ብቃት ያለው የሲኖዶስ አደረጃጀት፣ ነውር ነቀፋ የሌለበት የጳጳሳት ሹመት ያስፈልገናል

  • ‹‹[ቅዱስ] ሲኖዶሱ አሁን ያለችውን ቤተ ክርስቲያን በብቃት የሚመራበት ደረጃ ላይ ነው ወይ? ለውጡ መጀመር ያለበት ከራሱ ከ[ቅዱስ] ሲኖዶሱ ነው፡፡››
  • ‹‹ወደፊት የሚመጡ ጳጳሳት ይኖራሉ፡፡ የጳጳሳቱ አመራረጥ የሕዝብን ይኹንታ የሚያገኝ ነው[ን] የሚለው ገና የሚታይ ነው፡፡››
  • ‹‹ዕርቀ ሰላሙን እኛ ቀድመን ብናመጣው ጥሩ ነው፡፡››


Dn. Daniel Kibret

ዲ/ን ዳንኤል ክብረት

ሰባኬ ወንጌል እና ጸሐፊ ዲ/ን ዳንኤል ክብረት ከዕንቊ መጽሔት ጋራ ያደረገው የቃለ ምልልስ ቆይታ ሁለተኛ ክፍል ቅዳሜ፣ መስከረም ፲፰ ቀን ፳፻፮ ዓ.ም ታትሞ በወጣው ቅጽ 6 ቁጥር 102 የመጽሔቱ እትም ለንባብ በቅቷል፡፡ ቃለ ምልልሱ፥ በታሪክ እና ቅርስ ምንነት፣ አጠባበቅና ጠቀሜታ ላይ የሚታዩ የአመለካከትና ተግባር ችግሮች፤ የቤተ ክርስቲያን፣ መንግሥትና ምእመናን ድርሻዎች፤ በቅዱስ ሲኖዶስ አሠራርና በዕርቀ ሰላሙ ቀጣይ ኹኔታዎች ዙሪያ ትኩረት አድርጓል፡፡

ከአወዛጋቢው የ፮ው ፓትርያርክ ምርጫ በኋላ በሚታዩት የተቋማዊ አመራርና አሠራር ለውጦች፣ በዕርቀ ሰላሙወቅታዊ አዝማሚያና ቀጣይ ዕድሎች ላይ ያተኮሩትን የቃለ ምልልሱን ክፍል ለይተን አስተናግደነዋል፤ ይከታተሉት፡፡

 

ዕንቊ፡- በብፁዕ ወቅዱስ አቡነ ጳውሎስ ጊዜ ‹‹በቤተ ክርስቲያኒቱ ብዙ መሻሻል የሚገባቸው ነገሮች አሉ›› እያልክ ስታሳስብ መቆየትኽ አይዘነጋም፡፡ በአሁኑ ፓትርያርክ የሥራ ጊዜ የተሻሻሉና ለውጥ ያየኽባቸው ነገሮች አሉ?

ዲ/ን ዳንኤል፡- ለውጦችን በመጠኑ አያለኹ፡፡ አቡነ ጳውሎስ አፈንግጠው ከሄዱበት አለባበስ ጀምሮ መሻሻል ይታያል፤ ወደ መሥመር የመጣ ነገር ይስተዋላል፡፡ ለምሳሌ÷ ንዛዛ ድግስን የማስቀረት ነገር አስተውዬአለኹ፡፡ ዝም ብሎ ለተርእዮ (ለታይታ፣ እዩኝ እዩኝ ለማለት. . .) ተብሎ የሚደረጉ ነገሮችን ማስቀረት ተጀምሯል፡፡

አቡነ ጳውሎስ እኮ ከሥራው በላይ መታየትን ነበር የሚፈልጉት፡፡ አሁን አቡነ ማትያስን ብዙ ቦታ አናያቸውም፡፡ አቡነ ጳውሎስ የአንድ ምእመን ልጅ የክርስትና ሥርዐትም ቢኾን መገኘት አለብኝ ካሉ አይቀሩም፡፡ ለአንድ ሰው የሚሰጡት ቦታ ለቤተ ክርስቲያኒቱ ሥራ ከሚሰጡት ትኩረት ይበልጥ ነበር፡፡ እርሳቸውን አንድ ካህን[እንኳ] ከማያስፈልግበት ቦታ ተገኝተው ታያቸዋለኽ፡፡ ያ የሚያስፈልግ አልነበረም፡፡ መታየት አለብኝ ማለታቸው ለእርሳቸው ልክ ነበር፡፡ አለመገኘትን እንደ ትልቅ ጉዳት ነበር የሚቆጥሩት፡፡ አሁን ከዚህ ዐይነቱ ድርጊት የመቆጠብ ኹኔታ ይታያል፡፡

በ[ቅዱስ] ሲኖዶስ ደረጃ በሚደረጉ ስብሰባዎች ነው ወይስ አይደለም ብሎ መከራከርና መወሰን ከተጀመረ ትልቅ ነገር ነው፡፡ ተከራክሮ ምን ይኾናል የሚለውን ሂደት ነው የሚወስነው፡፡ ነገር ግን መከራከር መቻል፣ አንድ ጉዳይን ወስደኽ የምታመለክትበት አካል መኖር መቻሉ በራሱ አንድ ትልቅ ለውጥ ነው፡፡ ከዚህ በተጨማሪ ኮሚቴዎች ተቋቁመው ጥናት ለማጥናት መሞከራቸው፣ ቤተ ክርስቲያንን በሚያስወቅሱ ሙስናን በመሰሉ ጉዳዮች ዙሪያ በዐደባባይ በግልጽ መናገር መቻላቸው ለውጦች ናቸው፡፡

ኾኖም እነዚህ በቂ ለውጦች አይደሉም፤ ግን የለውጥ መንገድ ላይ መኾናቸውን ያሳያል፡፡ ለውጡ መጀመር ያለበት ከራሱ ከሲኖዶሱ ነው፡፡ ሲኖዶሱ አሁን ያለችውን ቤተ ክርስቲያን በብቃት የሚመራበት ደረጃ ላይ ነው ወይ? ከግብጽ፣ ከሶርያ ሲኖዶሶች፣ ከቫቲካን ተነጻጽሮ መታየት አለበት፡፡ አደረጃጀቱ ምን ያህል ብቁ ነው? የመረጃው ፍሰትስ? የውሳኔ አሰጣጡስ? በተለይ ውሳኔዎቹ የሚወሰኑት ጥናት ተደርጎባቸው ነውን? አጥኚ ቡድንስ አለ? ቋሚ ኮሚቴዎችስ አሉ? እነዚህ ውስጥ የሚታዩት ነገሮች ሁሉ ሲዳሰሱ ገና ብዙ ይቀራል፡፡

ለምሳሌ ያህል፣ ወደፊት የሚመጡ ጳጳሳት ይኖራሉ፡፡ የጳጳሳቱ አመራረጥ የሕዝብን ይኹንታ የሚያገኝ ነው? የሚለው ገና የሚታይ ነው፤ ምክንያቱም ፍትሐ ነገሥቱ አንድ ጳጳስ ሲመረጥ የሕዝቡንም የቤተ ክርስቲያኒቱንም ይኹንታ እንዲያገኝ ይጠይቃል፡፡ በሕዝቡ ዘንድ ነውር ነቀፋ የለበትም የሚባለውን ነው እንዲሾም የሚያዝዘው፡፡ ግብጾች[ኮፕት ኦርቶዶክስ ቤተ ክርስቲያን] አንድ ሰው ጳጳስ ከመኾኑ በፊት ከወንጀል ነጻ ስለመኾኑ የሚያረጋግጥ ማስረጃ ከፖሊስ እንዲመጣ ያደርጋሉ፡፡ ለምንድን እኛ ይህን የማናደርገው? አንድ ሰው ጳጳስ ከኾነ በኋላ ክሥ እየመጣ ነው፤ እንዲህ፣ እንዲያ አደረገ እየተባለ ነው፡፡ ይህን ማስቀረት የሚቻለው ከመሾሙ በፊት ንጽሕናውን በማረጋገጥ ነው፡፡

አንዳንዴ ምእመናን ከተለያዩ ቦታዎች ‹‹እኚህ ይነሡልን! አስቸግረውናል›› የሚሏቸው ሰዎች ከነበሩበት ሥፍራ ሲነሡ በጵጵስና የሚሾሙበት ኹኔታ አለ፡፡ ይህን እነዚያ የተቃወሟቸው ምእመናን የሚቀበሉት ነው ወይ? ወደፊት በአውሮፓ የደረሰውና ጳጳስን የመጥላት፣ ጳጳስን አንቀበልም የማለት ነገር በኢትዮጵያ ደረጃ ይከሠታል ብዬ እፈራለኹ፡፡ ስለዚህ አሁን ማስተካከያው ከላይ ወደ ታች መደረግ አለበት፡፡ ካላስተካከልነው ትውልዱ/ጋሪው ይቀድምና ከዚያ በኋላ ጉዞው አይኖርም፡፡

ዕንቊ፡- ሲኖዶሱን ለሁለት ከፍሎታል የሚባለው የኢትዮጵያ ኦርቶዶክስ ተዋሕዶ ቤተ ክርስቲያን ውዝግብ ይቀጥላል ወይስ በአዲሱ ፓትርያርክ መሾም አክትሟል?

ዲ/ን ዳንኤል፡- አያከትምም! አንድ ቀን ነገሮች ይስተካከላሉ፡፡ ይህ እኮ ወቅት ያመጣው ነገር ነው፡፡ ወደፊት መፍትሔ ይገኝለታል፡፡

ዕንቊ፡- ድርድሩ ጸጥ ረጭ የማለት ነገር አይታይበትም?

ዲ/ን ዳንኤል፡- አንድ ሰው ከቤቱ ጅብ ይገባበትና ያን ጅብ ለማስወጣት ጦሩን ሰብቆ ሲወረውር አፉን ያገኘዋል፡፡ አፉን የተመታው ጅብም አመለጠ፡፡ ቆይቶ ሰውዬው አንድ ወዳጁን ያገኝና ‹‹ያን ጅብ እኮ አፉን ወጋኹት›› ብሎ ነገረው፡፡ ጓደኛውም ምኑ ላይ ወጋኸው ቢለው ‹‹አፉ ላይ›› ብሎ መለሰ፡፡ በዚህን ጊዜ ወዳጁ ተገርሞ፣ ‹‹ታዲያ አፉን አሰፋኸው እንጂ ምን አተረፍክ›› አለው የሚባል ጨዋታ አለ፤ እና አሁን ድርድሩ ጭራሽ ነገሩን አሰፋው እንጂ ጉዳዩን ቅልብጭ አድርጎ አልቋጨውም፤ ግን አንድ ቀን ይህ መለያየት የሚያከትምበት ጊዜ ይመጣል፡፡ እኛ ቀድመን ብናመጣው ግን ጥሩ ነበር፡፡

11 thoughts on “ብቃት ያለው የሲኖዶስ አደረጃጀት፣ ነውር ነቀፋ የሌለበት የጳጳሳት ሹመት ያስፈልገናል

  1. Destalem mezgebo September 30, 2013 at 7:33 pm Reply

    Good idea…

  2. Anonymous October 1, 2013 at 3:54 am Reply

    አዎ የ ጳጳሳት አሿሿም ትኩረት የሚያሻው ጉዳይ ነው ምክንያቱ ወደፊት ብዙ ፈተና ይጠበቃቸዋልና ::
    እግዚአብሔር ቤተክርስቲያናችንንና ሀገራችንን ይጠብቅ ::

  3. Anonymous October 1, 2013 at 1:34 pm Reply

    yemiatsedikew E/r new enji ye Kibret were ena asmesaynet aydelem. silezih mote bileh mewkes ale bileh masmesel mengiste semayat aywersim. Butsue Abatachin Aune Paulos be agerwist hone be atekalay be alem dereja yeselam ambasadirnetachew yetemeskerelachew ye alem hizib ena mengistitat yemiyakut ewnet new. silezih Kibret yemiyaweraw be betekirstian hig tegeza silaluh new enji ewnetun tawkewaleh gin ante newari ymut wekash E/r yikir yibelih.

  4. Mengaw October 2, 2013 at 5:58 am Reply

    ዳንኤል ሲዋዥቅ አሁን የመጅመርያው አይደለም አቡነ ጳውሎስ ሲሰሩ እሱ አያወራ ነበር እርሳቸው አርፈው አሁንም ያወራል በመሰረቱ አቡነ ጳውሎስ ልታይ ልታይ የሚሉ አባት ነበሩ? አቤት ውሸት እርሳቸው ተጽኖ ፈጥረው ያለፉ ሊሰሩ ሰፈልጉ አንተና አንተን መሳይ ልጆ እንዲሁም የዘረኞች ስብስብ ማቅና አንዳንድ ጳጳሳት አላሰራ አላቹሃቸው. ወረኛ ሁላ

    • Dn.Meseret Andualem June 15, 2016 at 10:06 am Reply

      ሲጀመር አባ ጳዉሎስ የእምነት ህፀፅ የሥርዓት ማፋለስ* ችግሮች ነበሩባቸው ፡ በአጠቃላይ ከአቡነ ቴዎፍሎስ በኋላ የተሾሙት ጳጳሳት ህጋዊ አይደሉም ምክንያቱም የሚሾሙት በሲኖዶሱ ሳይሆን በመንግሥት ነውና ፡፡

  5. Anonymous October 2, 2013 at 1:19 pm Reply

    D. Dani kale hiwot yasemah.

  6. Anonymous October 3, 2013 at 2:18 pm Reply

    እህ ካሉህ ብዙ ታወራለህ
    እኚህ አባት ብዙ ቦታ የማይሄዱት ሄደው ቤተ ክርስቲያኗን መግለጽ ስለማይችሁ ነው፡፡ በንጽናቸው ሊወደዱ ቢገባም ከአቡነ ጳውሎስ ጋር ሊነጻጸሩ አይገባም፡፡ አባ ጳውሎስ ነጭ ለበሱ ትላለህ ምንድነው ክፋቱ፣ ጥቁር ኦርቶዶክሳዊ መሆኑ ነው፣ እሳቸው የመጀመሪያ ናቸው፣ እንደው መድረክ ተገኘ ተብሎ ዝም ብሎ አይወራም፡፡
    በሕይወት እያሉ ስታወድስ አልነበረም፣ ለነገሩ እንዳንተ ዓይነት አቋሙን በየ ሰከንዱ የሚለዋውጥ ሰው አጋጥሞኝም አያውቅ፡፡
    አይ አንቺ ሀገር

  7. getahun October 4, 2013 at 1:30 pm Reply

    Mr anonymous, please don’t use E/R for Egzi’Ab’Her. we are using that for estrogen here. never use abbreviations for God!

  8. getahun October 4, 2013 at 1:41 pm Reply

    E/R for emergency room

  9. Anonymous April 23, 2016 at 1:30 pm Reply

    አባ ግርማ ናቸው

  10. ዘአንጾኪያ April 26, 2016 at 6:22 am Reply

    ስለ ቤተክርስቲያ ጉዳይ መጻፍና ማውራት የተጀመረው ዛሬ አይደለም፡፡ በሐዋርያትም ዘመን ከሚገጥማት መልካምም ሆነ አልሆነ፣ በወቅቱ መሥራት እየተገባት ስለሠራችውም ሆነ ስላልሠራችው ሓላፊነቷ በወቀሳም ይሁን በምሥጋና ለወደፊቱ መማሪያ ይሆን ዘንድ ተጽፎአል፡፡
    ጌታችንም ቤተ ክርስቲያንን የሚወክሉትን ጭምር እየወቀሰ “ሰሚ ጆሮ ያለው ይስማ” ይል ነበር:: ስህተት በመነገሩ ማንም የቤተ ክርስቲያን ልጅ ቅር ሊለው ይገባል ብዬ አላምንም ጸሐፊው እውነት እስከጻፈ አንባቢውም ልቡናው እውነቱን እስካልካደ ድረስ፡፡
    ዋናው ነገር የተጻፈው ለማስተካከል ታስቦ ነው የተጻፈው ብሎ በቅንነት ማሰብ በራሱ መልካምነትን ይጠይቃል፡፡ የግል ጥላቻና ቂምን ከውስጥ ማስወጣት ከቻልን የሚጠቅመውን በመውሰድ ችግርን ማስተካከል ይቻላል፡፡ ችግሩ ጸሐፊው የጻፍኩትን ሁሉ ውሰዱልኝ ያለ እንደሆነ ነው፡፡ ምክንያቱም እንኳን ሰው በየደቂቃው ሥጋዊ ድካም የሚገጥመው ቀርቶ ዛፍ እንኳ ፍሬ አፈራ ተብሎ ሁሉም አይበላም፡፡ ብስል አለ ፣ ጥሬ አለ ፣ የበሰበሰ አለ ፍሬውንአልፈልግም ብሎ መተው ሳይሆን ዛፉ መልካም እንዲያፈራ የበኩልን ድርሻ መወጣት በፍሬውም መጠቀም ተገቢ ይመስለኛል፡፡ መሳሰቢያ
    ማሳሰቢያ ፦ በእውነት የቤተ ክርስቲያን ልጆች ለሆንን በሙሉ ችግሩን በማሳየት በተጨማሪ አባቶችም የለበሱት ሥጋ እንደመሆኑ የሚገጥማቸውን ፈተና መቋቋም እንዲችሉ ፤ በዓይን አምሮት በሥጋ ምኞት እንዳይወድቁ ሁሉን ማድረግ ወደሚችል ፈጣሪ ስለነሱ በየቀኑ ከቻልንም በየሰዓቱ የአቅማችንን እንድንጸልይ በእግዚአብሔር ስም እጠይቃለሁ፡፡ አደራ የምለው ጸሎቱ በቤት ሥራነት የምንወስደው ሳይሆን እንዳነበብንየምንፈጽመው ነው፡፡ ማን ያውቃል ይህን ከሚያነቡት መሀል ስንት ጸሎቱየሚሰማ እንዳለ? አባቶቻችን የእውነት ከሆነ ያሳዝናሉ ከነድካማቸው፡፡ ግን እርግጠኛ ነኝ ድካማቸውን በማሳየትም በጸሎትም ድንቅ የሆነ ኃይላቸው ይገለጣል፤ ተዋሕዶም ታብባለች ታፈራለችም፡ ዓለም በአባቶቻችን ትምህርት ትረሰርሳለች፡፡ ረሃብ ጦርነት ይበርዳል፤ የሰላም አየር እንተነፍሳለን፤ ዘረኝነት ይሰክናል ፤ የወንድማማች መዋደድ ይሰፍናል የአባት ምክርበማጣት የተጣላንእንታረቃለን፤ በአባቶቻችን አናፍርም ቀና ብለን እንሄዳለን… የቅዱሳን አምላክ ይጠብቀን፡፡
    አሜን!!!!!!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: