ቋሚ ሲኖዶስ: ፓትርያርኩ ከአማሳኞችና ከአፅራረ ሃይማኖት ባለሥልጣናት ጋራ ያላቸውን ግንኙነት በተመለከተ ከፍተኛ ማስጠንቀቂያ ሰጣቸው!

  • አስቸኳይ የቅዱስ ሲኖዶስ ምልዓተ ጉባኤ ስብስባ ለመጥራት ታቅዶ ነበር
  • በተሳሳተ አካሔዳቸው ከቀጠሉ ቋሚ ሲኖዶሱ አብሯቸው አይሠራም
  • በአ/አበባ የአድባራት አለቆች ዝውውር ስሕተት መሥራታቸውን አምነዋል
  • ‹‹የኔ ቃልና የነሱ ቃል በዓላማ አንድ ስለኾነ፣ የሚያመጡት ሐሳብ ስለሚመቸኝ ነው፡፡››

         /ፓትርያርኩ በሰብሳቢነት የሚመሩትንና አብረው የሚወስኑበትን የቋሚ ሲኖዶስ መመሪያዎች ከአማሳኞች ጋራ እየመከሩ ስለሚገለብጡበት አካሔድ በቋሚ ሲኖዶስ ለተጠየቁት የመለሱት/

/ምንጭ፡- ፋክት፤ ቅጽ ፪ ቁጥር ፶፭፤ ፳፻፮ ዓ.ም./

patriarchate officeበኢትዮጵያ ኦርቶዶክስ ተዋሕዶ ቤተ ክርስቲያን ሕግን የመተርጎምና የማስፈጸም መብት ያለው ቋሚ ሲኖዶስ÷ ውሳኔዬን አክብረው አላስከበሩልኝም፤ ጠብቀው አላስጠበቁኝም ላላቸው ለብፁዕ ወቅዱስ ፓትርያርክ አቡነ ማትያስ ከፍተኛ ማስጠንቀቂያ መስጠቱ ተገለጸ፡፡

ቋሚ ሲኖዶሱ ፓትርያርኩን ያስጠነቀቀው፣ ባለፈው ሳምንት ረቡዕ፣ ሐምሌ ፪ ቀን ፳፻፮ ዓ.ም. ሳምንታዊ ስብሰባውን ባካሔደበት ወቅት ነው፡፡ የቤተ ክህነቱ የፋክት ምንጮች እንደተናገሩት፣ የማስጠንቀቂያው መንሥኤ÷ አቡነ ማትያስ ምክራቸውን ለሥልጣነ ፕትርክናቸው አይመጥኑም ከተባሉ አማሳኝ ግለሰቦች እና የቤተ ክርስቲያኒቱን ተቋማዊ ክብርና ነፃነት በመጋፋት ከሚወቀሱ አፅራረ ሃይማኖት አካላት ጋራ በማድረግ የቅዱስ ሲኖዶሱን ውሳኔና ልዕልና የሚፃረር ተግባር በየጊዜው መፈጸማቸው የቅዱስ ሲኖዶሱን አባላት ክፉኛ በማሳሰቡ ነው፡፡

  • ተጠሪነቱ ለቅዱስ ሲኖዶስ የኾነው ቋሚ ሲኖዶስ፣ በቅዱስ ሲኖዶስ ምልዓተ ጉባኤ እየተወሰኑ የሚተላለፉ መመሪያዎችን ተግባራዊነት እንዲከታተል ካለበት ሓላፊነትና አሠራር ጋራ የማይጣጣሙ የፓትርያርኩ የአፈጻጸም አካሔዶችና አቋሞች መበራከታቸው፤
  • ቋሚ ሲኖዶሱ ሳይወስንና የመንበረ ፓትርያርኩ ጠቅላይ ጽ/ቤት ሳያውቀው የጽ/ቤት ሓላፊያቸውን አቶ ታምሩ አበበን ያለሞያቸው ወደ ሰዋስወ ብርሃን ቅዱስ ጳውሎስ መንፈሳዊ ኮሌጅ የአካዳሚክ ምክትል ዲን አድርገው በማዘዋወር፣ በቦታቸው የቤተ ክርስቲያኒቱን ክብርና ነፃነት ከሚዳፈሩ ባለሥልጣናት ጋራ በሙሉ አቅማቸው በመሥራት የሚታወቁትን የአማሳኞች አለቃ ንቡረ እድ ኤልያስ ኣብርሃን መተካታቸው
  • ከፍተኛ ገቢና የአገልግሎት አቅም ባላቸው የአዲስ አበባ ሀገረ ስብከት ገዳማትና አድባራት የአማሳኞችን የምዝበራ ሰንሰለት እያጋለጡ ሙስናንና ብልሹ አሠራርን በመዋጋት፣ ካህኑንና ምእመኑን አንድ አድርጎ የአደረጃጀትና የአሠራር ለውጥ ጥናቱ አጋር በመኾን የተመሰገኑ አለቆች፣ ፓትርያርኩ ከአማሳኞች ጋራ እየመከሩ በሚያስተላልፉት ቀጥተኛ ትእዛዝ ከሓላፊነታቸው መነሣታቸው
  • አገልጋዩ እና ምእመኑ በአንድነት የውጤታማና ምስጉን አስተዳዳሪዎችን ያለአግባብ ከሓላፊነት መነሣት በተመለከተ ያቀረባቸው ጥያቄዎች፣ በቋሚ ሲኖዶሱ መመሪያ መሠረት አስፈላጊው ማጣራት ተደርጎ ተገቢ ምላሽ ሳይሰጥባቸው የፓትርያርኩ የዝውውር ውሳኔ ተፈጻሚ መኾኑና የመሳሰሉት ጉዳዮች፤

የቋሚ ሲኖዶሱ አባላት ከፓትርያርኩ ጋራ በከፍተኛ ደረጃ የተጠያየቁባቸውና ፓትርያርኩን ያስጠነቀቁባቸው ዐበይት ነጥቦች እንደነበሩ ምንጮቹ አስታውቀዋል፡፡

በሳምንታዊ መደበኛ ስብሰባው ላይ ለፓትርያርኩ ጥያቄ ያቀረቡት የቋሚ ሲኖዶስ አባላቱ፣ ሳይገባቸውና ደረጃቸውን ሳይጠብቁ ‹ፓትርያርኩን ያማክራሉ› ያሏቸውን ቀንደኛ አማሳኞች እነኃይሌ ኣብርሃን በስም በመጥቀስ፣ ‹‹ለመኾኑ ከማን ጋራ ነው የሚሠሩት? ማንን ነው የሚሰሙት? ምክርዎ ቤተ ክርስቲያኒቱን ከሚጎዱና ከሚያጠፉ ስማቸውም በመልካም ከማይነሣና ምግባር ከጎደላቸው ሰዎች ጋራ ነው፤ ከእነርሱ እየመከሩ አብረውን የወሰኑትን ውሳኔ ይገለብጣሉ፤ ዓላማዎ ምንድን ነው?›› በሚል ጠንክረው እንደጠየቋቸው በምንጮቹ መረጃ ተመልክቷል፡፡

ፓትርያርኩ በሰብሳቢነት በሚመሩት የቋሚ ሲኖዶሱ ስብሰባ አብረው የወሰኑበትን ጉዳይ በብፁዓን ሊቃነ ጳጳሳቱ በስም ከተጠቀሱት ቀንደኛ አማሳኞችና አድርባይ ፖለቲከኞች ጋራ እየመከሩ በአፈጻጸም ስለሚገለብጡበት አካሔድ ለቀረበላቸው ጥያቄ፣ ‹‹የኔ ቃልና የነሱ ቃል አንድ ስለኾነ፣ የሚያመጡት ሐሳብ ስለሚመቸኝ›› የሚል ምላሽ መስጠታቸው ተዘግቧል፤ አብረዋቸው የሚሠሩትም ‹‹ዓላማዬን ስለሚያስፈጽሙልኝ ነው›› በማለት አቋማቸውን ለመከላከል መሞከራቸው ተዘግቧል፡፡

የቋሚ ሲኖዶስ አባላቱ በበኩላቸው፣ ‹‹አገልጋዩንና ምእመኑን ከሚዘርፉና ከሚያሠቃዩ ጋራ ምን ዓይነት ዓላማ ሊኖርዎት ይችላል? አገልጋዩና ምእመኑ የሚዘረፍበትና የሚሠቃይበት ዓላማ ሊኖርዎት አይችልም፤›› የሚል ጠንካራ ምላሽ በመስጠት ፓትርያርኩ ቤተ ክርስቲያኒቱን ከሚጎዳ ፀረ ሕገ ቤተ ክርስቲያን አካሔድ እንዲታረሙ አስጠንቅቀዋቸዋል፤ በዚኽ ዓይነቱ ድርጊታቸው የሚቀጥሉ ከኾነ ደግሞ ቋሚ ሲኖዶሱ ከእርሳቸው ጋራ የመሥራትን አስፈላጊነት እንደሚያጤነው፣ አስፈላጊም ከኾነ በሕገ ቤተ ክርስቲያኑ ድንጋጌዎች መሠረት የቅዱስ ሲኖዶስ ምልዓተ ጉባኤን አስቸኳይና ድንገተኛ ስብሰባ ለመጥራት እንደሚገደድ በግልጽ እንደተነገራቸው ተገልጧል፡፡

በቋሚ ሲኖዶሱ ያልተለመደ ጽናትና ጠንካራ ማስጠንቀቂያ ፓትርያርኩ በአካላዊ ኹኔታዎች የሚገለጽ ከፍተኛ ድንጋጤ ይታይባቸው እንደነበርና በስብሰባው መጀመሪያ ላይ ለመከላከል የሞከሩት ፀረ ሕገ ቤተ ክርስቲያን አቋማቸው ስሕተት መኾኑን በማሔስ በፍጥነት የመሰብሰብ እርማት እንዳደረጉ ተመልክቷል፡፡ ‹‹ከእኛ[ቋሚ ሲኖዶስ] ጋራ ይሠራሉ ወይስ አይሠሩም?›› ለሚለው ርምጃ አዘል (consequential) መጠይቅም አዎንታዊ ምላሽ መስጠታቸው ተነግሯል፡፡

‹‹የቤተ ክርስቲያንን ሥራ ይጎዳል በሚል እንጂ ተመራጩ ነገር ከእሳቸው[ፓትርያርኩ] ጋራ መሥራትን ማቆም ነበር፤›› ማለታቸው የተጠቀሰላቸው አንድ የቋሚ ሲኖዶሱ አባል፣ ፓትርያርኩ በየአጋጣሚው በብፁዓን አባቶችና በቅርብ ወዳጆቻቸው* ጭምር ቢመከሩም ለመታረም ስላልፈቀዱና ከሚገኙበት አሳሳቢ የአሠራር ኹኔታ አንፃር ቋሚ ሲኖዶሱ በሕገ ቤተ ክርስቲያን አግባብ የቅዱስ ሲኖዶስ ምልዓተ ጉባኤን አስቸኳይና ድንገተኛ ስብሰባ ለመጥራት የሚገደድበት ደረጃ ከመድረስም በላይ ተግባራዊ እንቅስቃሴም አድርጎ እንደነበር አረጋግጠው መናገራቸው ተዘግቧል፡፡

አቡነ ማትያስ በቋሚ ሲኖዶስ አባላቱ በተጠየቁባቸው ጉዳዮች ስሕተት መፈጸማቸውን አምነው መቀበላቸውና ‹‹ከቋሚ ሲኖዶሱ ጋራ ይሠራሉ ወይስ አይሠሩም?›› በሚል በቁርጥ ተጠይቀውበታል ለተባለው ጥያቄ አዎንታዊ መልስ መስጠታቸው፣ በቃለ ጉባኤውም ላይ መፈረማቸው የምልዓተ ጉባኤውን የአስቸኳይ ስብሰባ ጥሪ እንቅስቃሴ ለጊዜው እንደገታው የዜናው ምንጮች ጠቁመዋል፡፡ ቋሚ ሲኖዶሱ የቅዱስ ሲኖዶሱን ልዕልናና የቤተ ክርስቲያኒቱን መብትና ጥቅሞች ከመሰል የውስጥ አማሳኞች ፈተናና የአፅራረ ሃይማኖት ተግዳሮቶች የማስጠበቅ ጥንቃቄውን በተተኪ ተለዋጭ አባላቱም አጠናክሮ እንደሚቀጥልበት አስታውቀዋል፡፡

ፓትርያርኩ የቅዱስ ሲኖዶሱን ውሳኔ በመጋፋት ስሕተት መፈጸማቸውን አምነው ከተቀበሏቸው ርምጃዎቻቸው መካከል፣ ብልሹ አሠራርንና ሙስናን በመዋጋት የአገልጋዩና ምእመኑ ከፍተኛ ተቀባይነት ማትረፋቸው የሚነገርላቸው የአዲስ አበባ ሀገረ ስብከት ደብረ ጽጌ ቅዱስ ዑራኤል ቤተ ክርስቲያን አስተዳዳሪ መልአከ ብርሃናት ቀሲስ ክብሩ ገብረ ጻድቅ ዝውውር ዋነኛው ነበር ተብሏል፡፡

******************************************************************

his grace abune elsae

ብፁዕ አቡነ ኤልሳዕ የሰሜን ጎንደር ሀ/ስብከት ሊቀ ጳጳስ

* ለአብነት ያኽል ከወቅቱ የቋሚ ሲኖዶስ አራት ተለዋጭ አባላት አንዱ የኾኑት የሰሜን ጎንደር ሀ/ስብከት ሊቀ ጳጳስ ብፁዕ አቡነ ኤልሳዕ፣ የፓትርያርኩ አንደኛ ዓመት በዓለ ሢመት በተከበረበት የካቲት ፳፬ ቀን ፳፻፮ ዓ.ም. ምሽት የመንበረ ፓትርያርክ ጠቅላይ ጽ/ቤት ባዘጋጀው የራት መርሐ ግብር ላይ ለአባ ማትያስ የሰጧቸው ወንድማዊ ምክር የሚከተለው ነበር፡-

‹ቅዱስነታቸው በ፲፱፻፸፩ ዓ.ም. በብፁዕ ወቅዱስ አቡነ ተክለ ሃይማኖት አንብሮተ እድ ኤጲስ ቆጶስነት ከተሾምነው 13 አባቶች አንዱ ናቸው፡፡ ከመካከላችን ወንድማችን ለዚኽ ክብር መብቃታቸው ኹላችንም ደስ  ይለናል፤ በተለይ እኔ ካለኝ ቅርበት ወንድምም ስለኾንኩ፤ የእግዚአብሔር ቃል ኹሌም አዲስ ነው፤ የሚመከረውም በእግዚአብሔር ቃል ነው፤ ፓትርያርክም ቢኾኑ ወንድም ነዎትና እንግዲኽ በእግዚአብሔር ቃል ልምከርዎ፡፡

አንድ ፓትርያርክ ከማን ጋራ ነው ምክሩ? ቅዱስ ሲኖዶስ ይህን ከፍተኛ የቤተ ክርስቲያን ሓላፊነት ሲሰጥዎ ዐዲስ የቅዱስ ሲኖዶስ ዋና ጸሐፊ፣ ዐዲስ የጠቅላይ ጽ/ቤት ዋና ሥራ አስኪያጅ አድርጎ ሰጥዎታል፡፡ መምከር ያለብዎ ከእነርሱ ጋራ ነበር፤ ከዚያ ካለፈ ከቋሚ ሲኖዶስ ጋራ ነው፤ አስፈላጊም ከኾነ ጠቅላላ ጉባኤው ይሰበሰባል፡፡ እርስዎ ግን ወርደው ከማን ጋራ ነው እየተማከሩ ያሉ? ጌታችንኮ ምክር አስፈልጎት ባይኾንም ‹‹ስዎች ማን ይሉኛል?›› ብሎ የተጠያየቀውና የተማከረው ከሐዋርያት ጋራ ነው፤ የተማከረው ከ120 ቤተሰብ ጋራ ነው፡፡

ቅዱስነትዎ ረዥም ዘመን የኖሩት በውጭ አገር ነው፡፡ እንግዳ እንዳይኾኑ ዐዲስ ዋና ጸሐፊ ዐዲስም ዋና ሥራ አስኪያጅ ተመድቦልዎታል፡፡ ምክርዎት ከሌላ ጋራ ከኾነ ግን በጣም አስቸጋሪ ይኾናል፡፡ በአገራችን ጻድቁ አቡነ ተክለ ሃይማኖትና ጻድቁ አቡነ ገብረ መንፈስ ቅዱስ አንድነት ሲያገልግሉ ከዬት መጣኽ አልተባባሉም፤ ዘር፣ ጎጥ አልጠያየቁም፡፡ ጎሳ፣ አገር ሳይለያያቸው በመላው ኢትዮጵያ ያገለገሉ አባቶች ናቸው፡፡ ከሥራ ጓደኞችዎ ጋራ ከየት መጣኽ ሳንባባል በጋራ በአንድነት እየተመካከርን ማገልገል ነው፡፡ ከዚያ ወርደን መገኘት የለብንም፡፡

የቤተ ክርስቲያን መጻሕፍት ከቅዱስ ወንጌል የቅዱሳን ሐዋርያት፣ ከቅዱሳን ሐዋርያት የሊቃውንት እያለ እንደሚሔደው ቅዱስነትዎም ከዋና ጸሐፊ፣ ከዋና ሥራ አስኪያጅ፣ ከቋሚ ሲኖዶስና ከምልዓተ ጉባኤ ጋራ ነው ምክርዎ ሊኾን የሚገባው፡፡ በቅዱስነትዎ ደረጃ ከብፁዓን ሊቃነ ጳጳሳት ወርዶ ከታች መምከር ማለት ከሊቃውንት መጻሕፍት ወርዶ ልቦለድ መጽሐፍ እንደማንበብ ነው፡፡

* * *

በክብረ በዓሉ ምሽት ብፁዕ ወቅዱስ ፓትርያርክ አቡነ ማትያስ፣ ብዙዎችን ደስ ያሰኘውን ይህን የብፁዕ አቡነ ኤልሳዕ ወንድማዊ ምክር በአድንኖ (አንገታቸው ዝቅ አድርገው) በጸጥታ ሲያዳምጡ በብፁዓን ሊቃነ ጳጳሳቱና በበዓለ ሢመታቸው የራት መርሐ ግብር ታዳሚዎች ተስተውለው ነበር፡፡ አዳምጠው ሲያበቁም ‹‹እግዚአብሔር ይስጥልኝ፤ እንደዛሬው ለዓመቱ ያገናኘን›› በማለት በጸሎት ከማሳረግ በቀር የተናገሩት አልነበራቸውም፡፡

nebureed-elias-abrehaሰሞኑን በልዩ ጽ/ቤታቸው ያደረጉት ዝውውርና ምደባ ግን ይህን ታላቅ ምክር አለመስማታቸውን ብቻ ሳይኾን በተለያዩ ዘገባዎች እንደታየው፣ ፀረ አማሳኝ መስለው ራሳቸውን ካስተዋወቁ በኋላ የአማሳኞች አጋርና ከለላ የመኾናቸውን ዓይነተኛ ፍፃሜ በማያሻማ መልኩ ያረጋገጠ ኾኗል፡፡

ፓትርያርኩ ሰሞኑን ንቡረ እድ ኤልያስ ኣብርሃን የጽ/ቤታቸው ሓላፊ በማድረግ መድበዋቸዋል፡፡ ዋና ሥራ አስኪያጁ የሚመሩትና ሠራተኛውን የሚመለከቱ ቅጥሮችን፣ ዕድገቶችንና ዝውውሮችን የማስጠናትና የማስፈጸም ሥልጣንና ተግባር ያለው ጠቅላይ ጽ/ቤት በግልባጭ እንኳ የማያውቀው ምደባው፣ ወትሮም ከመጋረጃ ጀርባ የውጭ ኃይል እጅና የተጽዕኖው አሳላፊ ኾነው በመንቀሳቀስ የሚታወቁትን የንቡረ እዱን የክፉ አማካሪነት ተግባር ይፋ የሚያወጣው ይኾናል፡፡

ቋሚ ሲኖዶስ ከግለሰቡ መሠሪነትና ከጉዳዩ አሳሳቢነት በመነሣት ከያዘው ጠንካራ አቋም አንጻር ቀጣዩ የቅዱስ ሲኖዶስ ምልዓተ ጉባኤ መደበኛ ስብሰባ የግለሰቡን ምደባ በቀላሉ እንደማያየው መገመት ቢቻልም፣ ከእንግዲኽ ንቡረ እድ ኤልያስ ኣብርሃ የፓትርያርኩን ልዩ ጽ/ቤት በመደበኛነት በመቆጣጠር እንደሚከተሏቸው ለሚገመቱ ፀረ – ሲኖዶስና ፀረ – ሕገ ቤተ ክርስቲያን ኾኑ የአድርብዬ ፖሊቲከኝነት አሠራሮች ከፓትርያርኩ ጋራ የሚኖራቸውን የታሪክ ተጠያቂነት ከባድ እንደሚያደርገው ጥርጥር የለውም፡፡

15 thoughts on “ቋሚ ሲኖዶስ: ፓትርያርኩ ከአማሳኞችና ከአፅራረ ሃይማኖት ባለሥልጣናት ጋራ ያላቸውን ግንኙነት በተመለከተ ከፍተኛ ማስጠንቀቂያ ሰጣቸው!

  1. Anonymous July 19, 2014 at 7:07 pm Reply

    ወይ መድሃኒያለም ?መቼ ይሆን ችግርችን የሚፈታው እረ በቃችሁ በለን !!!

  2. Anonymous July 20, 2014 at 12:08 am Reply

    werebicha action yemiwosd abat new yatan hulum mawrat bicha

  3. Anonymous July 21, 2014 at 9:09 am Reply

    አባ ኤልያስ አብርሐ እስከ ጥቅምት የቅዱስ ሲኖዶስ ምልዓተ ጉባኤ ድረስ የተሰጠውን ኃላፊነት ይዞ የሚሰራ ከሆነ የአሁኑ ቋሚ ሲኖዶስ ፓትርያሪኩን ከመውቀስ ያለፈ የሰደው እርምጃ ምንድነው? እስከዚያ ሰውዬው አገር ያጠፋል እኮ!!! ወይ ጉድ!!!!! አሁንም ቢሆን ፓትርያሪኩ በነሱ ተግሳፅ ደነገጡ፣ አብረው ለምስራትም ተስማሙ ወዘተ … የሚለው የሰውዬው ስልታዊ አካሄድ እንጂ በርግጥም ስህተታቸውን ተቀብለው አይመስለኝም፡፡ ገና ቀጥለውም ተመሳሳይ ድርጊት ከመፈፀም የሚቆጠቡም አይደሉ፡፡ የራሔልን እንባ ያበስክ፣ለልቅሶዋ ምላሽ የሰጠህ ፈጣሪያችን ሆይ የእኛን በደል ሳትመለከት ከጥፋት ሰውረን፡፡ ከእነዚህ ፈርኦንያውያን እጅ አድነን፡፡

  4. Anonymous July 21, 2014 at 9:13 am Reply

    አባ ኤልያስ አብርሐ እስከ ጥቅምት የቅዱስ ሲኖዶስ ምልዓተ ጉባኤ ድረስ የተሰጠውን ኃላፊነት ይዞ የሚሰራ ከሆነ የአሁኑ ቋሚ ሲኖዶስ ፓትርያሪኩን ከመውቀስ ያለፈ የሰደው እርምጃ ምንድነው? እስከዚያ ሰውዬው አገር ያጠፋል እኮ!!! ወይ ጉድ!!!!! አሁንም ቢሆን ፓትርያሪኩ በነሱ ተግሳፅ ደነገጡ፣ አብረው ለምስራትም ተስማሙ ወዘተ … የሚለው የሰውዬው ስልታዊ አካሄድ እንጂ በርግጥም ስህተታቸውን ተቀብለው አይመስለኝም፡፡ ገና ቀጥለውም ተመሳሳይ ድርጊት ከመፈፀም የሚቆጠቡም አይደሉ፡፡ የራሔልን እንባ ያበስክ፣ለልቅሶዋ ምላሽ የሰጠህ ፈጣሪያችን ሆይ የእኛን በደል ሳትመለከት ከጥፋት ሰውረን፡፡ ከእነዚህ ፈርኦንያውያን እጅ አድነን፡፡

  5. mulugeta July 22, 2014 at 4:58 am Reply

    አባ ኤልያስ ሳይሆን ንቡረ ዕድ ኤልያስ ነው በብዙዎቻችን ግን ኑረዲን ኤልያስ ነው

  6. Anonymous July 22, 2014 at 2:10 pm Reply

    I condemn not the patriarch but the Members of St. Synod. Even, they need to save the soul of Hss holyness Abune Matiyas. They are them selves under the fear of their flesh, physical life. But they are monks, dead for this world. Let God save the church.

    Tesfa ze mehala ager

  7. Anonymous July 22, 2014 at 4:36 pm Reply

    care should be taken.
    አባ ኤልያስ አብርሐ እስከ ጥቅምት የቅዱስ ሲኖዶስ ምልዓተ ጉባኤ ድረስ የተሰጠውን ኃላፊነት ይዞ የሚሰራ ከሆነ የአሁኑ ቋሚ ሲኖዶስ ፓትርያሪኩን ከመውቀስ ያለፈ የሰደው እርምጃ ምንድነው? እስከዚያ ሰውዬው አገር ያጠፋል እኮ!!! ወይ ጉድ!!!!! አሁንም ቢሆን ፓትርያሪኩ በነሱ ተግሳፅ ደነገጡ፣ አብረው ለምስራትም ተስማሙ ወዘተ … የሚለው የሰውዬው ስልታዊ አካሄድ እንጂ በርግጥም ስህተታቸውን ተቀብለው አይመስለኝም፡፡ ገና ቀጥለውም ተመሳሳይ ድርጊት ከመፈፀም የሚቆጠቡም አይደሉ፡፡ የራሔልን እንባ ያበስክ፣ለልቅሶዋ ምላሽ የሰጠህ ፈጣሪያችን ሆይ የእኛን በደል ሳትመለከት ከጥፋት ሰውረን፡፡ ከእነዚህ ፈርኦንያውያን እጅ አድነን፡፡

  8. Anonymous July 22, 2014 at 4:38 pm Reply

    I condemn not the patriarch but the Members of St. Synod. Even, they need to save the soul of Hss holyness Abune Matiyas. They are them selves under the fear of their flesh, physical life. But they are monks, dead for this world. Let God save the church.

    Tesfa ze mehala ager

  9. Anonymous July 22, 2014 at 6:46 pm Reply

    ye Azo Enba Tanebalachihu. you know nothing about the truth. you always compline about everything. whom you waiting to be a patriarch? one of the angel of God? or somebody else? you are all foolish. without the well of God, no can be a leader or ruler. repent from your sin and pray if you can otherwise please shut your mouth,

    • Anonymous July 23, 2014 at 5:40 pm Reply

      first of all you must learn English properly then you can also speak about the Church in foreign language. Sile Betekirsitian Yemaychenikeh HODDAM.

  10. Anonymous July 22, 2014 at 6:52 pm Reply

    we are all stand with you your holiness Abune Mattias. just keep going with your great idea. we love and follow you and we will stand with you till our mother church will be cleaned up for the dirty management and from the evil association named Mk,

  11. Anonymous July 23, 2014 at 6:54 am Reply

    hazene libunachinin fetari yaqililew yebeta christian amlak yastekakilew!

    yih talaq wurdet newna!

  12. ንቁም በበኅላዌነ July 25, 2014 at 7:25 pm Reply

    ወገን እንንቃ!!!

    የመጀመሪያ ደወል:  ራሱን የሙስሊሞች ከሊፋ (መሪ) ብሎ የሰየመው የኢራቁ Islamic State of Iraq and the Syria (ISIS) መሪ በቅርቡ የሙስሊሞች ሀገር (Islamic State) ብሎ ባወጣው ካርታ መሠረት በአፍሪካ ውስጥ ሶስት ክፍላተ-ሐገራት ያካተተ ሲሆን አንደኛዋ ክፍለ ሀገር ሐበሻ (The Land of Habesha) የምትባል ስትሆን በውስጧም ጁቡቲ፣ ኤርትራ፣ ኢትዮጵያ፣ ሱዳን እና ሶማሊያን ያከተተች መሆኑ ተዘግቧል።

    ምንጭ: Sudan Tribune, July 13, 2014

    ሁለተኛው ደወል:  የሱዳን መንግስት የቤተ ክርስቲያን ግንባታ በሀገሪቱ እንደማይካሄድ እና የቤተ ክርስቲያን መስሪያ ፍቃድ እንደማይሰጥ guidance and Religious Endowments ሚኒስትር ሳህሊል አብዱሏህ ማስታወቃቸው፣ ይህም ውሳኔ የተላለፈው ደቡብ ሱዳን ከተገነጠለች በኋላ በሀገሪቱ የሚኖሩ ሕዝበ ክርስቲያናት ቁጥር ዉስን በመሆኑ እና ያሉትም አብያተ-ክርስቲያናትም ለህዝብ-ክርስቲያኑ በቂ መሆናቸው መጠቀሱ፣ ነገር ግን በሀገሪቱ የሚኖሩ ቀሳውስት ውሳኔውን መቃወማቸው መታወቁ ተዘግቧል።

    ምንጭ: The Tablet, July 16,2014

  13. Anonymous August 3, 2014 at 9:09 am Reply

    አባ ኤልያስ አብርሐ እስከ ጥቅምት የቅዱስ ሲኖዶስ ምልዓተ ጉባኤ ድረስ የተሰጠውን ኃላፊነት ይዞ የሚሰራ ከሆነ የአሁኑ ቋሚ ሲኖዶስ ፓትርያሪኩን ከመውቀስ ያለፈ የሰደው እርምጃ ምንድነው? እስከዚያ ሰውዬው አገር ያጠፋል እኮ!!! ወይ ጉድ!!!!! አሁንም ቢሆን ፓትርያሪኩ በነሱ ተግሳፅ ደነገጡ፣ አብረው ለምስራትም ተስማሙ ወዘተ …

  14. Anonymous January 28, 2016 at 3:53 am Reply

    Ante Yemariam Lij enkirdadun kenitsuh sinde kelakleh beti’egist tasadigaleh. Enkirdadu gin bemeher wede’esat endemital astemirehnal. Yihenin binawukim bemekakel yemitefu nefsat gin bizatachew eyechemere yimetal. Ebakachihu lebete kiristian yemitikorekoru hulu endih aynetun neger chel anibelew. Sanawukew teborburen eyalekin new. Ante Yemariam Lij, ebakih tareken. Bekifu yemiguazutin libona sitachew!!!
    Ayi anchi enat Betekiristianachin, fetenaw drom neber kenegede mela’ekit, sew kemefeterum jemiro. Yahunu gin kea’emiro belay eyehone meta. Yetemeretutin enkua sayker besiltanina begenzeb atalelachew. Egzio Meharene!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: