በደ/ብሥራት ቅ/ገብርኤል: ሰበካ ጉባኤውን በማዳከም በካህናት እና ምእመናን ላይ ግፍ የፈጸሙት አለቃ ከሓላፊነታቸው እንዲነሡ ተጠየቀ

Bisrate Gabriel Church00

የደብረ ብሥራት ቅዱስ ገብርኤል ቤተ ክርስቲያን: በልማት ስም ከጥቅመኛ ግለሰቦች ጋር በመመሳጠር የቤተ ክርስቲያንን ሀብት እና ንብረት ለግሉ በማካበት በሚታወቀው የቀድሞው አለቃ ኃይሌ ኣብርሃ፥ የባለቤትነት እና የተጠቃሚነት መብቱን አሳልፈው በሚሰጡ የኪራይ ውሎች ከመመዝበሩም በላይ የሚልዮኖች የባንክ ባለዕዳ አድርጎት ያለተጠያቂነት ለመሰል ዘረፋ ወደ ሌላ ደብር ተዘዋውሯል፡፡

Melake Birhan ZeMenfes

በእግሩ የተተኩት ግብታዊው እና ዐምባገነኑ መልአከ ብርሃን ዘመንፈስ ቅዱስ (የሀገረ ስብከቱ ዋና ሥራ አስኪያጅ ሊቀ ማእምራን የማነ አባት)፥ በቃለ ዐዋዲው መሠረት በሰበካ ጉባኤው ሙሉ ተሳታፊ የኾኑትን እና የወሳኝነት ድርሻ ያላቸውን የማኅበረ ምእመናን እና የሰንበት ት/ቤት ተወካዮችን በማሳደድ እና ከልጃቸው ጋር ተማክረው ሥልጣን በሌለው የክፍለ ከተማው የሰው ኃይል አስተዳደር ሓላፊ በኩል አምስት ካህናትን ወደ ሌላ አድባራት በማዘዋወር ሀብቱንና ይዞታውን ከሚነጥቁ ቀማኞች ጋር እየሠሩ ነው፡፡

*       *       *

  • በአለቃው ከሰበካ ጉባኤው የተባረረው የማኅበረ ምእመናን ተወካዩ እና የሰንበት ት/ቤቱ አባሉ  ዲ/ን ሰሎሞን የኋላሸት ‹‹ወረቀት በትኗል፤ አድማ አነሣስቷል›› በሚል በአለቃው ጥያቄ ከቅዳሜ ምሽት ጀምሮ በንፋስ ስልክ ክፍለ ከተማ ፖሊስ ጣቢያ በእስር ላይ ነው
  • በጥፋታቸው ስለሚቃወሟቸው፣ በዋና ሥራ አስኪያጁ ልጃቸው ተመክተው በግፍ ያዘዋወሯቸው ካህናት በሳምንት ጊዜ ውስጥ እንዲመለሱ፤ ሰበካ ጉባኤውም እንደ ቃለ ዐዋዲ ደንቡ በተሟሉ ተወካዮች እንዲጠናከር ምእመናኑ ማሳሰቢያ ሰጥተዋል
  • በደብሩ የጠበልተኞች ማደርያ የኾነው ቦታ እንዲከበር የሚጠይቁትን የጠበል ዕድርተኞች ፊት በመንሳት ለግለሰብ ተላልፎ እንዲሰጥ እየተባበሩ ነው
  • በሰበካ ጉባኤው የሰንበት ት/ቤቱ ተወካይ በመልቀቁ በሌላ እንዲተካ ሰንበት ት/ቤቱ ለወራት ላቀረበው ጥያቄ ምላሽ ለመስጠት ፈቃደኛ አይደሉም
  • ምክትል አስተዳዳሪ በሚል ተቀምጦ ቀድሞ ደብሩን ለመዘበረው ኃይሌ ኣብርሃ መረጃ የሚያቀብለው ግለሰብ ተጨማሪ ምእመናንን በጥቆማ ለማሳሰር እየሠራ ነው
Advertisements

4 thoughts on “በደ/ብሥራት ቅ/ገብርኤል: ሰበካ ጉባኤውን በማዳከም በካህናት እና ምእመናን ላይ ግፍ የፈጸሙት አለቃ ከሓላፊነታቸው እንዲነሡ ተጠየቀ

  1. ገብረ ማርያም June 16, 2015 at 4:22 am Reply

    ምነው እናንተ ሁሌ እከሌ ተሾመ እከሌ ተሻረ እከሌ ሊሻር ነው እከሌ ሊሾም ነው በማለት ተራ እና ከንቱ በሆነ ወሬ ተጠምዳችሁ ቀራችሁ ለሕይወት የሚሆን መልዕክት የላችሁም ማለት ነው የተረት አባቶች ሁሌ ተረት የባልቴት ወሬ ርካሽ ወሬ በጣም ያሳዝናል።

    • Samuel Teklay June 16, 2015 at 6:27 pm Reply

      የቄስ አደራው ንጉሴ የቀድሞ አስተዳደር ምዝበራ የት ደረሰ ለ10ተ አመታት ተሸፋፍኖ
      አሁን በ አትላንታ እንደሚነገኙ መረጃዎች አሉ ደግሞ ጊዜውን ጠብቆ መልአከ ገብርኤል
      ያወጣዋል ቤተ ክርስቲያኒቱ የተከበበችው ከፍተነኞ ባለ ሀብቶች ምእመን ጭምር
      በመሆኑ ከፍተኞ ነዋይ በቀላሉ ይመዘበራል DX ፠ Lada ፠ vitz ይዘው ሲንቀሳቀሱ
      ማየት የተለመደ ነው ፀበል ለመርጨት እንኳ በግር እንደ ጥንቱ ቀርቷል እናም ቃለ
      እግዚያብሄር ተሽሮ በሀገረ ቤተ ክርስቲያን ታሪክ የመጀመሪያው ድረፍረት ተፈጸመ

      ፖሣህ ሱፐር ማርኬት ዝሆን የቁሻሻ ማስወገጃ በኚሁ ቄስ ተባባሪነት ኤርትራዊቷ ከወ/ሮ አስቴር
      ጋር ያለምንም ጨረታ ሸንቁረዉ ሰጡ ይህን ተከትሎ በዙሪያው ከ20 በላይ ሱቆች ተከፍቶ
      እየተመዘበረ ይገኞል እንዲሁም ምእመኑ የደከሙበት የትምህርት ቤት ቦታ 2000ካሬ
      ሜትር በላይ በሙስና መሸጡ በጣም አሳዛኝ ክስተቶችን እያስተናገደ የሚገኝ ደብር ነው።

      ዛሬ በመንገዱ ቢያልፉ ቤ/ክኑን ሊታያችሁ ቀርቶ የምታማትሙት ሱቆተቹን ነው
      ያስለቅሳል የተቀደሰ ስፍራ እንዲህ መሆኑ እባካችሁ ምእመናን እንዴት እንታደግ ?

  2. waqjira June 19, 2015 at 7:03 am Reply

    አዱኛና ማህበረ ሰይጣን መቸም ቢሆን አይሳካላችሁም ፡፡ ምክንያቱ ህብረታቹ ከሰይጣንና ከርኩሰቱ ነውና፡፡ እግዚአብሄር በልጆቻቹ ያሳያቹ፡፡ ቤተክረስቲያንን እንዲሀ በጠበጣችሃት አንድ ቀን ጭሆትዋ ይሰማ ይሆናል፡፡

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: