ሰበር ዜና – በምዕ. ወለጋ በቤተ ክርስቲያን ላይ በሚፈጸመው ግፍ ፓትርያርኩ መንግሥትን አሳሰቡ

  • የቅ/ሲኖዶስ ምልአተ ጉባኤ ጉዳዩን በጥብቅ ይነጋገርበታል
  • በመንግሥት ባለሥልጣናት ስለሚፈጸሙ በደሎች ከአህጉረ ስብከት የሚቀርቡ አቤቱታዎች የፍትሕ አካሉን አፋጣኝ ውሳኔ ያገኙ ዘንድ ቅ/ሲኖዶሱ ግፊት እንዲያደርግ አጠቃላይ ጉባኤው ዐደራ ጥሎበታል
  • አህጉረ ስብከት ያቀረቧቸውን የአስተዳደር፣ የፍትሕና የጸጥታ አካላት በደሎችና ተጽዕኖዎች አጣርቶ መፍትሔ የሚሰጥ÷ ከጠቅላይ ቤተ ክህነት፣ ከሃይማኖት ተቋማት ጉባኤና ከፌዴራል ጉዳዮች ሚኒስቴር የተውጣጣ ኮሚቴ እንዲዋቀር አጠቃላይ ጉባኤው በአቋም መግለጫው ጠይቋል
  • ‹‹ይህ ዐይነቱ ጊዜ የማይሰጠው ችግር ወደ ሌላ ከመዛመቱ በፊት አፋጣኝ መፍትሔ ማግኘት አለበት፡፡›› /የ፴፪ው አጠቃላይ ሰበካ መንፈሳዊ ጉባኤ የአቋም መግለጫና የውሳኔ ሐሳብ/
  • ‹‹ድርጊቱ የመቻቻልን ሕግ እያፈረሰ ነው፤ በአካባቢው ያለው መንግሥታዊ አስተዳደር ሊያስብበት ይገባል፡፡›› /ብፁዕ ወቅዱስ ፓትርያርክ አቡነ ማትያስ/
  • የምዕ/ወለጋ ሀ/ስብከት በሪፖርቱ የዘረዘራቸውን ችግሮች ከዘገባው በታች ይመልከቱ

His Holiness Abune Mathias0000በምዕራብ ወለጋ ሀገረ ስብከት በቤተ ክርስቲያን ላይ እየደረሰ ባለው ፈታኝ ችግር በአካባቢው ያለው መንግሥታዊ አስተዳደር ሊያስብበት እንደሚገባ ብፁዕ ወቅዱስ ፓትርያርክ አቡነ ማትያስ ርእሰ ሊቃነ ጳጳሳት ዘኢትዮጵያ ወዕጨጌ ዘመንበረ ተክለ ሃይማኖት አስጠነቀቁ፡፡

ብፁዕ ወቅዱስ ፓትርያርኩ ማሳሰቢያውን የሰጡት የመንበረ ፓትርያርክ አጠቃላይ ሰበካ መንፈሳዊ ጉባኤ በጠቅላይ ቤተ ክህነት የስብከተ ወንጌል አዳራሽ ከጥቅምት ፬ ቀን ፳፻፮ ዓ.ም. ጀምሮ ለሰባት ቀናት ሲያካሂድ የሰነበተውን ፴፪ ዓመታዊ ስብሰባውን ዛሬ፣ ጥቅምት ፲ ቀን ፳፻፮ ዓ.ም. ቀትር ላይ ባጠናቀቀበት ወቅት ባሰሙት የመዝጊያ ንግግር ነው፡፡

‹‹በምዕራብ ወለጋ ዐይን ያወጣ፣ ይሉኝታ የሌለው ግፍ እየተፈጸመ ነው፤›› ያሉት ብፁዕ ወቅዱስ ፓትርያርኩ በካህናትና ምእመናን ላይ፣ በቤተ ክርስቲያን ላይ የሚፈጸመው ግፍ ‹‹በዚያ አካባቢ መንግሥት አለ ወይ ያሰኛል?›› በማለት ነው በአስተዳደር፣ የፍትሕና የጸጥታ አካላት የሚፈጸመውን በደልና ተጽዕኖ የገለጹት፡፡

‹‹ድርጊቱ የመቻቻልን ሕግ እያፈረሰ ነው፤›› ያሉት ፓትርያርኩ በአካባቢው ያለው የመንግሥት አስተዳደር ሊያስብበት እንደሚገባ በቃለ ምዕዳናቸው አስጠንቅቀዋል፤ በጉዳዩ ላይ ከጥቅምት ፲፪ ቀን ፳፻፮ ዓ.ም. ጀምሮ የሚካሄደው የቅዱስ ሲኖዶስ ምልአተ ጉባኤ በአጀንዳነት ይዞ በጥብቅ እንደሚነጋገርበትም አመልክተዋል፡፡

በሌላ በኩል ባለ36 ነጥቦች የአቋም መግለጫና የውሳኔ ሐሳብ በማውጣት ዓመታዊ ስብሰባውን ያጠናቀቀው የመንበረ ፓትርያርክ አጠቃላይ ሰበካ መንፈሳዊ ጉባኤ፣ እንደ ምዕራብ ወለጋ ባሉ አህጉረ ስብከት በቤተ ክርስቲያን ላይ እየተከሠቱ ያሉ ችግሮች ፈታኝ መኾናቸውንና በቤተ ክርስቲያን ልማትና በሐዋርያዋ አገልግሎቷ የመጠናከር ጥረት ላይ ተጽዕኖ ማድረሳቸውን በአቋም መግለጫው ላይ በአጽንዖት አስፍሯል፡፡ የምዕራብ ወለጋ ሀገረ ስብከትን ሪፖርት በአብነት የጠቀሰው መግለጫው፣ በሀገረ ስብከቱ፡-

  • በየትምህርት ቤቱ የሚማሩ የኦርቶዶክስ ተዋሕዶ እምነት ተከታይ የኾኑ ወጣቶች እምነታቸውን የሚያስለውጥ ዘዴ በመጠቀም ቅስቀሳ የማካሄድ፤
  • በጠመንጃ አፈ ሙዝ እያስፈራሩ የድብደባ ወንጀል የመፈጸም፤
  • በቤተ ክርስቲያን ስም የተተከለውን የዕጣን አዙርና የዓመታውያን በዓላት ማክበርያ ቦታዎችን እየነጠቁ ለሌላ እምነት ተከታዮች አሳልፎ የመስጠት፤
  • የተሠራውን ቤተ ክርስቲያን ለማፍረስ ሙከራ የማድረግ፤
  • ባልተጠበቀ የትንኮሳ መንገድ እየተጓዙ እስከ ነፍስ ግድያ የሚያደርስ ከባድ የወንጀል ድርጊት በእምነታችን ተከታዮች ላይ እንዲደርስ የማድረግ፤

ከባድ የወንጀል ድርጊት በሕገ ቤተ ክርስቲያን በቃለ ዐዋዲው የቤተ ክርስቲያናችን መተዳደርያ ደንብ የተቀመጠውን ድንጋጌ ይልቁንም ሕገ መንግሥቱን እንደሚጥስ አመልክቷል፡፡ የሀ/ስብከቱ ጽ/ቤት በጉዳዩ ላይ የሕግ ክትትል እያደረገ መኾኑ ቢታወቅም፣ ይህ ዐይነቱ ጊዜ የማይሰጠው ችግር ወደ ሌላ ከመዛመቱ በፊት አፋጣኝ መፍትሔ ማግኘት እንዳለበት አሳስቧል፡፡ በመኾኑም ቅዱስ ሲኖዶስ በምልአተ ጉባኤው፣ በምዕራብ ወለጋ ሀ/ስብከት የተከሠተውንም ኾነ ከሌሎች ተመሳሳይ ችግር ካለባቸው አህጉረ ስብከት የሚቀርቡለትን አቤቱታዎች በመቀበል በሚመለከተው የፍትሕ አካል እንዲያስወስን አጠቃላይ ጉባኤው ታላቅ ዐደራ ጥሎበታል፡፡SGGA wound up

የፌዴራል ጉዳዮች ሚኒስቴር ‹‹የሃይማኖት መቻቻል›› በሚለው የአጠቃላይ ጉባኤው መርሐ ግብር ላይ ‹‹የብዝኃነት አያያዝ፣ አክራሪነት/ጽንፈኝነት ዝንባሌዎቹና መፍትሔዎቹ›› በሚል ርእስ በሦስት ተወካዮቹ አማካይነት ሰፊ ገለጻ ማቅረቡን ያስታወሰው የአቋም መግለጫው፣ ‹‹በሃይማኖት መቻቻል ዙሪያ የደረሰውና እየደረሰ ያለው ጥፋትና ጉዳት በማስረጃ የተደገፈ ኾኖ ሲቀርብ ጉዳዩ በሚመለከተው የፍትሕ አካል እየተመረመረ እንደሚወሰን፣ በሌላም በኩል እንደ አሁኑ የቤተ ክርስቲያኒቱን ህልውና የሚፈታተን ችግር ሲያጋጥም በኢትዮጵያ የሃይማኖት ተቋማት ጉባኤ በኩል እየቀረበ መፍትሔን ማግኘት እንደሚችል›› በተወካዮቹ መገለጹን አትቷል፡፡

በዚሁም መሠረት ክትትሉ እንዲቀጥልና ለችግሮቹ እልባት እንዲደረግላቸው÷ ከጠቅላይ ቤተ ክህነት፣ ከፌዴራል ጉዳዮች ሚኒስቴርና ከኢትዮጵያ የሃይማኖት ተቋማት ጉባኤ የተውጣጣ ኮሚቴተዋቅሮ ጉዳዮቹ እንዲጣሩና የመጨረሻ መፍትሔ በአስቸኳይ እንዲሰጣቸው ይደረግ ዘንድ ቅዱስ ሲኖዶስ የአፈጻጸም ውሳኔ እንዲሰጥ ጉባኤው በከፍተኛ ድምፅ ጠይቋል፡፡

*                         *                     *

የምዕራብ ወለጋ ሀ/ስብከት ለአጠቃላይ ሰበካ መንፈሳዊ ጉባኤው ዓመታዊ ስብሰባ ባቀረበው ሪፖርት በሀ/ስብከቱ መንግሥታዊ የአስተዳደር፣ የፍትሕና የጸጥታ አካላት ስለሚፈጸሙ በደሎችና ተጽዕኖዎች የዘረዘራቸው ችግሮች፤

1)  መናፍቃን ባላቸው የገንዘብ ድጋፍ እንዲሁም በፖሊቲካና የመናፍቃን አባላት በኾኑ ባለሥልጣናት በመደገፍ በሥነ ልቡና ጦርነት ሕዝቡን መንጠቅ፤

2)  የቤተ ክርስቲያን የዕጣን አዙር መሬት ክልል በመናፍቃን መደፈር፣ በክሥ ለከፍተኛ ወጪ መዳረግ፤

3)  መናፍቃን መምህራን በትምህርት ቤት ከሕፃናት አንገት ማዕተብ መበጠስ፣ ማሰር አይቻልም የሚል የሌለ መመሪያ ማውጣት፤

4)  በባቦ ገምቤል ወረዳ ሓላፊነት በማይሰማቸው የፖሊስ ሠራዊት ምእመናን ተደብድበው ከአንገታቸው ማዕተብ መበጠስ፣ ወጣቱ በቅድስቲቷ እምነት እንዲያፍር ማድረግ፣ አሉታዊ ተጽዕኖ ማሳደር፤

5)  ካህናት በጸሎተ ቅዳሴ አገልግሎት ላይ ሳሉ በወረዳው ባለሥልጣናት ተይዘው እስር ቤት መወሰድ፣ ቤተ ክርስቲያኑ ያለቊልፍ ውሎና አድሮ በሕዝብ መጠበቅ፤

6)  የካህናት በባለሥልጣናት ትእዛዝ መንበርከክ፣ መቀጥቀጥ፣ ለከፍተኛ ኢ-ሰብአዊ አደጋና ሥቃይ መዳረግ፤

7)  በዕለተ ሰንበት ካህናት አገልግሎት ላይ እያሉ ምእመናንን ‹‹ውጡና ወደ ስብሰባ ሂዱ፤ ለቅዳሴ ቄሶች ይበቃሉ›› ከማለት አልፎ ጥዋት ከኪዳን መልስ መኪና መንገድ ላይ አቁመው የ10 ዓመት ዕድሜ ካላቸው የሰንበት ት/ቤት አዳጊዎች ጀምሮ በመኪና ጭነው ወደ ቀበሌው እስር ቤት መውሰድ፤

8)  በቅዱስ ሚካኤል የወርኃዊ መታሰቢያ በዓል ከቅዱስ ሚካኤል ቤተ ክርስቲያን ጎን የእርሻ ቀን አድርገው በማመቻቸት ‹‹በአማራ አገር ቄሶች ጥላ ይዘው ገበሬ ማኅበር እርሻ ላይ ተገኝተው ያሳርሳሉ›› በማለት ቅዳሴ እየተቀደሰ አንድን ቄስ በማስገደድ ጥላ ይዘው እንዲወጡ አስገድደዋል፡፡ በዚህም የቤተ ክርስቲያኑ አገልግሎት እንዲስተጓጎል፣ በቤተ ክርስቲያኑ አካባቢ የመናፍቃንና የሙስሊም አባላት በልማት አስመስለው በሆታና በጫጫታ በመረበሽ ካህናቱ ተደማምጠው ቃለ እግዚአብሔሩን እንዳያደርሱ ማወክ፤

9)  ‹‹የኦርቶዶክስ ቤተ ክርስቲያን ሰፊ ቦታ ይዛ ሌላው በጠባብ መቸገር የለበትም›› በማለት የቤተ ክርስቲያኑን አጥር አስፈርሰው መስጊድ እንዲሠራ መፍቀድ፤

10)   አንድ ሙስሊም ሚልሻ የካህኑን ሚስት ከማሳ ላይ ይዞ ‹‹ባልሽ ያለበትን ቦታ አሳይኝ›› ብሎ በማስገደድ ካህኑ በዐቢይ ጾም በቤተ መቅደስ በውሎ ቅዳሴ በማገልገል ላይ እያሉ ቤተ ክርስቲያን ውስጥ ገብቶ ካህኑን በመስኮት በኩል ባለቤታቸውን እያሳየ ማሣቀቅ፤

11)   በወረዳ አስተዳደሩ መምሪያ የቀበሌ ሥራ አመራር አባላት፣ በዐቢይ ጾም ወቅት ካህኑን አስገድደው ለስብሰባ ወስደው በቅዳሴ ሰዓት አትሄድም ብለው ከቅዳሴ ማስቀረትና አገልግሎቱን ማስታጎል፤

12)   ምእመናን አባቶች በእርሻ ላይ እያሉ ፖሊሶች፣ ‹‹እዚህ አካባቢ የኦርቶዶክስ ቤተ እምነት የት ነው፤ አሳየን?›› ሲሉ ‹‹እኔ አላውቅም›› ሲሏቸው እርሻቸው ከመኖርያ ቤታቸው አጠገብ ነበርና  አንበርክከው በዱላ ደብድበዋቸዋል፡፡ ለኻያ ደቂቃ ወደ ፀሐይ አንጋጥጠው እንዲያዩ አድርገዋቸዋል፡፡ ይህን አይተው የተደናገጡት ባለቤታቸው ምርር ብለው እያለቀሱ ወዲያውኑ ታመው ሰውዬው በተደበደቡ በሦስተኛው ቀን ሕይወታቸው አልፏል፡፡

13)   የቀበሌ ገበሬ ማኅበር ሚልሻዎች፣ በመጋቢት ፳፯ ቀን ክብረ በዓል ወደ ቤተ ክርስቲያኑ በመግባት፣ ‹‹ታቦት ለማክበርና ለማንገሥ ቄሶች ይበቃሉ፤ ሕዝቡ ግን ወደ ስብሰባ ይሂድ›› በማለት ሕዝቡን አስገድደው ወስደው ክብረ በዓሉ በካህናት ብቻ ውሏል፡፡

14)   በጊምቢ ከተማ ውስጥ በአራት ዓመት ውስጥ ሦስት መስጊዶች ያለፈቃድ ሲሠሩ፣ የሕዝብና የመንግሥት ጎተራ ላይ የፕሮቴስታንት አዳራሽ ሲሠራ በዝምታ ያለፉ የመንግሥት አካላት በከተማው ውስጥ የግለሰብ ቦታ አግኝተን ቤተ ክርስቲያን ለማነጽ ስንጠይቅ ‹‹ቤተ ክርስቲያናችኹ በመንግሥት ለመታወቋ በዘንድሮው ዓመት ያሳደሰችውን የዕውቅና ወረቀት/ደብዳቤ አምጡ›› በማለት የ3000 ዓመት ባለታሪኳን ቤተ ክርስቲያን መድፈር፤

15)   ጊምቢ ደብረ ፀሐይ መድኃኔዓለም ቤተ ክርስቲያን ለልማት ሠርቶ ከሚያከራያቸው ሕንጻዎች የመንግሥት ግብር ክፈሉ ማለት፤ ይህ ሁሉ በተለያዩ የእምነት ድርጅቶች ተከታይ የመንግሥት አመራር አባላት መመሪያ ሰጭነት በቤተ ክርስቲያኗ ላይ የሚፈጸም የግፍ ግፍ ነው፤ በዚህም ሀገረ ስብከቱ በሐሳብ፣ በጉልበት፣ በኢኮኖሚ ከፍተኛ እንግልት እየደረሰበት መኾኑ ጠቅላይ ቤተ ክህነቱ በአንክሮ እንዲገነዘብልን እንጠይቃለን፡፡

16)   የቃለ ዐዋዲው ሕግ ይሻሻል፤ እኛ በራሳችን በጀት ስለምንሠራ ሀ/ስብከትና ጠቅላይ ቤተ ክህነት ምን ያደርጉልናል በሚል ሕዝብ ማሳመፅና የሀ/ስብከት ዕቅድ ተግባራዊ እንዳይኾን ዕንቅፋት መኾን

የተወሰዱ ርምጃዎች

1)  የሀገረ ስብከታችን ሊቀ ጳጳስ ጨምሮ መላው የሀ/ስብከታችን ሠራተኞች ሁሉ በኦሮምኛ ቋንቋ ማስተማር ስለሚችሉ ስብከተ ወንጌልን ማስፋፋትና በበዓላት ላይ ሁሉም ሠራተኛ ወደ ወረዳ ወርዶ እንዲያስተምር ተደርጓል፤

2)  በቅድስት ቤተ ክርስቲያናችን በደረሰው ከአንገት ላይ ማዕተብ የመበጠስ ድፍረት በፍርድ ቤት ክሥ መመሥረት፤

3)  በባቦ ገምቤል፣ በቤጊ እና ነጆ ወረዳዎች ለደረሰው ከፍተኛ የሕገ ቤተ ክርስቲያን ጥሰትና ሥርዐተ አልበኝነት በብፁዕ አባታችን መሪነት ልኡካንን አስከትሎ ካህኑ የተደበደበበበት ቦታ ድረስ በእግር የሁለት ሰዓት መንገድ በመሄድ መንግሥት አካላትን ይዘን ነገሩን አጣርተን ከወረዳ አስተዳደሮች ጋራ በጠረጴዛ ዙሪያ በመነጋገር የችግሩን ፈጣሪዎች ለይተን በማውጣት ለሕግ አቅርበናል፡፡West Wollega Hagere Sibket annual report01

28 thoughts on “ሰበር ዜና – በምዕ. ወለጋ በቤተ ክርስቲያን ላይ በሚፈጸመው ግፍ ፓትርያርኩ መንግሥትን አሳሰቡ

  1. ano October 19, 2013 at 3:09 pm Reply

    endet naw negeru?

  2. Anonymous October 19, 2013 at 5:21 pm Reply

    አፋጣኘ:ምላሽ፡ይሰጥ!

  3. Anonymous October 19, 2013 at 8:56 pm Reply

    ye ,,,,,DEDEBIT,,,, Eqidachew yabiqaaaaaa!!!!!
    BETEKIRSTIYAN netsa tiwitaaaaaaaaa!!!!!!!

  4. Anonymous October 19, 2013 at 10:11 pm Reply

    አፋጣኘ:ምላሽ፡ይሰጥ!!!!

  5. addis October 19, 2013 at 10:11 pm Reply

    አፋጣኘ:ምላሽ፡ይሰጥ!

  6. Kalayu October 20, 2013 at 12:38 am Reply

    Ere begize yeqech! Negeru menager ayasfelegem giltse new. Yemifetut gin prime ministru nachew.

  7. Anonymous October 20, 2013 at 4:13 am Reply

    እግዚአብሔር ቤተክርስቲያንን ይጠብቅ ፣የድንግል ማርያም አማላጅት አይለየን።

  8. Anonymous October 20, 2013 at 3:30 pm Reply

    yeskahun sikay ebika yegizabihar bat manim lidefafri ayichilim mengst musilim min eyaderegut enidehon yawukal orthodox menesate alebein eskemech eskemayizanu tinebir

  9. Ashu October 21, 2013 at 3:37 am Reply

    Please keep gone everybody to fight those who distracted our evils of orthodox Christianity; the Lord be with you all Christians peoples.

  10. mesayneh October 21, 2013 at 5:15 am Reply

    E/r yimesgen yih aynetu bedel betekenebabere melku yale new iskezare zim tebilo neber indih yifa hono betederaje melku dimtsachinin sinasema yemejemeriya yimeslegnal (be sinodos dereja) behulum akitacha yalutin tinkosawoch chila bayibalu tiru new abatochachinin indime yistilin E/r yitebikilin

  11. Anonymous October 21, 2013 at 7:13 am Reply

    እግዚአብሔር ብቻ በቃ ይበለን፡፡

  12. Anonymous October 21, 2013 at 8:15 am Reply

    Mateb bemasbetes emneten lemaskeyer memoker memognet new be kalu matalel gizew alefebet men yadergu HULUM YE SEITAN ENA AGAROCHU SERA NEW!!!!!!! EGNA GIN YE ASHENAFIEW YE EGZIABHER LEJOCH NEN!!!!!!!!!!!!!

  13. Anonymous October 21, 2013 at 8:56 am Reply

    kezeh yebase yekefa cheger sayekeset afatagn ermja yewesed

  14. Anonymous October 21, 2013 at 8:57 am Reply

    what?

  15. Anonymous October 21, 2013 at 9:08 am Reply

    hahaaaaaaahhhhaaaaaaa. please give a chance to local community to decide and follow the religion they want. Do not mention history. Yesterday is not today. I think the Idea mentioned above is not the majority people idea because it is more of subjective that reflects the idea of…….

  16. Simen Ersu yawukal October 21, 2013 at 10:35 am Reply

    እግዚዘብሔር እንደዚህ ዓይነት ዕውነቱን የሚናገሩ አባቶችን አያሳጣን
    በርግጥ ቅድስት ቤተክርስቲያን በእጅጉ ተበድላለች እኛ ያልን እየመሰለን ክርስቲያኖች በግዴታ ተወሰዱብን አሁን ይብቃ!!

  17. Simen Ersu yawukal October 21, 2013 at 10:39 am Reply

    Egziabher hoy Hizibhin adin erstihin barik …….Kirstian yehone hulu metseley alebet egna alegebanim enji …….yetejemerew kiskesa betekirstianin lematifat new !!

  18. Anonymous October 21, 2013 at 12:27 pm Reply

    EGEZEHABEHAR BEKACHU YEBELEN

  19. Anonymous October 21, 2013 at 1:59 pm Reply

    Abetu Ahun Adine Abetu Ahun Asenan!!! Wegene hoy tenes lemebtachin enkum………………………

  20. Anonymous October 22, 2013 at 7:02 am Reply

    የእግዚአብሄር የመምጫው ቀን ደርሳለልና ተጠንቀቁ

  21. melekot October 22, 2013 at 11:27 am Reply

    Afatagn melis yiset

  22. FEREDE October 22, 2013 at 4:59 pm Reply

    Ferdual, Eyeferedenew, Ahunim yiferdal, Negem yiferdal. Orthodox Christianoch Ayzuachihu.
    Yihin yemiadergew Atfiton litefa new Yemiabalan. Enant leloch bete Emnetoch Gize Kifu new Ejachin Yitilachihual Tewu Tewu Tewuuuuuuuuuuuuuuuuuuuuuuuuu Gid Yelachihum Tewuuuuuuuuuuuu.

  23. Anonymous October 23, 2013 at 12:14 pm Reply

    Asafarina asgi guday! mengistu kalun yitebik!

  24. Anonymous October 23, 2013 at 1:26 pm Reply

    Goliad tew tew bibal emibi bilo Dawitin Liko Fetari Endanberekekew Enezihin Libe Dendanawoch Fetari Yimelket.Why EOTC iS attacked this much/Yedemocraciw mengist min yiseral wonbede kabini eyelake MIEMENENIN ENIH Yemiasekayi silemin.
    Oh! God why silence?

  25. abaw October 25, 2013 at 8:33 am Reply

    yemigerm new .zrena haymanot meche yihon yemileyayew?oromo ke pente gar bicha slteyayaze eko new yihie hulu chigr.bagerachinma orthodox mesekayet yelebetm.

  26. Anonymous October 26, 2013 at 11:06 am Reply

    i should not talk with you because i know you what you are striving …… through religion towards politics. i said this because you are denying respected place not by human being but by the Lord. That place ” AXUM” is known not for you (you are in big dream of Selbiyas). I think you donot know that story in heart may be in your mouth. Do you know Axum is going to witness the last day infront of God where your areas are sleeping under death? do you KNOW the real history of (sorry to say this ) Abune Teklehaimanot? place use your time in the way of God because life is no longer based on formula. Intentionally, you miss” like papas zeaxum”

  27. endeleb November 9, 2013 at 12:53 am Reply

    kedus mekael yefaredal

    • Anonymous October 26, 2015 at 11:16 am Reply

      ፈጣሪ አይለየን እውነት ትሠለስላለች እንጅ አትበጠስም !!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: