ሰበር ዜና – የባሕር ዳር ከተማ ሀገረ ስብከት ሊቀ ጳጳስ ብፁዕ አቡነ ጴጥሮስ ዐረፉ

His Grace Abune Petros

ብፁዕ አቡነ ጴጥሮስ፤ የባሕር ዳር ከተማ የአዊ እና መተከል ዞኖች አህጉረ ስብከት ሊቀ ጳጳስ (ከታኅሣሥ 23 ቀን 1923 – ሚያዝያ 10 ቀን 2007 ዓ.ም.)

  • የቀብር ሥነ ሥርዐቱ÷ ነገ እሑድ ከቅዳሴ በኋላ ብፁዕ ወቅዱስ ፓትርያርኩ፣ ብፁዓን ሊቃነ ጳጳሳት፣ አበው ካህናት እና ሊቃውንተ ቤተ ክርስቲያን እንዲኹም የሰንበት ት/ቤት ተማሪዎች፣ የማኅበረ ቅዱሳን አባላት፣ በርካታ ምእመናን እና የክልሉ አስተዳደር ሓላፊዎች በተገኙበት በፈለገ ገነት ቅዱስ ጊዮርጊስ ካቴድራል ከቀድሞው ሊቀ ጳጳስ ብፁዕ አቡነ በርናባስ አጠገብ በተዘጋጀው መካነ መቃብር ይፈጸማል::
inaguration of the college

3.8 ሚልዮን ብር የግንባታ ወጪው በሀገረ ስብከቱ የተሸፈነውና በ15 ወራት የተጠናቀቀው መንፈሳዊ ኮሌጁ በብፁዕነታቸው ጥያቄ ሚያዝያ ፰ ቀን በተመረቀበት ወቅት

  • ዕለተ ዕረፍታቸውን አስቀድመው ዐውቀዋል፤ የምረቃ መርሐ ግብሩ ለነገ ሚያዝያ ፲፩ ቀን ተይዞለት የነበረው የካህናት ማሠልጠኛ ‹‹እኔ ሳልሞት ኮሌጁ ይመረቅልኝ›› በማለታቸው ምረቃው ከትላንት በስቲያ ኀሙስ ብፁዕ ወቅዱስ ፓትርያርኩ በተገኙበት ተከናውኗል:: የባሕር ዳር ካህናት ማሠልጠኛ ኮሌጅ 90 ሠልጣኞችን ተቀብሎ የማስተናገድ አቅም ያለው ሲኾን ሦስት የመማሪያ ክፍሎች እና 850 ሰዎችን የሚይዝ አዳራሽ ያካተተ ነው፡፡
  • ከአህጉረ ስብከቱ ጽ/ቤት፣ ከገዳማት እና አድባራት አስተዳዳሪዎች፣ ካህናት እና ልዩ ልዩ ሠራተኞች በተሰበሰበ የብር 3.8 ሚልዮን ጠቅላላ ወጪ የተገነባው የባሕር ዳር ካህናት ማሠልጠኛ ኮሌጅ ሥራ÷ ብፁዕነታቸው የነበረባቸውን የደም ግፊት እና ስኳር ሕመሞች በመቋቋም በየዕለቱ በተደጋጋሚ እየተመላለሱ ሥራውን ተከታተለው ያስፈጸሙት ነበር፡፡
  • የብፁዕነታቸው የኅልፈት መንሥኤም በቂ ክትትል ያላደረጉለት ከዚኹ የጤና እክል ጋራ የተያያዘ ሕመማቸው ነበር፡፡ በትላንትናው ዕለት ከቀኑ 10፡00 የኮሌጁን ዘላቂ የበጀት ምንጮች በተመለከተ ከሊቃውንተ ቤተ ክርስቲያን እና ከጠቅላይ ቤተ ክህነት ልኡካን ጋራ በኮሌጁ በመወያየት ላይ ሳሉ በድንገት ራሳቸውን መሳታቸው ተጠቁሟል፡፡
  • በቅድሚያ በጋምቢ ሆስፒታል አፋጣኝ ርዳታ ከተካሔደላቸው በኋላ ማምሻውን ለተሻለ ሕክምና ወደ ባሕር ዳር ፈለገ ገነት ሪፈራል ሆስፒታል ተወስደው ሌሊቱን የሕክምና ክትትል ቢደረግላቸውም ያጋጠማቸው የጭንቅላት ውስጥ ደም መፍሰስ ዛሬ፣ ሚያዝያ ፲ ቀን ፳፻፯ ዓ.ም. ከጠዋቱ 1፡00 ገደማ ለኅልፈት እንዳበቃቸው ተጠቁሟል፡፡
buildings of the college

ከባሕርዳር ዩኒቨርሲቲ አቅራቢያ የዓባይ ወንዝ ለኹለት ተከፍሎ ደሴት በሚሠራበት ቦታ ላይ የተገነባው መንፈሳዊ ኮሌጁ የአስተዳደር እና የመምህራን ቢሮዎችን ጨምሮ ለጊዜው እያንዳንዳቸው እስከ ስምንት ሰው ማስተናገድ የሚችሉ 15 የሠልጣኞች ማደርያን፣ የመማርያ እና የማብሰያ አራት ብሎኮችን የያዘ ነው፡፡ (ፎቶ እና መግለጫ: ናታኒም ጡመራዊ መጽሔት)

  • ከ፳፻፬ ዓ.ም. ጀምሮ በባሕር ዳር ከተማ ሀገረ ስብከት የተመደቡት እና በተወለዱ በ84 ዓመት ዕድሜአቸው ያረፉት ብፁዕ አቡነ ጴጥሮስ÷ የመላው አፍሪቃ ኤጲስ ቆጶስ ሳሉ በተለይም በደቡብ አፍሪቃ ጆሐንስበርግ መድኃኔዓለም፣ በናይጄሪያ – ሌጎስ የቅዱስ ሚካኤል ቤተ ክርስቲያን በመትከል፣ በኬንያ፣ በጋና ) ከ1991 – 1994 ዓ.ም. ያበረከቱት ከፍተኛ ሐዋርያዊ ተግባር ተጠቃሽ ነው፡፡
  • ከዚኽም በኋላ በሽሬ እና ሑመራ አህጉረ ስብከት (ከ1994 – 1996 ዓ.ም.)፣ በአውስትራልያ እና ኒውዝላንድ (ከ1998 – 2001)፣ በምሥራቅ ጎጃም ሀገረ ስብከት (2001 ዓ.ም.)፣ በምዕራብ ጎጃም፣ አዊና መተከል ዞኖች አህጉረ ስብከት (2003 ዓ.ም.) መንበረ ጵጵስና በማሠራት እና አህጉረ ስብከቱን በማጠናከር ከፍተኛ አባታዊ አገልግሎት ፈጽመዋል፡፡
  • በምዕራብ ጎጃም ደጋ ዳሞት ወረዳ ዐይን ዓምባ ቁስቋም ቅድስት ማርያም ሰበካ ታኅሣሥ 29 ቀን 1923 ዓ.ም. የተወለዱት ብፁዕነታቸው፣ ጎልተው የሚታወቁት በቅኔ እና የቅዳሴ መምህርነታቸው እንዲኹም በበርካታ ቋንቋዎች ተናጋሪነታቸው ነው፡፡ የትምህርተ ኅቡአት፣ የቅዳሴ ማርያም፣ የውዳሴ ማርያም፣ አርባዕቱ ወንጌል ትርጓሜያት በግሸን ደብረ ከርቤ ማርያም ከመሪጌታ ወልደ ኪዳን፤ ቅዳሴ ከደብረ ዓባይ ዬኔታ የኋላ እሸት፣ (ከ1954 – 1956 ዓ.ም.) በሚገባ ተምረው አጠናቅቀዋል፡፡
  • በራስ መኰንን ት/ቤት ከ1967 – 69 ዘመናዊ ትምህርት ተከታትለዋል፡፡ በግብጽ ኦርቶዶክስ ቤተ ክርስቲያን ገዳም ከ1969 – 73 ዓ.ም. ዓረቢኛ ቋንቋ እና ቴዎሎጂ አጥንተዋል፡፡ በግሪክ ሔለኒ ኮሌጅ (ከ1973 – 74 ዓ.ም.) እንዲኹም በአሜሪካ ቦስተን ሔለኒ ኮሌጅ በተጨማሪ ሥልጠናዎች የቴዎሎጂ ጥናታቸውን አጠናክረዋል፡፡ ከሀገርኛው ግእዝ፣ አማርኛ እና ትግርኛ በተጨማሪ ከውጭ በዐረብኛ፣ በግሪክኛ እና በእንግሊዝኛ ቋንቋዎችም ይነጋገሩ፤ ይግባቡ ነበር፡፡
  • በፊት ስማቸው ቆሞስ አባ ገብረ ሥላሴ በዛ የሚባሉት ብፁዕነታቸው፣ ከሌሎች 15 አባቶች ጋራ ብፁዕ አቡነ ጴጥሮስ ተብለው በመላው አፍሪቃ የኢትዮጵያ ኦርቶዶክስ ተዋሕዶ ቤተ ክርስቲያን ኤጲስ ቆጶስ የተሾሙት ሐምሌ ፭ ቀን ፲፱፻፺፩ ዓ.ም. በቀድሞው ፓትርያርክ ብፁዕ ወቅዱስ አቡነ ጳውሎስ በተፈጸመ አንብሮተ እድ ነበር፡፡
የብፁዕ አባታችን በረከታቸው ይደረብን፡፡

20 thoughts on “ሰበር ዜና – የባሕር ዳር ከተማ ሀገረ ስብከት ሊቀ ጳጳስ ብፁዕ አቡነ ጴጥሮስ ዐረፉ

  1. Anonymous April 18, 2015 at 6:10 am Reply

    የብፁ አባታችን አቡነ ጴጥሮስ በረከታቸው ይድረሰን ያሉትን ደግሞ በሕይወት ይጠብቅልን

  2. nehmiashishay April 18, 2015 at 7:04 am Reply

    አወ እሳቸውስ ወደ አምላካቸው እኛ ግን እውነተኛ አባት በሚታጣበት ዘመን አባት አያሳጣን እንጂ

  3. Anonymous April 18, 2015 at 7:14 am Reply

    በምን ምክንያት አረፉ? መቼም እኒህ ሁሉ አባቶቻችን ሊቀ ጳጳሳት ካለምክንያት በተከታታይ ወይም በጥቂት አመታት ውስጥ ሊያርፉ የሚችሉበት ምክንያት ምንድነው ?????????????????????????????????????????
    እግዚአብሔር የአባቶቻችንን ነፍስ ከአብርሃም ይሳቅና ያዕቆብ አጠገብ ያስቀምጥልን.

  4. MB April 18, 2015 at 9:04 am Reply

    ‹‹እስመ ተሀጥኦ ሊቅ ግብር እኩይ ውእቱ፡፡››(ዮሐንስ አፈወርቅ)

    • Anonymous April 18, 2015 at 9:36 am Reply

      Beqedusan bota yaserfrlrn amlke qedusan nefesyemAre

  5. Anonymous April 18, 2015 at 10:41 am Reply

    በረከታቸው ይደርብን የአባታችን

  6. Anonymous April 18, 2015 at 11:16 am Reply

    Nefesathewen begenet yanurelen

  7. መድሃኔ April 18, 2015 at 4:13 pm Reply

    ሞቱ ለጻድቅ ክቡር ውእቱ በቅድመ እግዚኣብሔር።

  8. gashaw April 18, 2015 at 4:13 pm Reply

    አሜን በረከታቸው ይደርብን:: ነብሳቸውን በገነት ያኑርልን::

  9. Adbaru Tsegaw April 18, 2015 at 5:10 pm Reply

    እግዚአብሔር ነፍሳቸውን በሰላም ያሳርፍልን። እሳቸውስ ይህን ክፉ ዓለም ትተው ወደሚበልጠው ሄዱ።

  10. esayas April 18, 2015 at 8:16 pm Reply

    ልብ የሚነካ ዜና
    በረከታቸው ይደርብን

  11. azeb aire April 19, 2015 at 12:14 am Reply

    እግዚአብሄር ነብሳቸውን በገነት ያኑርልን በረከት ረዲኤታቸው ይደርብን!!!

  12. Anonymous April 19, 2015 at 5:13 am Reply

    የአባታችን በረከት ይደርብን ።

  13. Sebhat April 19, 2015 at 8:02 am Reply

    ታላቅ አባት አጣን…ነፍስ ይማር

  14. Anonymous April 19, 2015 at 9:19 am Reply

    nefsachewun begenet yanurilin. bereketachew yideribin.

  15. ephrem April 19, 2015 at 9:21 am Reply

    nefsachewun yimarilin. behywot yalutin leloch abatochachinin yitebikilin.

  16. .anonymos April 19, 2015 at 12:45 pm Reply

    የብፁዕ አባታችን በረከት ከሁላችን ጋር ይሁን በጣም አስተዋይ ደከመኝ የማይሉ ቤተ ክርስቲያንን ለማነጽ በእርጅና ግዜያቸው ደፋ ቀና የሚሉ ሐዋርያ ናቸው ለዚህም ምስክር የፐርዝ አውስትራሊያ ምዕምናን ናቸው
    R.I.P

  17. Anonymous April 20, 2015 at 9:21 am Reply

    ye abatachinin nefs ke abriham ke yishak ke yaecob gara yasarifilin egziabihere

  18. habte April 29, 2015 at 7:19 pm Reply

    ሞቱ ለጻድቅ ክቡር ውእቱ በቅድመ እግዚኣብሔር።

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: