የማያለቅስ ልጅ…

  • አባቶቻችን በቤተ ክርስቲያን ላይ ግለሰባዊ ዓምባገነንነትን አልፈቀዱም የቤተ ክርስቲያን አሠራርና አመራር ማኅበራዊና ጉባኤያዊ ነው፡፡
  • ግለሰባዊ አመራር÷ ክሕደትንና ኑፋቄን ለማስገባት፣ ለሌሎች አካላት ቁጥጥር እና ዘመን የፈቀደለት ኹሉ ልቡ የወደደውን በቤተ ክርስቲያን ላይ እንዲጭን ያመቻል፡፡
  • ቤተ ክርስቲያን እንደ መኪና መሪውን የያዘ መኪናውን ወደ ፈለገው ሊወስደው የሚችልባት ቦታ ብትኾን ኖሮ ዘመነ ሱስንዮስን መሻገር ባልቻለች ነበር፡፡

*             *             *

  • የቅዱስ ሲኖዶስ አባላት÷ በቤተ ክርስቲያን ላይ፣ በቅዱስ ሲኖዶስ ላይና በሊቃነ ጳጳሳት መብት ላይ፣ ቤተ ክርስቲያንን ሊያገለግሉ በተነሡ ማኅበራትና ወጣቶች ላይ፣ በየገጠሩ በተሠማሩና የመከራ ገፈት በሚቀምሱ ካህናትና ምእመናን ላይ የሚደርሰውን በደልና ጫና እየሰሙና እያዩ ዝም ቢሉ በእናታቸው ጀርባ ላይ ኾነው መሞታቸው የማይቀር ነው፡፡ የቤተ ክርስቲያኒቱን መብት ለማስከበር ደግሞ አስቀድሞ የቅዱስ ሲኖዶሱ ሥልጣንና መብት መከበር አለበት፡፡
  • የኢትዮጵያ ቤተ ክርስቲያን ቅዱስ ሲኖዶስ÷ ቤተ ክርስቲያኒቱን ወደ ግለሰባዊ ዐምባገነንነት የሚወስደውን መንገድ በማረም የቤተ ክርስቲያኒቱ ራስ ክርስቶስ፣ የቤተ ክርስቲያኒቱም የበላይ ወሳኝ አካል ቅዱስ ሲኖዶስ መኾኑን በሕገ ቤተ ክርስቲያን አጽንቶታል፡፡
  • የቅዱስ ሲኖዶስ አባላት በምልአተ ጉባኤያቸው አንድ ኹነው የቅዱስ ሲኖዶሱን ሉዓላዊ ሥልጣን እንዳስጠበቁትና ቤተ ክርስቲያንንም ከግለሰብ አገዛዝ እንደታደጓት ኹሉ ለዘለቄታውም፣ በመንበረ ፓትርያርክ አጠቃላይ ሰበካ መንፈሳዊ ጉባኤ የቀረቡትንና በቅዱስ ሲኖዶስ ምልአተ ጉባኤ መክረው የወሰኑበትን በቤተ ክርስቲያን ላይ እየደረሱ ያሉ ችግሮችን አንድ ኹነው ለመፍታት መነሣት አለባቸው፡፡

*             *             *

(የዳንኤል ክብረት እይታዎች፤ ኅዳር ፪ ቀን ፳፻፯ ዓ.ም.)

eotc holy synod fathers

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ

ቅዱስ ሲኖዶስ የቤተ ክርስቲያንን ሕግ በተመለከተ አሰረ ሐዋርያትን የተከተለ ኾኖ እንዲጸድቅ አድርጓል፡፡ አባቶቻችን በቤተ ክርስቲያን ላይ ግለሰባዊ ዓምባገነንነትን አልፈቀዱም፡፡ ጸሎተ ሃይማኖቱም ‹‹ነአምን በአሐቲ ቅድስት ቤተ ክርስቲያን እንተ ላዕለ ኵሉ ጉባኤ ዘሐዋርያት›› በማለት ቤተ ክርስቲያን ጉባኤ ዘሐዋርያት መኾንዋን ያመለክታል፡፡ በ፶/፶፩ ዓ.ም. በኢየሩሳሌም የተሰበሰበችው ሲኖዶስም ‹‹እኛና መንፈስ ቅዱስ›› አለች እንጂ ‹እኔ› የሚል ግለሰባዊ ድምፅ አልተሰማባትም፡፡

ኢትዮጵያውያን አበው የቅዱስ ሲኖዶስን ሥርዐት ብቻ ሳይኾን ሌሎችን የቤተ ክርስቲያን የአመራር ሥርዐቶች ከግለሰብ ዐምባገነንነት ለማውጣት መልካም የኾነ ሥርዐት ሠርተዋል፡፡ ቅዳሴው በአምስት ልኡካን እንዲኾን፣ አጥቢያው በሰበካ መንፈሳዊ ጉባኤ እንዲመራ፣ ገዳማት በምርፋቅ(ጉባኤ አበው) ወይም በማኅበር እንዲመሩ፣ ሢመተ ኤጲስ ቆጶስን አንድ ጳጳስ (ፓትርያርክ እንኳ ቢኾን) ብቻውን እንዳይሰጥ፣ ቢያንስ ሦስት አበው ሊኖሩ እንደሚገባ፤ አንድ አባት ብቻውን ሥርዐተ ቤተ ክርስቲያንን እንዳይለውጥ፤ አድርገው የሠሩበት አንዱ ምክንያት ግለሰባዊ ዐምባገነንነትን ለመቋቋም እንዲቻል ነው፡፡

ይህን ማኅበራዊና ጉባኤያዊ የኾነ የቤተ ክርስቲያን አሠራርና አመራር ለማስወገድ በየዘመናቱ ጥረት ተደርጓል፡፡ የዚኽም ምክንያቱ ግልጽ ነው፡፡ ግለሰባዊ አመራር ለሦስት ነገሮች የተጋለጠ ነው፡፡ የመጀመሪያው፡- ክሕደትንና ኑፋቄን ለማስገባት ይመቻል፡፡ አንዱ ወሳኝ ሌላው ‹ኦሆ በሃሊ› ስለሚኾን እርሱ ትክክል ነው ያለው ትክክል፤ ስሕተት ነው ያለው ደግሞ ስሕተት ይኾናል፡፡ ቤተ ክርስቲያን ጉባኤያዊት በመኾንዋ አንዳንድ ግለሰቦች በየዘመናቱ ያመጡትን ክሕደት በጉባኤ ተመልክታ በጉባኤ ለማውገዝ ጠቅሟታል፡፡ ደገኛ ትምህርትና ድርሰት ሲገኝ ደግሞ እንዲሁ በጉባኤ ተመልክታ ለመቀበል ረድቷታል፡፡ አባ ጊዮርጊስ ዘጋሥጫ መጽሐፈ ምስጢርን ጽፎ በጨረሰ ጊዜ ጉባኤ ሊቃውንቱ ተመልክተው ‹‹አማንኬ ዮሐንስ አፈ ወርቅ ወቄርሎስ አፈ በረከት ተንሥኡ በመዋዕሊነ፤ ኢትዮጵያ ተመሰለት በቁስጥንጥንያ፤ ወተአረየታ ላዕለ እስክንድርያ – በእውነት ዮሐንስ አፈ ወርቅና አፈ በረከት የኾነው ቄርሎስ በዘመናችን ተነሥተዋል፡፡ ኢትዮጵያም ቁስጥንጥንያን መስላለች፤ ከእስክንድርያም ልቃ ከፍ ከፍ ብላለች፤›› ብለው ምስክርነታቸውን ሰጥተው ነበር፡፡

ለተኛው፡- ለሌሎች አካላት ቁጥጥር ስለሚመች ነው፡፡ ጌታችን አስቀድሞ ኃይለኛውን ማሰር እንዳለው መሪውን የያዘ ቤተ ክርስቲያኒቱን እንደ ልቡ ለመዘወር እንደሚመቸው ተደርጎ ይታሰባል፡፡ ይኼ ነገር በዘመነ ሱስንዮስ ጊዜ ታይቷል፡፡ ሮማውያን ግብጻዊውን ጳጳስ በሮማዊ ጳጳስ በመተካት ቤተ ክርስቲያኒቱን በሮማዊ ጳጳስ ለማስመራትና ለመቆጣጠር ፈልገው ነበር፤ ነገር ግን የኢትዮጵያ ቤተ ክርስቲያን ጠባይ ማኅበራዊና ጉባኤያዊ በመኾኑ ጉባኤ ሊቃውንቱ ከግብጹ ጳጳስ ጋራ ኾኖ ተቃወማቸው፤ ጳጳሱና ሊቃውንቱም እስከ ደም ማፍሰስ ድረስ መሥዋዕት ኾኑ፡፡

ጥቅምት ፲፱ ቀን ፲፮፻፳፩ ዓ.ም. በምዕራብ ጎጃም በምትገኘው ደብረ መዊዕ የተሰበሰቡት የቤተ ክርስቲያን ማኅበርተኞች ለዚህ ማስረጃ ናቸው፡፡ በዚኽ የደብረ መዊዕ ጉባኤ እስከ 7000 የሚደርሱ ምእመናን፣ ካህናት፣ መነኮሳትና ሊቃውንት ተሰባስበው ነበር፡፡ የጉባኤው መሪዎችም እነ አባ ተስፋ ኢየሱስ፣ አባ ዘጊዮርጊስ ዘዋሸራ፣ አባ እንጦንዮስ፣ አባ ግርማ ሥሉስ ዘውይት ነበሩ፡፡ የጉባኤው አፈ ጉባኤ ደግሞ አባ ግርማ ሥሉስ ነበሩ፡፡ በዚህ ጉባኤ የተገኙት ኹሉ ንጉሡንና አዲሶቹን ሮማውያን የሃይማኖት መሪዎች ተቃውመው እንደ አንድ ልብ መክረው እንደ አንድ ቃል ተናግረው በተዋሕዶ ጸኑ፤ የንጉሥ ሱስንዮስም ጦር ጥቅምት ፲፱ ቀን ከብቦ ፈጃቸው፡፡

እነዚህ ጽኑአን ጉባኤተኞች ነበሩ በኋላ ዐፄ ሱስንዮስ ሐሳባቸውን እንዲቀይሩና ‹‹ፋሲል ይንገሥ፣ ሃይማኖት ይመለስ›› እንዲሉ ያደረጋቸው፡፡ ቤተ ክርስቲያን እንደ መኪና መሪውን የያዘ መኪናውን ወደ ፈለገው ሊወስደው የሚችልባት ቦታ ብትኾን ኖሮ ዘመነ ሱስንዮስን መሻገር ባልቻለች ነበር፡፡

ሦስተኛው ምክንያት፡- ዘመን የፈቀደለት ኹሉ ልቡ የወደደውን በቤተ ክርስቲያን ላይ እንዳይጭን ነው፡፡ በተለያዩ ዘመናት የተነሡ መንግሥታት ለራሳቸው የሚመቻቸው መሪ በቤተ ክርስቲያን ላይ ለማስቀመጥ ሞክረው ነበር፡፡ የቤተ ከርስቲያን አሠራር፣ ሕግና ሥርዐት ግን በአንድ ሰው የሚዘወር ባለመኾኑ ገመዱን ከመበጣጠስ ያለፈ ጀነሬተሩን ማቋረጥ አልተቻላቸውም፡፡ የቤተ ክርስቲያን ውሳኔዎችም በጉባኤ እንጂ በአንድ ሰው ኅሊና ብቻ የሚወሰኑ ባለመኾናቸው አስተዳደራዊ ጥቅም ከማግኘትና በደል ከማድረስ ባለፈ አጥንቷን ለመስበር ዐቅም አላገኙም፡፡

His Holiness Abune Mathias with thier Graces the Archbishops

ይህን ታሪካዊና ቤተ ክርስቲያናዊ ሐሳብ ጠንቅቆ በመረዳት፣ የኢትዮጵያ ቤተ ክርስቲያን ቅዱስ ሲኖዶስ÷ ቤተ ክርስቲያኒቱን ወደ ግለሰባዊ ዐምባገነንነት የሚወስደውን መንገድ በማረም የቤተ ክርስቲያኒቱ ራስ ክርስቶስ፣ የቤተ ክርስቲያኒቱም የበላይ ወሳኝ አካል ቅዱስ ሲኖዶስ መኾኑን በሕገ ቤተ ክርስቲያን አጽንቶታል፡፡


የአገራችን ሰው ሲተርት ‹‹የማያለቅስ ልጅ በእናቱ ጀርባ ይሞታል›› ይላል፤ ይራበው አይራበው፣ ይታፈን አይታፈን፣ ይመመው አይመመው፣ ይመቸው አይመቸው አይታወቅምና፡፡ ምናልባትም ዝምታው እንደ ጨዋነት ታስቦለት ዘወር ብሎ የሚያየው ላይኖርም ይችላል፡፡ የቅዱስ ሲኖዶስ አባላት በቤተ ክርስቲያን ላይ፣ በቅዱስ ሲኖዶስ ላይና በሊቃነ ጳጳሳት መብት ላይ፣ ቤተ ክርስቲያንን ሊያገለግሉ በተነሡ ማኅበራትና ወጣቶች ላይ፣ በየገጠሩ በተሠማሩና የመከራ ገፈት በሚቀምሱ ካህናትና ምእመናን ላይ የሚደርሰውን በደልና ጫና እየሰሙና እያዩ ዝም ቢሉ በእናታቸው ጀርባ ላይ ኾነው መሞታቸው የማይቀር ነው፡፡ የቤተ ክርስቲያኒቱን መብት ለማስከበር ደግሞ አስቀድሞ የቅዱስ ሲኖዶሱ ሥልጣንና መብት መከበር አለበት፡፡ ያልቆመ አንገት ራስን አይሸከምም እንዲሉ፡፡

የቅዱስ ሲኖዶስ አባላት በምልአተ ጉባኤያቸው አንድ ኹነው የቅዱስ ሲኖዶሱን ሉዓላዊ ሥልጣን እንዳስጠበቁትና ቤተ ክርስቲያንንም ከግለሰብ አገዛዝ እንደታደጓት ኹሉ ለዘለቄታውም፣ በመንበረ ፓትርያርክ አጠቃላይ ሰበካ መንፈሳዊ ጉባኤ የቀረቡትንና በቅዱስ ሲኖዶስ ምልአተ ጉባኤ መክረው የወሰኑበትን በቤተ ክርስቲያን ላይ እየደረሱ ያሉ ችግሮችን አንድ ኹነው ለመፍታት መነሣት አለባቸው፡፡

Advertisements

12 thoughts on “የማያለቅስ ልጅ…

  1. […] Source:: haratewahido […]

  2. tibebu alene November 12, 2014 at 6:00 am Reply

    kale hiwot yasemalin

  3. dereje November 12, 2014 at 7:04 am Reply

    Wow,very good observation God bless you .

  4. Alebel Atalel November 12, 2014 at 8:22 am Reply

    very smart view

  5. men elalhu November 12, 2014 at 12:30 pm Reply

    Orthodox lezlalem tenur

  6. yeneneh November 12, 2014 at 12:55 pm Reply

    there is always a problem to implement the GOOD decision to action

  7. Anonymous November 12, 2014 at 2:16 pm Reply

    የማያለቅስ ልጅ ችላ የሚባለውን ያህል በየሰበብ አስባቡ የሚያለቅስ ልጅም ልማዱ ነው ተብሎ በቸልተኝነት ሊጎዳ ስለሚችል ለቅሷችንም በቅጡ ቢሆን፡፡ልንጠፋ ነው፣ልንሰቀል ነው፣ከአካላዊነት ወደ መናፍስትነት ልንቀየር ነው የመሳሰሉ የጥቅምትና የግንቦት ጋዜጣና ብሎግር ማድመቂያ በዳንኤል ቋንቋ አስለቃሽ የሆኑ ዘገባዎች ለከት አጡሳ፡፡እርጋታ፣ማስረጃ፣አስተዋይነት፣ሚዛናዊነት፣ትህትና፣እውቀት ጎድሏል፡፡ሎቢስቶች ነግሰዋል፡፡የማኅበሩና የመንግሥት ሎቢስቶች ምዕመኑንና ካሕኑን ችላ ብለው ጳጳሳቱንና ፓትርያርኩን ሲሻሙ መመልከት ያሳፍራል፡፡ነገሩን የበለጠ አሳዛኝ የሚያደርገው ሁለቱም ወገኖች በደሃ ካሕናትና የዋህ ምእመናን ሥም የሚነግዱ መሆናቸው ነው፡፡እንደነ ዳንኤል ክብረት አይነት ሰዎች ደግሞ የደመራ እንጨቱ ወዴት መውደቅ እንደጀመረ ከታዘቡ በኋላ ደርሰው ሩቅ ዐላሚ መስለው ብቅ ይላሉ፡፡ብቅ ማለታቸው ክፋት የለውም ግን ሰው ወድቆ ተነስቶ ከተማረ በኋላ ክፍለጊዜው ሲያልቅ መጥተው የድል አጥቢያ አርበኛ ለመሆን የሚያደርጉት ጥረት ነው የሚያናድደው፡፡የምናገረው ብዙ ነበረኝ ግን ይህንንም ካወጣችሁት በቂ ስለሆነ ትቼዋለሁ፡፡ባታወጡትም ለእኔ ስጽፈው ስለወጣልኝ አይከፋኝም፡፡

  8. asteraye21@gmail.com November 13, 2014 at 6:55 am Reply

    Patriarichu Endimeretu wanawu akenikagn ante Alineberikim endea? wodeat tegag-tega lemalet newu Aselalefihin yemitasamirewu? …yesinodosun tenkiro mewutat ayiteh newu woyis kewode beate mengst bekul wota-geba maletun chilehibetalina yesheteteh neger Ale? ” man yawukal?” Alu mengistu lema…Hara tewahedo dihregets bitihogn le endih ayinet asimesay medirek mesitetish tegebi ayimesilegnim.yeginbar siga honewu endeshama lemikelitu enji le asimeseyoch edil mesitetu 1 yedihre getsun kibir zik yaderigewal.2-tsehafiwu kejerba lemiserawu sira shifan yihoniletal.sewun lemadenager endehone yersasu medirek alewuna ye hara tewahido eridata yemiyasifeligewu ayidelem.Aeyintihu Le Mi-emennan Habe Ekuyan.kemimenan yetesewore minim neger yelem.

  9. Anonymous November 13, 2014 at 10:15 am Reply

    WELL STATED; KALE HIWOT YASEMALIN!!!

  10. Anonymous November 15, 2014 at 6:22 am Reply

    ዉድ Anonymous, በጣም ይገርማል!ብታምንም ባታምንም ዲያቆን ዳንኤል የዚህ ትውልድ መምህር የዚህ ትውልድ ብርሃን ከሆኑ ሰዎች ውስጥ አንዱ ነው ለዚህ ምስክር ከሚሆኑት ሰዎች አንዳ እኔ ነኝ ይሄ ትውልድ የሱ ውለታ አለበት:: እንደ ዲያቆን ዳኒ አይነት ለሀገረና ለቤ/ን ታማጝ የሆኑ ጥቂት ሰዎች ቢኖሩ እድለኞች ነበርን :: ለቤተክርስቲያን የቤተክርስቲያን የሚሆን ትዉልድ ቀርሶ ኣስረክቦኣል ኣንተም ከቻልክ እንደሱ ብትጽፍልን: ብትመክረን ነገር ግን ቤ/ንን ከነምእመኗ ለመናፍቃን ለመሸጥ የሚደራደሩ ይሁዳዎች ዛሬም ታማኝ የቤ/ንን አገልጋዮችን ከመክሰስ አልተመለሱም ከነዚህ ኣንዱ ኣንተ መሆን ኣለብህ………:: የቅዱሳን ኣምላክ ወደ ልብህ ይመልህ::

  11. Anonymous November 15, 2014 at 4:24 pm Reply

    ‹ቀራንዮ፣ መድኃኔዓለም፣ ካህናቱ›
    click here for pdf
    ቅዱስ ጳውሎስ ተከስሶ በቂሣርያው ገዥ በፊስጦስ ፊት በቀረበ ጊዜ አይሁድ ለብቻቸው ቀርበው በቅዱስ ጳውሎስ ላይ ይፈርድበት ዘንድ ጎትጉተውት፣ እነርሱ ማስረጃ ያሉትንም አቅርበውለት፣ ሕጋቸውንም ጠቅሰው ማሳመኛ አቅርበውለት ነበር፡፡ አሕዛባዊው ገዥ ፊስጦስ ግን እግዚአብሔርን እናውቃለንም፣ እንፈራለንም ከሚሉት አይሁድ ተሽሎ ያሉትን ከማድረግ ራሱን ከለከለ፡፡
    ከጥቂት ቀናት በኋላ ንጉሥ አግሪጳና በርኒቄ ወደ እርሱ በመጡ ጊዜ ጉዳዩን አቀረበላቸው፡፡ ፊስጦስ አይሁድ ያቀረቡትን ስሞታ፣ ውትወታና ክስ ተቀብሎ በቅዱስ ጳውሎስ ላይ ያልፈረደበትን ምክንያት ለአግሪጳ ሲገልጥለት ‹‹ተከሳሹ በከሳሾቹ ፊት ለፊት ሳይቆም፣ ለተከሰሰበትም መልስ ይሰጥ ዘንድ ፈንታ ሳያገኝ፣ ማንንም ቢሆን አሳልፎ መስጠት የሮማውያን ሥርዓት አይደለም›› ብሎ መሆኑን ነግሮታል (የሐዋ.25÷16)፡፡
    ይህ በሮማውያን ዘመን እጅግ የታወቀውን ራስን በእኩል ደረጃ የመከላከል መብት በተመለከተ ሮማዊው ታሪክ ጸሐፊ አፒያን (95-165ዓም) በጻፈው Civil War በተሰኘው መጽሐፉ (3:54) ላይ ‹‹የምክር ቤት አባሎች፣ ሕጉ የተከሰሰ ሰው የተከሰሰበትን ሰምቶ በእርሱ ላይ ከመፈረዱ በፊት መልስ የመስጠት መብት አለው ይላል›› ሲል አሥፍሮት ነበር፡፡ ፊሊክስ የጠቀሰው ይኼንን ነው፡፡ አበው በትርጓሜያቸው ‹አሕዛብ ፍርድ ይጠነቅቃሉ›› ሲሉ የመሰከሩት እንዲህ ያለው የሮማውያንን ሕግ ነው፡፡ ለዚህ ጥንቁቅ የፍርድ ሥርዓትም ሲሉ አያሌ የሮማውያንን የፍተሕና የፍርድ ሐሳቦች በቤተ ክርስቲያን የፍትሕ ሥርዓት ውስጥ (በቀኖና) እንዲገቡና እንዲሠራባቸው አድርገዋል፡፡

    ይህንን የምትተረጉምና የምታስተምርን ቤተ ክርስቲያን እንወክላለን የሚሉ ሰዎች ናቸው ሰሞኑን ተሰብስበው ተከሳሹ በሌለበት ፍርድ ሲሰጡ ያየናቸው፡፡ ማኅበረ ቅዱሳን ተሳሳተ ተብሎ እንኳን ቢሆን ቤተ ክርስቲያኒቱ ለአርዮስና ለንስጥሮስ፣ ለመቅዶንዮስና ለሰባልዮስ የሰጠችውን መብት ቤተ ክህነቱ ለማኅበረ ቅዱሳን ሊነፍገው አይገባም ነበር፡፡ በቀደዱላቸው ቦይ መንጎድ፣ ተጠልቷል ብለው በሚያስቡት ላይ መፍረድ ሃይማኖታቸው የሆነ፤ ፓትርያርኩን ምን ያስደስታቸዋል እንጂ የትኛው እውነት ነው ለሚለው የማይጨነቁ ሰዎች የክስ መዓታቸውን ሲያዘንቡ ማኅበሩ መልስ እንዲሰጥ ዕድል ሊሰጠው ይገባ ነበር፡፡ ነገር ግን ሰዎቹ ለበዓሉ የሚስማማውን ቀለም ትተው ለባለ ሥልጣኑ የሚስማማውን ቀለም መረጡ፡፡ ሊቁ ክፍለ ዮሐንስ ‹ካህን ከመሆን እረኛ መሆን ይሻላል› እንዳለው ከቤተ ክህነት ፊልክስ ተሽሏል፡፡
    ፊሊክስ ለቅዱስ ጳውሎስ፣ ሠለስቱ ምእት ለአርዮስ፣ ማኅበረ ኤፌሶን ለንስጥሮስ የሰጡትን ዕድል ቤተ ክህነቱ ለማኅበረ ቅዱሳን ለመስጠት ፈቃደኛ አልሆነም፡፡ ለምን?
    ሰዎቹ እውነቱን ለመጋፈጥ ዐቅም አንሷቸዋል ማለት ነው፡፡ የሚሉት ነገር የሆኑ አካላትን ስለማስደሰቱ እንጂ እውነት ስለመሆኑ ርግጠኞች አይደሉም፡፡ ስለዚህም ተከራካሪያቸውን ለመስማትና የእነርሱ ‹እውነት› ሲሞገት ለማየት ዐቅም ያንሳቸዋል፡፡ ወይም ደግሞ
    ከክርክሩ በፊት ውሳኔውን ወስነው ጨርሰዋል፡፡ ፓትርያርክ አቡነ ቴዎፍሎስን ለደርግ አሳልፈው የሰጡት የቤተ ክህነት ሰዎች እንዲህ ነበር ያደረጉት፡፡ ፓትርያርኩን አሳልፈው ሰጥተዋል፡፡ ውሳኔውን ወስነዋል፡፡ ነገር ግን ለውሳኔው ምክንያት መፈለግ ነበረባቸው፡፡ ስለዚህም አቡነ ቴዎፍሎስ ሠሩ ያሏቸውን ጥፋቶች ለብቻቸው ተሰብስበው፣ ‹በደላቸውን› ዘርዝረው፣ እርሳቸው መልስ ሊሰጡ በማይችሉበት ሁኔታ ለደርግ አስተላለፉ፡፡ እነዚህ ሰዎች ለብቻቸው መሰብሰብ የፈለጉት፣ የፓትርያርኩንም መልስ የመስጠት መብት የነፈጉበት አንዱ ምክንያት ፓትርያርኩ በሚሰጡት መልስና በሚያቀርቡት ማስረጃ እውነታቸው ነፋስ ያየው ገለባ እንዳይሆንባቸው ነው፡፡ ወይም
    እነዚህ ሰዎች የራሳቸውን ሥራ አይደለም እየሠሩ ያሉት፡፡ ቤተ ክርስቲያኒቱን ሲበጠብጡ የኖሩት ካህናተ ደብተራ (ከቤተ ክህነት ደመወዝ እየወሰዱ ለቤተ መንግሥት ሲሠሩ የኖሩ ካህናት ነን ባዮች) ዋናው መለያቸው የሚሠሩት የራሳቸውን ሥራ አለመሆኑ ነው፡፡ የመለካዊነት ጠባይ ስላላቸው ሌሎች ተናገሩ የሚሏቸውን ይናገራሉ፣ ፈጽሙልን የሚሏቸውን ይፈጽማሉ፤ አውግዙልን የሚሏቸውን ያወግዛሉ፤ አጽድቁልን የሚሏቸውንም ያጸድቃሉ፡፡ የሚሠሩት ሥራ የላኳቸውን ሰዎች ማርካቱን እንጂ የሚያስከትለውን ነገርና የሚያስከፍለውን ዋጋ አያውቁትም፡፡ እነዚህ ነበሩ አባ በጸሎተ ሚካኤልን ያሰደዱት፣ እነዚህ ነበሩ አባ ፊልጶስን ያንከራተቱት፣ እነዚህ ነበሩ እጨጌ ዕንባቆምን ለልብነ ድንግል ከስሰው ምንም ባላጠፋው ጥፋት ‹ጉንጽ› በተባለው ዓለም በቃኝ እስር ቤት ያሳሠሩት፤ በኋላም ለሀገሪቱ ጥፋትን ያመጡት፡፡ ጥይት የመታው ሰው ተናድዶ ‹‹ምነው እንዲህ ታበላሸኝ›› ቢለው ‹‹እባክህ እኔ አይደለሁም፣ እኔ ተተኮስኩ እንጂ ተኳሹ ሌላ ነው፤ እኔ መልክተኛ ነኝ›› አለው፡፡ ‹‹ተኳሹ የት አለ?›› ቢለው ‹‹እርሱማ አይታይም ተደብቆ ነው የሚተኩሰው፤ እርሱ ስለሚደበቅኮ ነው እኔ የመጣሁት›› አለው ይባላል፡፡
    ወይም እነዚህ ሰዎች ስንፍናቸውን የሚያሳይባቸውን፣ ድካማቸውን የሚገልጥባቸውን፣ ሊያጠፉት ወድደዋል፡፡ ሰውዬው ዶሮውን በጦም አርዶ ለምን አረድከው ቢባል ‹‹እሱ ነው ጠዋት እየተነሣ መንጋቱን የሚያሳብቅብኝ፣ አርፌ እንዳልተኛበት፡፡እርሱ ባይጮህ ኖሮ መንጋቱን ማን ያውቅ ነበር? ተኛህ ብሎስ ማን ይከሰኝ ነበር›› አለ አሉ፡፡ ከመንቃት ይልቅ ማንቂያውን ማጥፋት፡፡ የ13ኛው መክዘ የደቡብ ሐዋርያ አቡነ አኖሬዎስ ታላቁ በካህናተ ደብተራ ተከስሶ ወደ ንጉሥ ሰይፈ አርእድ የቀረበበት ክስ አስቂኝ ነበር፡፡ ‹‹ከንጉሡ የሚበልጥ ቤተ ክርስቲያን ሠርቷል›› ነበር የተባለው፡፡ ጉዳዩን ሊያጣራ የሄደው የጉዳም አለቃ ያገኘው ቤተ ክርስቲያን ግን እንደተባለው አልነበረም፡፡ ነገር ግን ከክሱ ንጹሕ መሆኑ ቅጣቱን አላስቀረለትም፡፡ ከገዳሙ ወጥቶ በወለቃ በረሃ እንዲከራተት ሆኗል፡፡ ምናለ ከንጉሡ የሚበልጥ ቤተ ክርስቲያን ቢሠራ? የሚያስመሰግነው እንጂ የሚያስነቅፈው አልነበረም፡፡ ለካህናተ ደብተራ ግን ይኼ ስንፍናቸውን ይገልጠዋል፣ እንደ አውራ ዶሮውም መተኛታቸውን ያሳይባቸዋል፡፡
    ቅዱስ ሲኖዶሱ አሁን መስቀለኛ መንገድ ላይ ቆሟል፡፡ የሚቀርቡት ክሶች ለምን ቀረቡ ማለት አይቻልም፡፡ ነገር ግን በአይሁድ አደባባይ ፍርድ ሲጓደል፣ እንደ ጲላጦስ ሚስት የሚያስጠነቅቅ ያስፈልጋል፡፡ ገለልተኛ አካል አቋቁሞ የተባሉትን ያጣራ፡፡ ራሱ የማኅበሩ አመራር ለተከሰሰበት መልስ ይስጥ፡፡ አሕዛባዊው ፊሊክስ ለቅዱስ ጳውሎስ የሰጠውን መብት ሲኖዶሱ ለማኅበሩ መስጠት አለበት፡፡ ተጣርቶ በተገኘው ማስረጃና ምስክር መሠረት ውሳኔ ይሰጥ፡፡ ጥፋተኛው ይታረም፤ እውነተኛው ይገለጥ፡፡
    በዐፄ ኃይለ ሥላሴ ዘመን ቀራንዮ መድኃኔዓለም አለቅነት ተሾመው የሄዱትን አባት ካህናቱ አስቸገሯቸው፡፡ ለጥቂት ጊዜ የተላኩበትን ሊሠሩ ሞከሩ ግን አልሆነም፡፡ በመጨረሻም ለንጉሡ እንዲቀይሯቸው አመለከቱ፡፡ ንጉሡም ምነው ምን ገጠመህ? ቢሏቸው ‹‹ካህናቱም ካህናቱ፣ ቀራንዮም ቀራንዮ፣ መድኃኔዓለምም መድኃኔዓለም›› አሉ ይባላል፡፡ ሰቃይ ተሰቃይና የመስቀያ ቦታ አንድ ሲገናኙ ያ ነው ክፉ ዘመን፡፡
    ማኅበሩን እንደ ተቋም፣ እንደ ጽ/ቤትና እንደ ድርጅት ማፍረስ ቀላል ነው፤ እንደ አስተሳሰብ፣ እንደ አመለካከት፣ እንደ የአገልግሎት መሥመርና አተያይ ግን ማፍረስ አይቻልም፡፡ ዛሬ ማኅበሩን በማፍረስ የሚጀመረው አጥር ንቅነቃ ግን መጨረሻው ሲኖዶሱን በማደንበሽ እንዳይጠናቀቅ ያሰጋል፡፡ ባለቤቱን ካልናቁ ነውና፡፡

  12. abel akalemariam November 16, 2014 at 4:51 am Reply

    nice kalehiwot yasemalin

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: