳደር ሓላፊዎች÷ በብፁዕ ወቅዱስ ፓትርያርኩ አሳሳቢነት በማኅበረ ካህናት፣ በማኅበረ ምእመናን እና በሰንበት ት/ቤት ምልዓተ ጉባኤ የተመረጠውንና ተጠሪነቱ ለአጥቢያው ካህናት እና ምእመናን ጠቅላላ ጉባኤ የኾነውን ሰበካ ጉባኤ የማገድ ሥልጣን ባይኖራቸውም ለሕገ ወጥ አካሔዳቸው ዋና መከታ ያደረጉት የፓትርያርኩን ልዩ ጸሐፊ ንቡረ እድ ኤልያስ ኣብርሃን እንደኾነ ተገልጧል፡፡

የሰበካ ጉባኤው በአሠራር እያጠናከረ በመጣው የፋይናንስ እንቅስቃሴዎች ቁጥጥር የተነሣ ከአማሳኝ በአስተዳደር ሓላፊዎቹ በኩል የሚቀርብላቸው ፈሰስ የቀረባቸው ንቡረ እዱ፣ የገዳሟ የልማት ኮሚቴ የበላይ ጠባቂ ለኾኑት ለፓትርያርኩ የሚቀርቡ የማኅበረ ካህናቱንና የማኅበረ ምእመናኑን አቤቱታ ሲያፍኑ ቆይተዋል፡፡

የአፈና ሚናቸውን በማጋለጥ ለችግሩ መባባስ ተጠያቂ እንደኾኑ በሚገልጹ የጋዜጣ ዘገባዎች በእጅጉ የተበሳጩት ንቡረ እዱ ጋዜጦቹን እንዲከሠሡ በማድረግ አልተወሰኑም፡፡ ‹‹የሙስና አባቱ፤ የአማሳኞች ካቢኔ ሊቀ መንበሩ›› ልዩ ጸሐፊው፣ የሀገረ ስብከቱን ግብረ አበሮቻቸውን በመጠቀም ከሰበካ ጉባኤው ጋር ይተባበራሉ የተባሉ የገዳሟ ሊቃውንትና ካህናት ከሥራና ከደመወዝ አሳግደዋል፤ በማስጠንቀቂያ ደብዳቤዎች አሸማቅቀዋል፤ አኹን ደግሞ ጊዜአቸውንና ገንዘባቸውን ሰጥተው በታማኝነት እና በትጋት የሚያገለግሉ የሰበካ ጉባኤው አባላት ‹‹ጃኬት ለባሽ›› ተብለው እንዲታገዱና ጨርሶ በቅጽሩ እንዳይሰበሰቡ አስከልክለዋል፡፡

ንቡረ እዱን መከታ በማድረግ የሰበካ ጉባኤውን አባላት፣ ‹‹ከኛ ጋር ተስማሙ፤ በሰላም ብትለቁልን ይሻላችኋል፤ ዐርፈኽ ቤተሰብኽን ብትመራ ይሻልሃል፤ትቦህን ነው የምበጥስልኽ…›› በሚሉትና በመሳሰሉት ማስፈራሪያዎች በሰበካ ጉባኤው ላይ በየጊዜው ሲዝቱ የቆዩት ታጣቂ የገዳሟ ሓላፊዎች፡-

  • መጋቤ ሥርዐት ኃይለ ጊዮርጊስ ዕዝራ – ጸሐፊ
  • መ/ር ክብሮም ገብረ ትንሣኤ – ሒሳብ ሹም
  • ዲ/ን መንክር ጸጋዬ – የንብረት ክፍል ሓላፊ
  • መ/ታ ይትባረክ ወልደ ሥላሴ – ገንዘብ ያዥ
  • መልአከ ብሥራት አባ ወልደ ትንሣኤ አዳም – ዕቃ ግዥ፣ የልማት ገንዘብ ተቀባይ፣ ንብረት ቁጥጥር፣ የሥራ ማስኬጃ ገንዘብ ያዥ
  • ቄሰ ገበዝ አባ ሳሙኤል ቀለመ ወርቅ – ቄሰ ገበዝ ናቸው፡፡

ሓላፊዎቹ፣ በተለይ ሒሳብ ሹሙ መ/ር ክብሮም ገብረ ትንሣኤ፣ በገዳሙ አስተዳደር ላይ አሉታዊ ተጽዕኖ በፈጠሩ ከፍተኛ የአሠራር ድክመት እና የአቅም ማነስም የሚታወቁ ናቸው፡፡ ጸሐፊው መጋቤ ሥርዐት ዕዝራ ኃይለ ጊዮርጊስ በማኅደረ ስብሐት ልደታ ለማርያም ቤተ ክርስቲያን በሰነድ ማጭበርበር ለተፈጸመው ከፍተኛ ምዝበራ ተከሠው የኹለት ዓመት እስራት በገደብ እና ብር 5000 የገንዘብ ቅጣት ከተላለፈባቸው አንዱ ናቸው፡፡ የቀድሞው ተቆጣጣሪ የነበሩትና ከተጠቀሱት ባላነሰ ተጠያቂነት ያለባቸው መ/ታ ምሥራቅ ዘውዴ አኹን ሀገረ ስብከቱ በያዘው በጥቅም ትስስር እና በበቀል ላይ የተመሠረተ የማዘዋወር አሠራር ወደ ሌላ ደብር ተቀይረዋል፡፡

በሴሰኝነታቸው የታወቁት መልአከ ብሥራት አባ ወልደ ትንሣኤ አዳም እና በዚኹ ነውር በሔዱባቸው ቦታዎች ኹሉ ተደጋጋሚ ቀኖናዊ ውሳኔ የተላለፈባቸው ቄሰ ገበዝ አባ ሳሙኤል ቀለመ ወርቅ ክብረ ታቦትን የሚያቃልሉ ናቸው፡፡ መተዳደርያ ደንቡንና መመሪያዎቹን በመቃወም በተዛቡ መረጃዎች ማኅበረ ካህናቱን ከመከፋፈል ባሻገር ሰበካ ጉባኤውን ለማፍረስ በአባልነት የተመረጡ ተወካይ ካህናት፣ ‹‹የማኅበረ ቅዱሳን አባላት ናቸው፤ በፔይሮል ይከፈላቸዋል›› በሚል ከሥራና ከደወመዝ እንዲታገዱ፤ በሞያቸው የተመሰገኑ ሊቃውንት ከሰበካ ጉባኤው ጋር ታይተዋል በሚል ብቻ አግባብነት በሌለው የማስጠንቀቂያ ደብዳቤ እንዲሸማቀቁ በማድረግ፤ በመጨረሻም ሰበካ ጉባኤውን በማሳገድ ግንባር ቀደም ሚና ተጫውተዋል፡፡

ሰበካ ጉባኤው እንደሚገልጸው፣ የውስጥ መተዳደርያ ደንብና መመሪያዎች ረቂቆቹ፣ የቃለ ዐዋዲውን መሠረታዊ ሐሳብ ሳይለቅ ለማውጣት በአንቀጽ ፲፪(፳፩) በተሰጠው ሥልጣንና ተግባር የተዘጋጁ ናቸው፡፡ የውስጥ መተዳደርያ ደንቡ ረቂቅ ሊቃውንቱን ጨምሮ በማኅበረ ካህናት እንዲገመገም፤ የፋይናንስ፣ የንብረት፣ የግዢ መመሪያዎች ረቂቆቹ ደግሞ በአስተዳደር ሓላፊዎች አስተያየት እንዲሰጥበት ተባዝቶ መሰራጨቱንና ገና ውይይት እንዳልተካሔደበት ሰበካ ጉባኤው ጠቅሶ ‹‹ገዳሟን የጭቅጭቅና የንትርክ አውድማ አድርጓል›› መባሉን አስተባብሏል፡፡St Marry Financial report

Financial Report

በሰበካ ጉባኤው ቁጥጥር ከመስከረም እስከ ሚያዝያ በዕድገት ጭማሪ ያሳየው የሙዳይ ምጽዋት ገቢ ሰበካ ጉባኤው መታገድ በኋላ በተደረገው የሰኔው ቆጠራ በከፍተኛ ደረጃ መቀነሱ ተሰምቷል፤ የሀገረ ስብከቱ 20% ፈሰስ በቆጠራው ማግስት ባለመከፈሉ በመጋቢት እና በሚያዝያ ወር ያልተከፈለውን ብር 257,655.39 ጨምሮ የገዳሟ ውዝፍ ዕዳ እየጨመረ ነው፡፡

አያይዞም መመሪያዎቹ፣ የአስተዳደር ሓላፊዎቹ ቀድሞ ሲዘርፉበት የነበረውን አካሔድ የሚያስቀሩና ካለአግባብ የሚያካብቱትን ጥቅም የሚያስቆሙ መኾናቸው የገለጸው ሰበካ ጉባኤው፣ ‹‹በገዳሚቱ ውስጥ ለሚደረገው የቤተ ክርስቲያንን መልካም አስተዳደር የማስፈን ሥራ ዕንቅፋት ኾነው ቢቀርቡ አይደንቅም፤›› ብሏል፡፡

የጀመረውን የመልካም አስተዳደር ውጥን ከፍጻሜ ለማድረስ የቤተ ክርስቲያን ከፍተኛ የአስተዳደር ክፍሎች የጉዳዩን አሳሳቢነት አጢነው ከጎኑ በመቆም እገዛ እንዲያደርጉለት በተደጋጋሚ የጠየቀው ሰበካ ጉባኤው፣ በቅድሚያ ለሀገረ ስብከቱ ዋና ሥራ አስኪያጅ በመቀጠልም ለብፁዕ ወቅዱስ ፓትርያርኩ ላቀረበው ጥያቄ፣ ‹ወደፊት ጉዳዩን አጣርተን መፍትሔ እንሰጣለን›› ከሚል በስተቀር በተጨባጭ ርምጃ የተደገፈ ምላሽ ባለማግኘቱ በማኅበረ ካህናት እና በማኅበረ ምእመናን ምልዓተ ጉባኤ የተሰጠው ሓላፊነት ሥልጣን በሌላቸው አማሳኞቹ ታጣቂዎች ሊታገድ በቅቷል፡፡

ከአንድ ወር በፊት የሰበካ ጉባኤውን መሰብሰባቸውን በማቆም ከአማሳኝ ሓላፊዎቻቸው ጋር መሥራትን የመረጡት የገዳሟ አስተዳዳሪ ጨርሶ ካገዱበት ከሰኔ ፳፪ ቀን ጀምሮ ጉዳዩ በሕግ አግባብ እንዲታይና ተገቢው ርምጃ እንዲወሰድ የሰበካ ጉባኤው አባላት ከፍትሕ እና ከጸጥታ አካላት ጋር እየተነጋገሩበት እንደኾነ ተጠቁሟል፡፡

ሰበካ ጉባኤው ከሕገ ወጥ ርምጃው አስቀድሞ፣ ጥቂት የአስተዳደር ሓላፊዎች የሚፈጥሩት ግጭት በሕይወት ላይ ተጽዕኖ የሚያሳድርበት ደረጃ ላይ መድረሱንና በገዳሙ ጽ/ቤት ተገኝቶ በሰላማዊ መንገድ ሥራዎችን ለማከናወን እንዳልቻለ በአድራሻ ለሀገረ ስብከቱ የዋና ሥራ አስኪያጅ ጽ/ቤት፣ በግልባጭ ለብፁዕ ወቅዱስ ፓትርያርኩ ማስታወቁ አይዘነጋም፡፡

*          *          *

St Marry Churchየመንበረ ፓትርያርክ ቅድስተ ቅዱሳን ማርያም ሰበካ ጉባኤ በግንቦት ወር መጨረሻ ለአዲስ አበባ ሀገረ ስብከት ጽ/ቤት እና ለብፁዕ ወቅዱስ ፓትርያርኩ ያደረሰው ሪፖርት ዐበይት ነጥቦች

  • በአዲሱ የሰበካ ጉባኤ በአባልነት የተመረጡ የማኅበረ ካህናት፣ የማኅበረ ምእመናን እና የሰንበት ት/ቤት ተወካዮች የቤተ ክርስቲያኒቱን አደራ በታማኝነት እና በብቃት ለመወጣት በተለይ ቅዱስነታቸው ለቤተ ክርስቲያናችን የያዙትን ራእይ እና ዕቅድ ከግብ ለማድረስ ላለፉት አራት ወራት ሙሉ ጊዜአችንን ሠውተን ገዳሚቱን በታላቅ መንፈሳዊ ትጋት ስናገለግል ቆይተናል፡፡
  • ከገንዘብ ዝውውር እና ፍሰት እስከ ንብረት አጠባበቅ ድረስ የሚታዩ ከፍተኛ የአሠራር ድክመቶችና የአቅም ማነስ በገዳሚቱ ልዩ ልዩ የአስተዳደር ክፍሎች ላይ አሉታዊ ተጽዕኖ አስከትሏል፡፡ ከልዩ ልዩ የገዳማችን ክፍሎች ጋር ከተደረጉ ውይይቶች እና ሪፖርቶች በተገኙ የመነሻ ግብዓቶች መሠረት፡- ለማኅበረ ካህናቱ፣ ለቤተ ክርስቲያናችን ከፍተኛ የአስተዳደር ክፍሎች እንዲኹም ለምእመናን ግልጽ የኾነና ተጠያቂነትን የሚያሰፍን፤ የገዳማችን ጽ/ቤት አሠራር ወቅቱን የዋጀ እንዲኾን ለማስቻል ቃለ ዐዋዲውን መሠረት ያደረገ፣ ከሌሎች ገዳማት ተሞክሮ በማየትና ከገዳማችን ተጨባጭ ኹኔታ ጋር የሚጣጣም÷ ለሰው ኃይል አስተዳደር፣ ለፋይናንስ፣ ለንብረት፣ ለግዢ መመሪያዎች እና የውስጥ ደንቦች ረቂቅ ቀርበዋል፡፡
  • የሰነዶቹን ረቂቅ በማባዛት በመደበኛ የማኅበረ ካህናት እና የሠራተኞች ስብሰባ ላይ ከመቅረቡ በፊት ለአስተያየት እና ለግምገማ ለመጽሐፍ መምህሩ አባ ገብረ መድኅን እና ለገዳሟ የቅኔ መምህር አባ ሙሴ ተሰጥቷል፡፡ የፋይናንስ፣ የንብረት፣ የግዢ እና የሰው ኃይል መመሪያ ለአስተዳደር ክፍሎች በጽ/ቤቱ በኩል እንዲደርስ ተደርጓል፡፡ በቅድሚያ የፋይናንስ፣ የግዢ እና የንብረት መመሪያዎች ላይ መደበኛ ውይይት ተደርጎባቸው ወደ ሥራ የሚገባበት ኹኔታ እንዲመቻች ውሳኔ ተላልፎ ለአፈጻጸሙ ጽ/ቤቱ ሓላፊነት እንዲወስድ ተደርጓል፡፡
  • ለየዕለት ገንዘብ አሰባሰብ ሥርዐቱ በኮምፒዩተር የታገዘ አሠራር ለመከተል እንዲቻል ከማኅበረ ካህናት በሞያቸው ብቁ የኾኑት ለአንድ ወር በጊዜያዊነት ተመድበው የታቀደውን እንደተገብሩ ውሳኔ ተላልፏል፡፡ በንዋያተ ቅድሳት መሸጫ ሱቅ ሲካሔድ በነበረው አሠራር እና በአዲሱ ሰበካ የተጀመረው የጨረታ ሽያጭ መካከል የሚታየው እጅግ የተጋነነ የገቢ ልዩነት ቀድሞ የነበረውን አሠራር ከግምት እና ከጥያቄ ውስጥ የከተተ በመኾኑ የጨረታ አሠራሩ እንዲቀጥልና ንኡስ መመሪያ የማውጣት አስፈላጊነትም ታምኖበታል፡፡
  • ቅዱስነታቸው ገና ከጅማሬው ያለፈው ገንዘብ እና ንብረት በገለልተኛ ኦዲተር እንዲመረመር እና እንዲታወቅ ይደረግ በማለት ያስተላለፉት ትእዛዝ ‹‹ከቃለ ዐዋዲው ውጭ ነው፤ በጽሑፍ አልታዘዝም›› በማለት ሒደቱ በጽ/ቤት እና በሒሳብ ክፍሉ ከፍተኛ እክል እየገጠመው እንዲጓተት ተደርጓል፡፡…ከዚኽም በላይ ውሳኔዎች ወደ ተግባር መለወጥ ሲጀምሩና ሰበካውም ወደ ተግባር ለመግባት ቆርጦ መነሣቱን ሲያውቁ፣ ‹‹ሰበካው እየረበሸን ነው፤ የደመወዝ እና ጥቅማጥቅሞች ዕድገት እንዳናደርግላችኹ ዕንቅፋት እየኾነብን ነው፤ ከኛ ጎን ከቆማችኹ ቢሮ አካባቢ እንመድባችኋለን፤…›› በማለት ማኅበረ ካህናቱንና ሰበካውን ማጋጨት፤ መከፋፈል ሥራዬ ብለው ከመያዛቸውም በላይ በዓመት ፈቃድ ሽፋን ከቢሯቸው መሸሽንም እንደ መፍትሔ አድርገዋል፡፡
  • ሒሳብ ክፍሉ በተደጋጋሚ የተጠየቀውን መደበኛ የሒሳብ ሪፖርት ያለማቅረብ ችግር ከታየ በኋላ የሦስት ዓመት ማስተር በጀት ተጠንቶ እንዲቀርብ፤ በቅዱስነታቸው ታዝዞ የነበረው የኦዲት ክንውን ሥራ አንዳንድ ቅድመ ዝግቶች ስለተከናወኑ ኦዲቱ በአፋጣኝ እንዲጀመር ተወሰነ፡፡
  • ቆጠራን አስመልክቶ ጥርት ያለ፣ ግልጽነት እና ተጠያቂነትን የሚያሰፍን አሠራር ላይ የቀረበውን መመሪያ እንደ መነሻ በመውሰድ ከማስፈጸም ይልቅ በዚኽ የቆጠራ ደንብና መመሪያ ሰበብ ካለአግባብ ያገኙ የነበረው ጥቅም የቀረባቸው ግለሰቦችን በማነሣሣት ለተቃውሞ እንዲቆሙ እየተደረገ ነው፡፡ በቆጠራ ውስጥ የሚገኙ የከበሩ ቁሳቁሶች አያያዝና አመዘጋገብ አግባብነት እንዲኖራቸው ቢጠየቅም እስከ አኹን ወደ ተግባር ሳይለወጥ ቆይቷል፡፡
  • ጽ/ቤቱ ሌላው ቀርቶ በሥራ መከታተያ ክንውኖች ላይ የተቀመጡለትን ዐበይት ጉዳዮች ተከታትሎ ለማስፈጸም ባለመቻሉ በሰበካው የሥራ ሒደት ላይ አሉታዊ ጫና በማሳደሩ ከአንዴም ኹለቴ ተወቅሷል፡፡ እንዲኽም ኾኖ ኹኔታዎችን ከማሻሻል ይልቅ ለሰበካ አባላት ‹‹ምን አገባችኹ፤ እናንተን የሚመለከት አይደለም፤›› የመሳሰሉ ሞራልን የሚነኩ ንግግሮች በመጠቀም ነገሮችን በቅንነት ከመመልከት ይልቅ ሥራን ማጓተትንና አለመተግበርን የመረጠ ይመስላል፡፡
  • ብልሹ አሠራርን ለማስተካከል፣ የጎበጠውን ለማቃናት እና በአስተዳደር ዙሪያ ለቁጥጥር እና ለመልካም አስተዳደር በሚያመች ኹኔታ ግልጽነት እና ተጠያቂነት ያለበት አሠራር ለመተግበር በሚያደርገው እንቅስቃሴ ፈተናዎች እንደሚከሠቱ ሰበካው ጠንቅቆ ያውቃል፡፡ ይኹን እንጂ የተጀመረው የገዳማችን የመልካም አስተዳደር አደረጃጀት ጅማሬ ከፍጻሜ ለማድረስ እንድንችል የሚመለከታቸው የቤተ ክርስቲያናችን ከፍተኛ የአስተዳደር ክፍሎች የጉዳዩን አሳሳቢነት አጢነው ከጎናችን በመቆም እገዛ እንዲያደርጉልን እንጠይቃለን፡፡
Advertisements

7 thoughts on “ታጣቂዎቹ የመንበረ ፓትርያርክ ቅድስተ ቅዱሳን ማርያም የአስተዳደር ሓላፊዎች ሰበካ ጉባኤውን አገዱ፤ ‹‹በጃኬት ለባሽ የማትመራ መኾኑን ማወቅ ያስፈልጋል››/አማሳኞቹ ሓላፊዎች/

  1. Anonymous July 7, 2015 at 4:55 pm Reply

    What a he’ll are you doing guys? I understood now that you are pressing ahead to destroy the image of the church as well as disunited the congregation.
    But I like you remember the promise of the Lord that a devilish power like you can not challenge it.

    • Anonymus July 8, 2015 at 5:37 am Reply

      @Anonymous July 7, 2015 at 4:55 pm ወንድሜ አንተ ተኝተህ የገሀነም ደጆች አይችሏትም ተብሏል በል ዛሬ ሙሉ ለሙሉ የአረብ ሀገራት ተብለው ከሚጠሩት ውስጥ አብዛኞቹ በመጽሀፍ ቅዱስ ጭምር የተነገረላቸው የክርስቲያኖች ሀገር ነበሩ ልክ እንዳንተ ተኝተው የገሀነም ደጆች አይችሏትም በሚሉ ቸልተኛ ምዕመናን ነው የጠፉት እናም ንቃ የቤ/ክንን ጉዳይ በሚገባ ተረዳ ገብተህም የመፍትሔዋ አካል ሁን ይህን ማድረግ ባትችል ግን ዝም በል ቢያንስ የሚሰሩትን አትንቀፍ አንድ ቀን ሲገባህ ትፀፀትበታለህና

    • Anonymous July 10, 2015 at 8:30 am Reply

      U are a Child. Your comment speaks that u are under five child. Better to keep quiet

  2. mr alemu July 8, 2015 at 6:51 am Reply

    war in each church administration is not the solution.we should fight for the overall system to be corrected.

  3. ዳሞት July 8, 2015 at 6:07 pm Reply

    ዛሬ ዛሬ በአለማዊውም በመንፈሳዊውም ከንቱና ፀያፍ የሆነው ትምክተኝነት ተንሰራፍቶ ይገኛል። እኔ ከእንዲህ ነኝ፤ እኔ እንትን ነኝ የተባለ በትምክተኝነት በመታበይ ብዙ ግፎችና ኢክርስትና አስተሳሰቦች ይራመዱ ይከናወናሉ። ማንም ምንም ይሁን ምን በራሱ ያገኘው ወይም ያመጣው አንዳች ነገር የለም። ምክንያቱም ሁሉ በእርሱ ሆነ በእርሱ ከሆነውም ውጭ አንዳች የሆነ የለም ተብሎ በወንጌል ተነግሯልና ነው። ስለዚህ ማንም ምንም ይኑረው፤ ምንም ይሁን በራሱ ያገኘውና የሆነው ነገር ሥለሌለ በከንቱ ትምክተኝነት መታበይ ተገቢ አይደለም
    ይህን ከላይ ያለውን እንድል ያደረገኝ እነዚህ የማይድኑ የቤተክርስቲያን የአንገት እንቅርት አማሳኞች የቤተክርስቲያኗን ልጆች የገለፁበት ከክርስትና የወጣው አለማዊው ቋንቋቸው ነው። እነዚህ አማሳኝ የሚታበዩበት ክፉ ትምክታቸው ሲፈልጉ እኛ ከንዲህ ነን፤ ሌላ ጊዜ ደግሞ ባለብዙ መንፈሳዊ እውቀት ነበልባለ ሰይፍ ያለን ነን በማለት ነው። ለዚህም ነው የእግዚአብሔርን ትዛዝ ጠብቀው በመተግበር አሥራታቸውን እየከፈሉና ለቤተክርስቲያኗ ልዩ ልዩ አገልግሎቶች በገንዘብና በልዩልዩ አቅማቸው አሥተዋፆ እያደረጉ ያሉትን የቤተክርስቲያኗን ልጆች እየዘለፉና እያስፈራሩ እራሳቸውን ልዩ አድርገው በትምክተኝነት የሚታበዩት።
    እነዚህ የቤተክርስቲያን የአንገት ላይ እንቅርት የሆኑ አማሳኞች መመካት በማን እንደሆነ የዘነጉ ናቸው። የያዙት የቤተክርስቲያን ማእረግ የራሳቸው አለመሆኑንና በተገቢው ጥሪ መሠረት የማይጠቀሙበት ካልሆነ የሚወሰድባቸውና ከንቱ መሆኑን ማስተዋል ያልቻሉ ናቸው። አዎ! ሊቅ መምህር ተብለ መጠራታቸው መንፈሳዊነት ካልታየበት፤ የክርስቶስ አገልግሎት ካልተገለጠበት ልክ እንደ አለማዊ ስሞች ይኸውም አበበ፣ ማሞ፣ አብረኸት፣ ግደይና ሌሎች መጠሪያዎች ሁሉ ምድራዊ ሆኖ በምድር የሚቀር ነው። የያዙትን ስም የተጠሩበትን አላማ ከዘነጉ በሰማይ ማእረግ ሆኖ የማያሸልማቸው፤ ጽድቅም ሆኖ የማያፀድቃቸው መሆኑን ማወቅ አለባቸው።
    አዎ! ክርስቶስ ወደ ገዛ ወገኖቹ መጣ( ወደ ገዛ ወገኖቹ ማለት የሥጋ አመጣጡን የሚገልፅ ነው) እነሱ ግን አልተቀበሉትም። እንዲያው ሰቅለው የገደሉት እነሱ ናቸው። እኒያ ወገኖቹ የተባሉት ስመ ማእረግ የነበራቸው፣ ካህናት ተብለው የተጠሩ፣ ትንቢት የተነገራቸው የመቅደስ አገልጋይ የነበሩ ናቸው። ታዲያ ምን ዋጋ አለው። በከንቱ ትምክህት የአብርሃም ልጆች ነን፣ አንተ ይህን የውሃ ጉድጓድ ከሰጠን ከያዕቆብ ትበልጣለህን እያሉ በከንቱ ታበዩበት እንጂ አንዳች አላተረፉበትም። ገነት በመግባትም በቀኝ የተሰቀለው ወንበዴ ነው የቀደመው። እነዚ የሁሉን ጌታ አምላካቸውን ሰቅለው ነው የሐጢያትን ቁማር የተጫወቱት። እናንተ አማሳኞችም በተሰጣችሁ የቤተክርስቲያኗ ስም በከንቱ ትምክህትን እየፈፀማችሁ ሌሎችን ባለጃኬት እያላችሁ ማሳደድ የሐጢት ቁማርን እየቆመራችሁ መሆኑን እወቁ። በራሱ ጃኬት ለባሽ ብሎ ማለት ጨርቃም ብሎ መሳደብ ነው የሚሆነው።
    እነዚህ አማሳኞች ባለመሳሪያም ናቸው። በእግዚአብሔር ቤት ቦታ የሌለውን የታጠቁትን መሳሪያ በመመካት የእብሪት ትምክህት ይወጠራሉ። በወንጌል ግን ሰይፍን የሚመዝ በሰይፍ ይጠፋልና ሰይፍህን ወደ ሰገባው መልስ ተብሎ ነው የተነገሩ። ይህን የአምላክን ቃል ከምንም ባለመቁጠር ነው ሰይፍ ነፍስን ከስጋ እንደሚቀጥፍ እነሱም የሰው ልጅን የሚገድሉበትን መሳሪያ ምላጭ የሚስቡት። ይህን የእነሱን ባለመሳሪያነት ስሰማ አንድ የማውቀው ታሪክ ትዝ አለኝ። አዲስ አበባ በአንድ ቤተክርስቲያን ካህን የሆኑ በአንድ አባት ቀአንድ ወቅት ልጃቸው ከአጎራባቾቻቸው አን ልጅ ጋ ይጣላል። ልጃቸውም እንትና መታኝ ብሎ ይነገራቸዋል። እኒህ ካህንም ገጀራቸውን ይይዙና ወጥተው ከልጃቸው ጋር የተጣላውን ልጅ ማሳደድ። እንደ ልጅ ከልጅ ጋር እየሮጡ የቀለሉ ካህን። ካህን ማለት ምን እንደሆነ የዘነጉ። ስብዕና የሚባል ነገር ያላገኛቸው ሆነው ነው በአካባቢው የታዩት። እንደዛ ገጀራ ይዘው የመንፈስ ልጃቸውን በስጋ ለወለዱት ልጃቸው ሲሉ በገጀራ ሊገሉ አውሬ ሆነው እንደልጅ የሮጡለት ልጃቸው ቆይቶ የሌላ እምነት ተከታይ ሆኖ እንደነበር ሰምቻለሁ።
    ልጁ አይፈረድበትም ወደ ሌላ እምነት ቢሄድ። ምክንያቱም ካህን አባቱ ክርስትናን ከስብዕና አይደለም ያስተማሩ ያሳዩት። የአህዛብን፣ የክፉውን ተግባር ሰው መግደልንና ጨካኝነትን ነው ያሳዩት። እኒህ አባት ልጃቸውን ተው ተመለሥ ብለው የሚለበት አንደበትም፣ ሀይማኖትም ስብዕናም የላቸውም። ቢሞክሩ እንሿን ከት ብሎ ነው የሚስቅባቸው። እንዲህ አይነት ልጆች ቤተሰባቸውን ብቻ ሳይሆን የማያውቃትን ቤተክርስቲያንን ጨምሮ ነው ለሰይጣን ዘለፋና ዝበታ የካህን ልጅ ነቀርኩ እያለ አሳልፎ የሚሰጠው።
    እኔህ ባለመሳሪያ በቤተክርስቲያን የማእረግ ስም የተሸሸጉት ነገ ልጆቻው ወይ የነሱን ፈለግ የሚከተሉ፣ ወይንም ወደ ሌላ አካል ሔደው አባቴ እንዲህ የነበረ ከእንዲህ የመጣሁ በማለት የክርስቶስን ቤተክርስቲያን ሰድበው ለሰዳቢ ፤ ክደውም ለካሃዲ ላለመስጠታቸው ዋስትና የለም። ምክንያቱም የስጋ ወላጅ አባቶቻቸው ጌታውን በሸጠው በይሁዳ መንገድና በአይሁድ ካህናት ተግባር ሲመላለሱ እያዩ ነውና የሚያድጉት። መቸም አባቱ የሶስትና አራት ሺ ብር ደሞዝተኛ የቤተክርስቲያን አገልጋይ ነኝ ባይ ባለ “ይሮ ትራክ” እና ባለ ፎቅ ሲሆን ያየ ልጅ አባቴ ወጥቶ ወርዶ አርሶ ቆፍሮ ነው ያገኘው ብሎ እንደማያምን እሙን ነው። በእውነት እግዚአብሔር ይስበራቸው።

  4. An July 10, 2015 at 3:40 am Reply

    @Anonymous no1

    My friend some times it is better to keep quite when your understanding is shallow. I am afraid of your comments. Childish comments. It seems you are a child.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: