ዜና ብሥራት ዘሥላሴ! ሀኬተኛው እና መናፍቁ ዘላለም ረድኤት ከቅድስት ሥላሴ መንፈሳዊ ኮሌጅ እንዲወገድ ቋሚ ሲኖዶስ ወሰነ!

  • መ/ር ፍሥሐ ጽን ደመወዝ በማስተማር ሥራ ብቻ ይወሰናሉ
  • የአቡነ ጢሞቴዎስ ቀጣይነት እየተጤነ ነው
  • አቡነ ጢሞቴዎስን የሚተካ ዋ ዲን እስኪሾም ኮሌጁ በጊዜያዊ ሓላፊ ሊመራ ይችላል

ጥቅመኛው፣ ሀኬተኛው (ክፋተኛው) እና መናፍቁ ዘላለም ረድኤት በቅድስት ሥላሴ መንፈሳዊ ኮሌጅ ከያዘው የቀን መደበኛ መርሐ ግብር አስተባባሪነት እንዲወገድ ቋሚ ሲኖዶስ ከስምምነት ላይ ደረሰ፡፡

ቋሚ ሲኖዶሱ ከዚህ ዐቢይ የስምምነት ውሳኔ ላይ የደረሰው በኮሌጁ አስተዳደርና በደቀ መዛሙርቱ መካከል ላለፉት ስድስት ወራት እየተባባሰ የመጣውን ውዝግብ ለማጣራት የተቋቋመው ኮሚቴ ያቀረበውን ሪፖርት መሠረት በማድረግ ከኮሌጁ መምህራንና የደቀ መዛሙርቱ መማክርት አመራሮች ጋራ ከመከረ በኋላ ነው፡፡

ትላንት እና ዛሬ ቋሚ ሲኖዶሱ በወቅታዊ የኮሌጁ ኹኔታ ላይ ሲያካሂድ በዋላቸው ተከታታይ ስብሰባዎች፣ አጣሪ ኮሚቴው የኮሌጁን አካዳሚያዊ እና አስተዳደራዊ ይዞታ ለማሻሻል ከአጭር እና ረጅም ጊዜ አኳያ በመፍትሔነት ያቀረባቸውን የውሳኔ ሐሳቦች መርምሯል፡፡ በዚህም መሠረት በኮሌጁ መደበኛ ደቀ መዛሙርት ቅሬታ ከቀረበባቸው መካከል አንዱ የኾነውና ተደራራቢ ሓላፊነቶችን የያዘው ዘላለም ረድኤት ከሐላፊነቱ መነሣት እንዳለበት ተስማምቷል፡፡

በአጣሪ ኮሚቴው ሪፖርት ላይ እንደተገለጸው፣ ዘላለም ረድኤት ‹‹መምህር፣ የቀን መርሐ ግብር ሓላፊ፣ የአካዳሚክ ኮሚሽንና የአስተዳደር ጉባኤ አባል›› ነበር፡፡ በሐኬተኛውና መናፍቁ ዘላለም ረድኤት ላይ የታዩበትን ጉድለቶችና ድክመቶች ኮሚቴው በሪፖርቱ ገጽ 14 ላይ  እንደሚከተለው ዘርዝሮታል፡-

  • ያልተገባ ጥቅም ለማግኘት ሲሉ በማስተርስ መርሐ ግብር ሞያቸው ያልኾነውን ትምህርት ማስተማር፡፡ በኮሌጁ ከመጀመሪያ ጀምሮ ለዲግሪ መርሐ ግብር የምርምር ዘዴ /Research Method/ የሚያስተምሩት በሞያው ልምድና ዕውቀት ያላቸው ከአዲስ አበባ ዩኒቨርስቲ የሚመጡ መምህራን ናቸው፡፡ ለማስተርስ ፕሮግራም ደግሞ የበለጠ ስፔሻላይዝድ ያደረገ መምህር መኾን ይኖርበታል፡፡ በኮሌጁ የተደረገው ግን÷ በሞያው ልምድና ዕውቀት ያላቸው መምህር ተነሥተው መ/ር ዘላለም ያጠኑት ነገረ መለኰት ኾኖ ሳለ ምርምር ዘዴን ለማስተርስ ፕሮግራም ያስተምራሉ፡፡
  • የቀን መርሐ ግብር አስተባባሪ ኾነው ሳለ ተማሪውንና መምህሩን አስተባብሮ አለመምራት፤
  • መደበኛ ደቀ መዛሙርት በኩል ግን ‹‹ለሚያስተምሩት ትምህርት ብቁ አይደሉም›› ሲሉ ቅሬታቸውን ገልጸዋል፡፡ እርሳቸው በኮሚቴው ፊት ከተማሪዎች ለሚቀርቡባቸው ቅሬታዎች እንዲከራከሩ ቢጠየቁም ኮሚቴውን ረግጠው ወጥተዋል፡፡ በዚህም ‹‹ብቁ መምህር አይደሉም›› የሚለውን ቅሬታ የተቀበሉት አስመስሏል፡፡
  • ለአጣሪ ኮሚቴው ሥራ ተባባሪ ተባባሪ አለመኾን፡፡ ኮሚቴው ለሚያቀርብላቸው ጥያቄዎች ቀና ምላሽ አለመስጠትና እንዲስተካከሉ በኮሚቴው ለተሰጣቸው ሥራዎች ተባባሪ ኾኖ ከመገኘት ይልቅ ሥራዎቹ እንዳይሠሩ መሞገት፤
  • በክፍል ተገኝቶ አለማስተማር፤ በደቀ መዛሙርቱና በአስተዳደሩ መካከል አለመግባባት ከተፈጠረ በኋላ ተማሪዎች፣ ‹‹መምህር ዘላለም ረድኤት አያስተምረንም›› እያሉ ጥያቄ ሲያቀርቡ እርሳቸው ግን ‹‹ማስተማር አለብኝ.› በማለት ይናገሩ ነበር፡፡ በአጣሪ ኮሚቴው ከፍተኛ ጥረት ተማሪዎች ጥያቄያቸውን አንሥተው እንዲያስተምሩ ከተስማሙ በኋላ ግን መምህር ዘላለም ረድኤት አንድ ክፍል እንደገቡ ‹‹ተማሪዎች እንዳላስተምር መሰናክል ኾነውብኛል›› በማለት ደብዳቤ ለአስተዳደሩ አስገብተው ማስተማራቸውን አቁመዋል፡፡ መ/ር ዘላለም ረድኤት ለማስተማር ፈቃደኛ አለመኾናቸውን ገልጸዋል፡፡ የመማር ማስተማሩን ሥራ ወደነበረበት ለመለሰው ለኮሚቴው ግን በግልባጭ አላሳወቁም፡፡ ይህም ለኮሚቴው ሥራ ተባባሪ አለመኾናቸውን ያሳያል፡፡
  • በደቀ መዛሙርቱ በኩል መ/ር ዘላለም ረድኤት በክፍል ውስጥ የሃይማኖት ሕጸጽ ያስተምራሉ ሲሉ ይከሳሉ፡፡ ይህን የቀረበባቸውን ክሥ ከደቀ መዛሙርቱ ጋራ ፊት ለፊት ተገናኝተው እንዲያስረዱ ቢጠየቁም ፈቃደኛ ኾነው አልተገኙም፡፡
  • በቅርብ ለተፈጠረው ችግር መፍትሔ ከመፈለግ ይልቅ ነገሮችን ማባባስ፤ መ/ር ዘላለም ከአጣሪ ኮሚቴው ጋራ በቅርብ ከመሥራት ይልቅ የኮሚቴውን ጥረት በመልካም ጎን ተቀብሎ በክፍል ተገኝቶ አለማስተማር፤ ችግር ተፈጥሮብኛል በሚል ሰበብ ደብዳቤ ለአስተዳደሩ ማስገባት፤ ከዚያም የሥራ መልቀቂያ ማቅረብ ወዘተ ናቸው፡፡
  • የቀን አስተባባሪ እንደመኾናቸው መጠን መምህራን ማስተማራቸውን፣ ተማሪዎችም መማራቸውን በቅርብ ኾነው መከታተልና መቆጣጠር ሲገባቸው ይህን አላደረጉም፡፡
  • በተማሪዎች በኩል ግሬድ ተበላሽቶብናል ሲባሉ አፋጣኝና ተገቢ የኾነ መልስ አለመስጠት፤

አጣሪ ቡድኑ ከዚህ የሐኬተኛው፣ ሓካዩ እና መናፍቁ ዘላለም ረድኤት ‹‹ክፍተቶች›› በመነሣት በመፍትሔነት ያቀረበው የውሳኔ ሐሳብ በአጭር ጊዜ መወሰድ ከሚገባቸው የማስተካከያ ርምጃዎች ጋራ የሚደመር ነው፡፡ ስለኾነም በሪፖርቱ ገጽ 17 ተ.ቁ 8 ላይ በዘላለም ረድኤት ላይ መወሰድ የሚገባው የማስተካከያ ርምጃ እንደሚከተለው ነው የተገለጸው፤

  • መ/ር ዘላለም ከላይ እርሳቸውን በተመለከተ በተዘረዘሩት ምክንያቶች ከኮሌጁ ተነሥተው ጠቅላይ ቤተ ክህነቱ በሚመድባቸው ቦታ እንዲመደቡ ቢደረግ፣ የቀረበባቸው የሃይማኖት ሕጸጽ ጉዳይ በሚመለከት እንዲጣራ ቢደረግ፤

በዚህም መሠረት ቋሚ ቅ/ሲኖዶስ የኮሌጁን መምህራንና የደቀ መዛሙርቱን መማክርት አመራሮች በመያዝ ለሁለት ተከታታይ ቀናት ባደረገው ስብሰባ የአጣሪ ኮሚቴውን የመፍትሔ ሐሳብ ከሚያጸድቅ የስምምነት ውሳኔ ላይ ደርሷል! ጥቅመኛው፣ ሀኬተኛው(እኵዩ)፣ ሀካይ (ሰነፉ) እና መናፍቁ ዘላለም ረድኤት ከኮሌጁ ተወግዷል!

 

ሀኬተኛው ዘላለም የሰሞኑ ውሎውን እንደተለመደው በኮሌጁ የበላይ ሓላፊ ሊቀ ጳጳስ ብፁዕ አቡነ ጢሞቴዎስ መኖሪያ ቤት አድርጎ ሊቀ ጳጳሱን ወደ በለጠ ክፋትና ስሕተት የሚያስገቡ የከሣሽነትና የነገረ ሠሪነት ተግባሩን አጠናክሮ መቀጠሉ ተነግሯል፡፡

በዚህ ተግባሩ ለደቀ መዛሙርቱ ጥያቄዎች ሽፋን የሰጡ የሳምንቱን ጋዜጣዎች ሰብስቦ ይዞ ገብቶ በንባብ ያሰማቸዋል፤ ከዚሁ ጋራ በተያያዘም የኮሌጁ አካዳሚያዊ እና አስተዳደራዊ ችግሮች እንዲቀረፉና እንዲሻሻሉ በሚደረገው ጥረት ግንባር ቀደም ሚና ይጫወታሉ ያላቸውን መምህራንንና ደቀ መዛሙርትን በስም እየለየ ለሊቀ ጳጳሱና ሊቀ ጳጳሱ ለሚያውቋቸው የፖሊቲካና የጸጥታ ሓላፊዎች እንደ አገናኝ መኰንን ወይም ኦፕሬተር በሞባይል ስልክ እያገናኘ ያስጠቁራል፤ ይወነጅላል፤ ይከሣል፡፡

መምህራኑ ከሳምንቱ መጀመሪያ አንሥቶ፣ ከሊቀ ጳጳሱ ዕርግናና ከጤንነትም አኳያ አጥርቶ ለማየትና ለመስማት ካለባቸው እክል በመነሣት ኮሌጁን በበላይ ሓላፊነት ሊመሩ እንደማይችሉ በመግለጽ፣ የወቅቱ አመራራቸውም እንደ ዘላለም ላሉት ሀኬተኞችና የማይገባቸውን ጥቅም ለሚያገኙ ድጋፍ ሰጭዎች ተንኰል በመጋለጡ የኮሌጁን አስተዳደር ወደ አደገኛ አቅጣጫ እየገፋው መኾኑን በዝርዝር በማስረዳት ከሓላፊነታቸው እንዲነሡ ወይም የፈላጭ ቆራጭነት ሥልጣናቸው እንዲገደብ የአቤቱታ ፊርማ ለቅ/ሲኖዶስ ጽ/ቤት ማስገባታቸው ተዘግቧል፡፡

ይኸው የመምህራኑ ጥያቄ የደቀ መዛሙርቱንም ጠንካራ ድጋፍ ያገኘ ሲኾን ቋሚ ቅ/ሲኖዶሱ በነገው ዕለት ለመንበረ ፓትርያሪኩ መቀመጫ በቅርበት ከሚገኙ አህጉረ ስብከት የጠራቸውን ብፁዓን ሊቃነ ጳጳሳት በመጨመር በሚያደርገው አስቸኳይ ስብሰባ ጉዳዩን ቅድሚያ ሰጥቶ እንደሚነጋገርበት ይጠበቃል፤ በውጤቱም ከብፁዕ ወቅዱስ ፓትርያሪክ አቡነ ማትያስ ጋራ ባላቸው የቆየና የጠበቀ ወዳጅነት ‹‹ኮሌጁ ሀገረ ስብከቴ ነው፤ በሀ/ስብከቴ ጣልቃ አትግቡብኝ›› በማለት ሥልጣናቸውን ሲከላከሉ በቆዩት አቡነ ጢሞቴዎስ ቀጣይነት ላይ ዐቢይ ውሳኔ ሊተላለፍ እንደሚችል ተገምቷል፡፡

አቡነ ጢሞቴዎስ ከበላይ ሓላፊነታቸው እንዲነሡ ከተወሰነ ኮሌጁ እስከመጪው ዓመት ድረስ በጊዜያዊ ሓላፊ የሚመራ ይኾናል፡፡ ጊዜያዊ ሓላፊው የዘንድሮው ዓመት ዕጩ ተመራቂዎች የማጠቃለያ ፈተናን ጨምሮ ለምረቃ የቀሯቸውን ጥቂት ቅድመ ዝግጅቶች አጠናቀው ለምረቃ እንዲበቁ፣ ሌሎችም የማጠቃለያ ፈተናቸውን ጨርሰውና ተመልሰው የመማር ዋስትናቸውን አረጋግጠው በደንቡ መሠረት እንዲሸኙ የማድረግ ሓላፊነት አለበት፡፡ ሌሎች የአስተዳደር ሥራዎችንም ከመምህራኑና ሠራተኞች ጋራ በመመካከር እየሠራ የሚቆይ ይኾናል፡፡

አዲሱን ዋና ዲን ከመሾም ጋራ ተያይዞ የሥራ አመራር ቦርዱ በአዲስ መልክ ይደራጃል፤ የኮሌጁ አስተዳደር አደረጃጀት ተፈትሾ በመስኩ የትምህርት ዝግጅትና የሞያ ልምድ ባላቸው ባለሞያዎች ይቋቋማል፤ በኮሌጁ መተዳደርያ ደንብ እንደተገለጸው ተመሳሳይ የኾኑት የአስተዳደርና የአካዳሚክ ኮሚሽን አባላት የተለያዩ አባላት ታቅፈውባቸው እንዲዋቀሩ ይደረጋል፡፡ የቤተ መጻሕፍቱና የላውንጁ ኩሽና ግድግዳ ተለያይቶ እንዲሠራ ከማድረግ ጀምሮ የቤተ መጻሕፍቱ ወለሎች፣ ኮርኒሶችና መስኮቶች እንዲጠገኑ፣ የመኝታ ክፍሎች እንዲታደሱና አልባሳቱ እንዲቀየሩ፣ በምግብ ቤቱ የግዥና ዝግጅት ሂደት እንዲሁም በሥነ ሥርዐት/ዲስፕሊን/ ጉዳዮች የደቀ መዛሙርቱን ተሳትፎ በማረጋገጥ የኮሌጁን ሰላምና ደኅንነት ማስጠበቅ የመሳሰሉት ተግባራት እንዲከናወኑም ይጠበቃል፡፡

በሌላ በኩል ቋሚ ሲኖዶሱ ባሳለፈው ውሳኔ ቅሬታ ከቀረበባቸው ሓላፊዎች አንዱ የኾኑት የኮሌጁ አካዳሚክ ምክትል ዲን መ/ር ፍሥሓ ጽዮን ደመወዝ ከሓላፊነታቸው እንዲነሡና የተመጠኑ ኮርሶችን ይዘው በማስተማር ሥራ እንዲቀጥሉ በአጣሪ ኮሚቴው የቀረበውን የመፍትሔ ሐሳብ አጽንቷል፡፡ በኮሚቴው ሪፖርት ገጽ 13 ላይ እንደተገለጸው መ/ር ፍሥሓ ጽዮን የሚከተሉት ክፍተቶች ተገኝቶባቸዋል፡፡

  • ተደራራቢ ሓላፊነት መያዝ፤ በኮሌጁ ያሉትን መምህራን እና ሠራተኞች በልዩ ልዩ ሥራዎች ማሳተፍ ሥራዎችና በተቀላጠፈ እና በአጭር ጊዜ እንዲሠሩ ያደርጋል፡፡ አንድ ሰው ብዙ ሥራዎችን ከያዘ ግን ሥራዎች በተቀላጠፈና በጠራ ኹኔታ መካሄዳቸውን ጥርጥር ውስጥ ይከታል፡፡ በሌሎች መምህራንና ሠራተኞች ዘንድም ቅሬታን ይፈጥራል፡፡ መ/ር ፍስሃፅየን ደመወዝ÷ መምህር፣ የቦርድ ጸሐፊ፣ የአካዳሚክ ምክትል ዲን፣ የአካዳሚክ ኮሚሽን ምክትል ሰብሳቢና የአስተዳደር ጉባኤ አባል በመኾን በኮሌጁ ውስጥ እያገለገሉ ናቸው፡፡ የኮሌጁ ደቀ መዛሙርት እንደሚናገሩት፣ መምህሩ በብዙ ሥራ በመጠመዳቸው ከዝግጅት ጊዜ ማነስ የተነሣ እና በልዩ ልዩ ስብሰባዎች ስለሚያዙ ከእርሳቸው ማግኘት የሚገባንን ትምህርት አላገኘንም ይላሉ፡፡
  • ተማሪዎች ለሚያቀርቡት ትምህርት ነክ ጥያቄ አፋጣኝ ምላሽ አለመስጠት
  • ተማሪው መማር አለመማሩን፤ መምህራኑም በተገቢው ኹኔታ ማስተማራቸውን አለመቆጣጠርና አለመከታተል፡፡ ምንም እንኳ ከመምህራንና ከተማሪዎች መካከል በክፍል የማይገኙ ቢኖሩም በዚህ በኩል ተገቢው እርምት አለመወሰዱን ተገንዝበናል፡፡
  • በቤተ መጻሕፍቱ ለደረሰው ችግር መፍትሔ አለመፈለግ፤
  • መምህራኑም ኾኑ ተማሪዎች አስተዳደራዊ ጥያቄዎች ሲጠይቋቸው በቁጣ መመለስ፤
  • ካሪኩለሙ ሲከለስ መምህራኑን አለማሳተፍ፤
  • ከሚመለከታቸው ክፍሎች ጋራ ተቀናጅቶና ተናቦ አለመሥራት፤

ኮሚቴው ከእኒህ ዋነኛ ‹‹ክፍተቶች›› አንፃር በአጭር ጊዜ እንዲወሰድ ባቀረበው የማስተካከያ ርምጃ መሠረት መ/ር ፍሥሓ ጽዮን ከተደራራቢ ሓላፊነታቸው ተነሥተው የተመጠኑ ኮርሶችን ብቻ ይዘው እንዲያስተምሩ ሐሳብ አቅርቧል፤ በዛሬው ዕለትም ቋሚ ሲኖዶሱ በስምምነቱ ያስረገጠው ይህንኑ የመፍትሔ ሐሳብ ነው፡፡ እዚህ ላይ ሳይጠቀስ የማይታለፈው አጣሪ ኮሚቴው ከሀኬተኛው ዘላለም ረድኤት በተለየ መ/ር ፍሥሓ ጽዮንን ያመሰገነበት ኹኔታ ነው፡-

  • የመምህር ፍሥሓ ጽዮን ጠንካራ ጎን ተማሪዎች እንደመሰከሩላቸው ብቁ መምህር ናቸው፡፡ ለአጣሪ ኮሚቴው የሥራ ትብብር በማድረግ ለሥራው መቃናት ከመጀመሪያ እስከ መጨረሻ አስፈላጊውን ትብብር አድርገዋል፡፡ ከተማሪዎች የቀረቡባቸውንም ቅሬታዎች ፊት ለፊት ተገኝተው ምላሽ ሰጥተዋል፡፡

በተማሪዎቹ እና በመምህሩ መካከል በተደረገው ክርክርም ሪፖርቱ እንደገለጸው፣ ‹‹የአጣሪ ኮሚቴው አባላት እውነት እማን ዘንድ እንዳለች ለመረዳት አስችሏቸዋል፡፡››

ከኮሌጁ 18 መምህራን ሰባቱ እንዲሁም ከደቀ መዛሙርቱ የመማክርት አመራሮች አምስቱ በቋሚ ሲኖዶሱ ስብሰባ ላይ በአስረጅነት ተገኝተው ያደረጓቸው ገለጻዎችና ውይይቱን የመሩት ብፁዕ ወቅዱስ ፓትርያሪኩ ላቀረቧቸው በርካታ ጥያቄዎች መምህራኑና ደቀ መዛሙርቱ የሰጧቸው ምላሾች በተለይም ለቅዱስነታቸው ቀጥተኛና በቂ ግንዛቤ ያስጨበጡ መኾናቸው ተዘግቧል፡፡ መምህራኑ ከሰጧቸው መረጃዎች መካከል ዘላለም ረድኤት ‹‹ክርስቶስ በጋብቻ ሕግ ኖሯል›› ብሎ በክፍል ውስጥ በአቋም የተናገረበት ከሐዲነቱና ሥዕለ ማርያምን መሬት ጥሎ የረገጠበት ድፍረቱ የቅዱስነታቸውን ጆሮ ጭው ያደረገና ክፉኛ ያሳዘነ ነበር፡፡

በሌላ ገጽ አለመግባባቱ የውስጥ ጉዳያችን ዐደባባይ እንዲወጣ ምክንያት በመኾኑ ቅር መሰኘታቸውን ያልሸሸጉት ቅዱስነታቸው፣ እንዲህ ዐይነቱን የልብ ለልብ ውይይት ቀደም ብሎ በአባትና ልጅ መንፈስ ለማካሄድ ቢቻል ኖሮ ውዝግቡ አሁን ካለበት ሳይደርስ ለመፍታት ይቻል እንደነበር ገልጠው ተናግረዋል፡፡ በዚህ የቁጭት ስሜት ቅዱስነታቸውን የተባበሩት ብፁዕ አቡነ ጎርጎሬዎስም በተለይም የመማክርት አመራሮቹ በውይይት ከተደረሰበት መግባባት አኳያ ብዙኀኑን ደቀ መዛሙርት ማሳመንና ማረጋጋት እንደሚጠበቅባቸው መክረዋል፡፡

ከኮሌጁ አስተዳደር ጀምሮ በየደረጃው የቅሬታ አቀራረብ ሥርዐቱን ጠብቀው ጥያቄያቸውን ሲያሰሙ መቆየታቸውን ያስታወሱት የመማክርት አመራሮቹ፣ ውዝግቡ ዛሬ ለደረሰበት ደረጃ የበቃው የሚሰማቸው በመጥፋቱ እና በመካከል ባሉ አድርባዮች ምክንያት መኾኑን አስረድተዋል፡፡ የአጣሪ ኮሚቴው ሪፖርት በይፋ እንዲገለጽላቸውም ጠይቀዋል፤ የቀኑ መደበኛ መርሐ ግብር በይፋ የተዘጋበትና ደቀ መዛሙርቱ ግቢውን ለቀው እንዲወጡ የታዘዙበት የፓትርያሪኩ ልዩ ጽ/ቤት ማስታወቂያም በይፋ እንዲነሣ አመልክተዋል  – ‹‹እንደ ልጅነታችን አባቶቻችንን አምነን ቅዱስነታቸው በጽሑፍ እናደርሳችኋለን ያሉንን ውሳኔ ከነገው ስብሰባ እንጠብቃለን ፡፡

Advertisements

18 thoughts on “ዜና ብሥራት ዘሥላሴ! ሀኬተኛው እና መናፍቁ ዘላለም ረድኤት ከቅድስት ሥላሴ መንፈሳዊ ኮሌጅ እንዲወገድ ቋሚ ሲኖዶስ ወሰነ!

  1. Anonymous July 18, 2013 at 12:50 pm Reply

    እልልልልልልልልልል እልልልልልልል እልልልልልልልል እልልልልልል

    • wendem sisha July 18, 2013 at 5:58 pm Reply

      Dabilos temeta bemesqel kerstianoche hulu elel enebe ELELELLLLLLLLLLLLL kezihe behuala yetyem bota esebkalehu endayel hulachenem neqeten entebeqew tekulawen betekerestian zarem jegenoche aluate koretenal bewendemochachen hodamochu yemata temariwechem gered A lyageu meselochewe neber keseru

  2. Anonymous July 18, 2013 at 5:53 pm Reply

    Dabilos temeta bemesqele yeadam lejoche hulu elel enebe elllllllllllllll kezihe behuala kebetekewrstianitu teqelala leqo endiweta hulachenem beyalenebet teretachenene enqetel hayel ye Egziabeher newe

  3. hy July 18, 2013 at 7:20 pm Reply

    isey yemeserach and nekersa tenekele efoyyyyyyyyyyyyyyyyyyyyyyyyyyyyyyyyy

  4. Zelalem July 18, 2013 at 7:26 pm Reply

    ሐኬተኛው፣ ሓካዩ እና መናፍቁ ዘላለም ረድኤት ከቅድስት ሥላሴ መንፈሳዊ ኮሌጅ እንዲወገድ ቋሚ ሲኖዶስ mewesenu yebel yasbelal beneka ejachehu fesehanem aswegedulen

  5. yemeserach July 18, 2013 at 7:31 pm Reply

    ESEY YYYYYYYYYYYYYY AND NEKERSA TENEKELE and ermeja belenal gen feseham mekret yelebetem mekniyatum endezih temariwen siyasreb syangelatana bemayetaweku beseme yetseteta akalat temariwen syasekay kermo endet temari fit mekom yechelal??????????????????????????????????????????????????????

  6. Anonymous July 18, 2013 at 8:07 pm Reply

    Elelelelelellelelellelelellelelelelellelelelelelellelelel ****Abune Gerima****** ketlo keziya Eyandandu negade banda,,,,,dilib menafik bemulu gizew dersowal Dil Le**Ethiopia**Dil ***le-Ethiopiawiyan****

  7. Anonymous July 19, 2013 at 6:54 am Reply

    ATIFRED YIFEREDIBHAL YEMIL KAL ALANEBEBACHIHUM

  8. Anonymous July 19, 2013 at 8:06 am Reply

    melkam zena new

  9. Anonymous July 19, 2013 at 10:34 am Reply

    bekolgw westm yalwetn sytegna adrywechnm maltm satntachwen tmamenw beswech loay telk bedl eyadrsw ylwetn ymymelket negr bynwer yblt terw yhon nebr

  10. zelealem rediet July 19, 2013 at 11:44 am Reply

    timo leba washegn timo amignew kedagn

  11. Anonymous July 19, 2013 at 2:08 pm Reply

    ዜናው መልካም ሊሆን ይችላል ነገር ግን የአንድ ሰው መጥፋት ግን ሊያሳዝነን ይገባል ክርስትና ጠላትን መውደድ እንጂ በመውደቁ እልል ማለትን ሐኬተኛው (ክፋተኛው) ብሎ መጥራትን የምታስተምር አይመስለኝም እነኝህ አነጋገሮች ሰውን በእልህ በድክመቱ እንዲቀጥል ያበረታታሉ እንጂ ከስህተቱ እንዲመለስ በር አይከፍቱም ስለዚህ መረጃን በፈሊጥ በፍቅር አግባብ ባላቸው ቃላት እንጻፍ እንጂ ሰውን በሰውነቱ ባለን ጥላቻ ባንጽፍ መልካም ነው፡፡ ዛሬ እውነተኛ ነኝ የሚል ነገ ምድራዊነቱአሸንፎት ላለመሳሳቱ ማን እርግጠኛ መሆን ይችላል

  12. Anonymous July 19, 2013 at 2:39 pm Reply

    “መናፍቅ” ከሚለው ቅንብብ ወጥታችሁ ማሰብ የማትችሉ ሆናችሁን በተደጋጋሚ በዘለፋ ከተሞላው ጽሑፋችሁ መረዳት ይቻላል

  13. Anonymous July 19, 2013 at 4:34 pm Reply

    it’s good God protect our church

  14. Anonymous July 19, 2013 at 4:38 pm Reply

    blogs writting about church issues should be as much as polite. mindin new yihe hulu yesidib nada? ጥቅመኛው፣ ሐኬተኛው (ክፋተኛው) እና መናፍቁ????? Egziabher libona yisten..

  15. yegermal????????????? July 22, 2013 at 8:40 am Reply

    gena yekeru menafekan alu gizeachewen yetebeku!!!!!!!!!!!!!!!!!!

  16. Anonymous April 1, 2014 at 12:38 pm Reply

    Administrative measures will likely bring good results. Hate and insult doesn’t belong to the church.

  17. Anonymous August 13, 2014 at 9:52 am Reply

    መናፍቅማ መናፍቅ መባል አለበት፡፡ ይሄ ስድብ አይደለም፡፡

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: