የተቋማዊ ለውጥ ጥናቱን የደገፉ አለቆች በቀል እየተፈጸመባቸው ነው፤ የደ/ጽጌ ቅ/ዑራኤል ቤተ ክርስቲያን ሰበካ ጉባኤ፣ ካህናትና ምእመናን ዛሬ ለቅ/ሲኖዶሱ ጽ/ቤት አቤቱታቸውን ያቀርባሉ

St.Urael church bld00

የደብረ ጽጌ ቅዱስ ዑራኤል ቤተ ክርስቲያን

 

 

ፓትርያርኩ እና አማሳኝ አማካሪዎቻቸው÷ ለቅዱስ ሲኖዶሱ የመልቀቂያ ጥያቄ ካቀረቡት የፓትርያርኩ ረዳት ሊቀ ጳጳስ ብፁዕ አቡነ እስጢፋኖስ ጋራ የተቋማዊ ለውጥ ጥናቱን በመደገፍ በቅርበት የሠሩት ውጤታማው የደብሩ አስተዳዳሪ መልአከ ብርሃናት ክብሩ ገብረ ጻድቅ ከሓላፊነታቸው እንዲነሡ በሀገረ ስብከቱ ሓላፊዎች ላይ ግፊት አድርገዋል – ‹‹ታዝዤ ነው፤ የፓትርያርኩ ጭቅጭቅ አላስቀምጥ አለኝ፡፡›› (ዋ/ሥ/አስኪያጁ ሊቀ አእላፍ በላይ መኰንን)

 

  • የቅዱስ ሲኖዶስ ምልአተ ጉባኤ ይኹንታ የሰጠው የአዲስ አበባ ሀገረ ስብከት የአደረጃጀትና አሠራር ለውጥ ጥናት በቅ/ሲኖዶሱ በተላለፈው የአፈጻጸም አቅጣጫ መሠረት እንዳይከናወን ተቃዋሚ ነን ባይ አማሳኞችን ያስተባበሩት ዘካርያስ ሐዲስና ኃይሌ ኣብርሃ በውጤታማው አስተዳዳሪ ላይ ‹‹አንተን ባንሠራልኽ›› በሚል ሲዝቱባቸው ቆይተዋል፡፡
  • በተሟላ መንፈሳዊ አገልግሎታቸው እና የአመራር ክህሎታቸው በካህናቱ፣ በሰንበት ት/ቤቱ፣ በአካባቢው ወጣቶችና በአጠቃላይ ምእመኑ ዘንድ ከፍተኛ ተቀባይነት ያገኙት ውጤታማው አስተዳዳሪ÷ አንድ ዓመት ባልሞላ ቆይታቸው ከሙስናና ምዝበራ እንዲጠበቅ ያደረጉት የደብሩ ተቀማጭ ገንዘብ ከኻያ ሚልዮን ብር በላይ ደርሷል፡፡
  • በውጤታማው አስተዳዳሪ ምትክ ለመመደብ የታቀደው፣ ‹‹በተቃውሟችን አብረኽን ካልተሰልፍኽ›› በሚል በመልአከ ብርሃናት ክብሩ ገብረ ጻድቅ ላይ ዛቻ ሲሰነዝሩባቸው ከቆዩት አማሳኞች አንዱ የኾነውን ኃይሌ ኣብርሃን ነው፡፡
  • አማሳኙ ኃይሌ ኣብርሃ÷ በውጤታማው አስተዳዳሪ ከምዝበራ ተጠብቆ ከፍተኛ አቅም የፈጠረውን የደብሩን ተቀማጭ በልማት ስም ለመመዝበር፣ በድጋፍ ሰጭነት ከሚሠሩና በስም ተለይተው ከሚታወቁ የደብሩ ልማደኛ ጥቅመኞች ጋራ ቁርኝት በመፍጠር ሲነጋገርበት እንደቆየ ተጠቁሟል፡፡
  • አማሳኙ÷ ከደብረ ብሥራት ቅዱስ ገብርኤል ቤተ ክርስቲያን ከ13.3 ሚልዮን ብር በላይ በመመዝበር በፈጸመው የከፋ ሙስና ከእልቅና ከተወገደ በኋላ ወደ ደብረ ጽጌ ቅዱስ ጊዮርጊስ ቤተ ክርስቲያን ያለተጠያቂነት ቢዛወርም የአስተዳደር ሓላፊነቱን ትቶ የግል ቢዝነሱን በማጧጧፍ ላይ እንደኾነ ነው የሚነገረው – ‹‹ሳይገባው በውዝግብ የተመደበበትን የአስተዳደር ሓላፊነት እየበደለ ራሱ በሚሾፍረው ሚኒባስ ታክሲ ከመገናኛ – ጣፎ – ሰንዳፋ እየሸቀለ ያመሻል፡፡›› /ታዛቢዎች/
  • የመልአከ ብርሃናት ክብሩ ገብረ ጻድቅ አላግባብ ከሓላፊነት የመነሣት ጉዳይ ነገ በሚካሔደው ሳምንታዊው የቋሚ ሲኖዶሱ ስብሰባ ላይ በፓትርያርኩ አማካይነት በአጀንዳነት እንደሚቀርብ ተጠቅሷል፡፡
  • የሀ/ስብከቱ ዋና ሥራ አስኪያጅ በፓትርያርኩ ግፊት አቅርቤዋለኹ በሚሉት የውሳኔ መነሻ መሠረት፣ ዝውውሩ የሚፈጸመው በደብረ ጽጌ ቅ/ዑራኤል እና በሳሪስ ጻድቁ አቡነ ገብረ መንፈስ ቅዱስ አድባራት አለቆች መካከል ቢኾንም አካሔዱ የኃይሌ ኣብርሃ ቀጥተኛ ምደባ የሚፈጥረውን ቁጣ ለመከላከል የተቀየሰ ስልት እንደኾነ ተጠቁሟል፡፡
  • ከሐምሌ ፳፻፫ ዓ.ም. ጀምሮ ከውጤታማው አስተዳዳሪ ጋራ በመግባባት ሓላፊነቱን በአግባቡ የተወጣውና የአገልግሎት ዘመኑን እያጠናቀቀ የሚገኘው ሰበካ መንፈሳዊ ጉባኤ፣ ባለፈው እሑድ በተከበረው የቅዱስ ዑራኤል ወርኃዊ በዓል ላይ ባቀረበው ዝርዝር ሪፖርት፣ ከአንድ ዓመት ባነሰ ጊዜ ውስጥ በርካታ ተግባራት በስኬት መከናወናቸውን ከመግለጹም በላይ የአለቃውን መነሣት በይፋ ተቃውሟል፡፡
  • ልማደኛ አማሳኞች በውጤታማው አስተዳዳሪ የተገታባቸውን ሕገ ወጥ ጥቅም ለማስቀጠል አለቃውን በፓትርያርኩ ግፊት ከሓላፊነት ከማሥነሳት ባሻገር፣ እስከ ልዩ ጽ/ቤት በተዘረጋውና 22 ሚልዮን ያኽል ብር በዘረፉበት የምዝበራ ኔትወርካቸው አማካይነት ቀጣዩን የሰበካ መንፈሳዊ ጉባኤ የምርጫ ሒደት ለመቆጣጠር ቋምጠዋል፡፡
  • የፕሮቴስታንታዊ ተሐድሶ ኑፋቄን በመዋጋት በአዲስ አበባ ደረጃ ለተቋቋመው የማኅበራት ኅብረት ምሥረታ ቀዳሚ አስተዋፅኦ ያደረገው የቅዱስ ዑራኤል አካባቢ መንፈሳዊ ጎልማሶችና ወጣቶች ማኅበር ውጤታማው አስተዳዳሪ ከሓላፊነታቸው መነሣታቸውን ተቃውሟል፡፡
  • በዐሥራ ኹለት ቀበሌዎች የተቋቋሙ ማኅበራት አንድነት የኾነውና ከኹለት ሺሕ በላይ ወጣቶችን ያቀፈው ማኅበሩ÷ ለአማሳኞች መቅሰፍት፣ ለፕሮቴስታንታዊ ተሐድሶ አቀንቃኞች ውጋት መኾኑን በመቀጠል አጥቢያውን ከአማሳኞች ኔትወርክና ከልማደኛ መዝባሪዎች ለመጠበቅ ተዘጋጅቷል፡፡
Advertisements

9 thoughts on “የተቋማዊ ለውጥ ጥናቱን የደገፉ አለቆች በቀል እየተፈጸመባቸው ነው፤ የደ/ጽጌ ቅ/ዑራኤል ቤተ ክርስቲያን ሰበካ ጉባኤ፣ ካህናትና ምእመናን ዛሬ ለቅ/ሲኖዶሱ ጽ/ቤት አቤቱታቸውን ያቀርባሉ

  1. Anonymous July 1, 2014 at 9:05 am Reply

    egziabhere betekerstiyanachenen yetebekelen….enzihe lebawochen gen zeme malet aynorebenem

  2. Anonymous July 1, 2014 at 1:44 pm Reply

    ለአመፅ የተዘጋጁት ሥራ ሊጀምሩ ነው አይ ማቅና ተከታዮቹ

  3. Anonymous July 1, 2014 at 5:07 pm Reply

    I appreciate your effort to save the Mother church and to update information for the members of the EOTC. Beside that please try to avoid hatred words. Just reveal the truth. Truth speaks more than words. Let me tell you just a single word that you have used in your today’s article about Haile Abraha. “yishekilal”. It is his right to do the shikela. Your concern must be to bring his evil deeds to light. Do not forget that we will pay for any bad words on the day of judgment. You are accusing them for their non christian behavior and deeds, but you never forget that you have to do it according to the word of God.As theft is evil, and also bad words too.

  4. Anonymous July 2, 2014 at 7:42 pm Reply

    do not judge you will be judged one day.

  5. Anonymous July 2, 2014 at 7:46 pm Reply

    there is no bush to hide yourself from the judgment day will you be judged one day according your deed,

  6. Anonymous July 3, 2014 at 1:49 pm Reply

    በጉብዝናህ ወራት ፈጣሪህን አስብ መ.ክ 1፡12
    እባካችሁ ሁላችሁም እንደ ዑራኤል ወጣቶች ቤተክርስቲያናችሁን ከተሀድሶ መናፍቃን እና ከሌቦች ጠብቁ፤ነገ ከሚመጣው ምድራዊ እና ሰማያዊ መቅሰፍት ለመዳን ዛሬ ላይ ይችን ቅድስት ቤተክርስቲያን ከተደቀኑባት ፈተናዎች መታደግ ግድ ይላል፡፡

  7. Anonymous July 3, 2014 at 1:58 pm Reply

    ድሮም ገና ያኔ የኡራኤል ልጆች መጡ ሲባል ጠላት ዲያቢሎስ እና የግብር ልጆቹ በፍርሀት ይርበደበዱ ነበር፤የኛ ሰፈሮቹ ወጣቶች እንደ ኡራኢል ልጂች ደብራችሁን አስከብሩ

  8. Anonymous July 3, 2014 at 2:02 pm Reply

    ከልደታ
    ድሮም ገና ያኔ የኡራኤል ልጆች መጡ ሲባል ጠላት ዲያቢሎስ እና የግብር ልጆቹ በፍርሀት ይርበደበዱ ነበር፤ የኛ ሰፈሮቹም እንደ የኡራኢል ልጂች ደብራችሁን አስከብሩ!!

  9. Anonymous July 7, 2014 at 10:00 am Reply

    egiziabher yigelgilem yewoyane akenqagn koshasha pop!!! abat sayhon ebet new!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: