የነገረ መለኰት ምሩቃን ማኅበር አባላት የተሐድሶ ኑፋቄን እንዲዋጉ ፓትርያሪኩ አሳሰቡ

  • ማኅበሩ በሦስት አህጉረ ስብከት ቅርንጫፍ ቢሮዎችን ከፍቷል
  • የአዲስ አበባ ቅርንጫፍ ሥራ አስፈጻሚን በዳግም ምርጫ አጠናክሯል
  • መናፍቁ አሰግድ ሣህሉን ለማስመረጥ የተደረገው ሙከራ ተቀባይነት አላገኘም
  • ሁለት የፀረ – ፕሮቴስታንታዊ ተሐድሶ ሰባክያንና ዘማርያን ጥምረት አባላት በሥራ አስፈጻሚነት ተካተዋል
  • ማኅበሩ ሕጋዊ ዕውቅናና ተቀባይነት ካላቸው የቤተ ክርስቲያናችን አካላት ጋራ ሁሉ ተባብሮ ለመሥራት ያለውን ዝግጁነት ዳግም አረጋግጧል

Theology Association Logoበቅድስት ሥላሴ መንፈሳዊ ኮሌጅ እና በቅዱስ ፍሬምናጦስ አባ ሰላማ ከሣቴ ብርሃን መንፈሳዊ ኮሌጅ ትምህርታቸውን የተከታተሉ ምሩቃንን በአባልነት በመያዝ የተመሠረተ ነው፤ ዋና ዓላማው÷ የወንጌል ትምህርት ባልተዳረሰባቸው አካባቢዎች ሐዋርያዊ አገልግሎት መስጠት፣ የቤተ ክርስቲያናችን ዶግማ፣ ሥርዐት፣ ትውፊት እና ንዋያተ ቅድሳት በአግባቡ እንዲጠበቁ የበኩሉን አስተዋፅኦ ማድረግ ነው – የነገረ መለኰት ምሩቃን ማኅበር፡፡

ማኅበሩ ዓላማውን የሚተገብርባቸው የስብከተ ወንጌል፣ የትምህርት፣ የኅትመትና ሥርጭት፣ የሕግ፣ የልማት፣ የመረጃና መዛግብት፣ የሒሳብና ንብረት አስተዳደር እንዲሁም የቁጥጥር ክፍሎችን አዋቅሯል፤ እኒህን ተግባራት የሚያስፈጽሙ 12 የሥራ አስፈጻሚና አፈጻጸሙን በበላይነት የሚመሩ 12 የሥራ አመራር አባላት እንዳሉትም ማኅበሩ ያሰራጫቸው መረጃዎች ያመለክታሉ፡፡

ሁለቱ የነገረ መለኰት ኮሌጆች በዘረጓቸው የቀን መደበኛና ተከታታይ የማታ ትምህርት መርሐ ግብሮች ከሠለጠኑትና በቁጥር ከ1700 በላይ ከሚኾኑት ምሩቃን የሚበዙትን በአባልነት ያቀፈው ማኅበሩ÷ ከአባላቱ በሚሰበስበው ወርኀዊ አስተዋፅኦና ከበጎ አድራጊ ኦርቶዶክሳውያን በሚያገኘው ድጋፍ አገልግሎቱን በማከናወን ላይ ይገኛል፡፡ ማኅበሩ በቀድሞው ፓትርያሪክ መልካም ፈቃድና በብፁዕ ዋና ሥራ አስኪያጁ አቡነ ፊልጶስ ጥረት በመንበረ ፓትርያሪክ ጠቅላይ ቤተ ክህነት እንደ ዋና ጽ/ቤት የሚገለገልበት ቢሮ የተሰጠው ሲኾን በአዲስ አበባ፣ መቐለ እና ጅማ አህጉረ ስብከት ሦስት ቅርንጫፍ ቢሮዎችን መክፈቱ ተዘግቧል፡፡

ጌታችን መድኃኒታችን ኢየሱስ ክርስቶስ ‹‹ሑሩ ወመሀሩ፤ ሂዱና አስተምሩ›› /ማቴ.፳፰÷፲፱/ ብሎ ለደቀ መዛሙርቱ የሰጣቸውን የትእዛዝ ቃል በአደራነት ከተቀበሉና በተለይም በመደበኛው መርሐ ግብር ከሠለጠኑ ተመራቂዎች መካከል ‹‹አብዛኛዎቹ በቅዱስ ሲኖዶስ መመሪያ መሠረት በዕጣ በተደለደሉበት አህጉረ ስብከት በማገልገል ላይ ይገኛሉ፤›› ይላል ለማኅበሩ አራተኛ ጠቅላላ ጉባኤ የቀረበው ሪፖርት፡፡ በተከታታይ መርሐ ግብር ከሠለጠኑት ተመራቂዎች ከፊሎቹ አስቀድሞም በቤተ ክርስቲያን ውስጥ በማገልገል ላይ እንደነበሩ ያስታወሰው ሪፖርቱ፣ አሁንም በዚያው የተሻለ አገልግሎት በመስጠት ላይ እንዳሉ ገልጧል፡፡

ከማኅበሩ ምሩቃን አባላት መካከል÷ 2 በሊቀ ጵጵስና ማዕርግ፣ 10 በአህጉረ ስብከት ሥራ አስኪያጅነት፣ 16 በጠቅላይ ቤተ ክህነትና በሦስቱ ኮሌጆች በከፍተኛ ሓላፊነት፣ 50 በአድባራትና ገዳማት አስተዳዳሪነት ሌሎች ብዙዎችም በአህጉረ ስብከትና በአጥቢያ አብያተ ክርስቲያን የስብከተ ወንጌልና የሰንበት ት/ቤቶች ማደራጃ ክፍሎች ውስጥ በሓላፊነት ተመድበው እንደሚያገለግሉ የማኅበሩ መረጃዎች ያስረዳሉ፡፡

የምሩቃን ማኅበሩ አገልግሎቱን ከጀመረበት ጊዜ አንሥቶ በተለያዩ አህጉረ ስብከት ባከናወነው ሐዋርያዊ ተግባር ከ7100 በላይ ሰዎች በኦርቶዶክሳዊ እምነት መጠመቃቸው በማኅበሩ ሪፖርት ተገልጧል፡፡ ባለፈው ዓመት ጥቅምት ወር ለተካሄደው የማኅበሩ አራተኛ ጠቅላላ ጉባኤ የቀረበው ሪፖርት እንደሚዘረዝረው፣ ከጥር 21 – 22 ቀን 2003 ዓ.ም በከምባታ አላባ ጠምባሮ ሀ/ስብከት በዱርጊ ማኅደረ ስብሐት ቅድስት ማርያምና በአምቡኩ ቅዱስ ገብርኤል አብያተ ክርስቲያን ለ2500 ሰዎች ሥርዐተ ጥምቀት ተፈጽሞላቸዋል፡፡ በሁለት ቀናት በተከናወነው ሥርዐተ ጥምቀት የሀ/ስብከቱን ሥራ አስኪያጅና ዋና ጸሐፊውን ጨምሮ የሀ/ስብከቱ ሊቀ ጳጳስ የመርሐ ግብሩ ተካፋዮች ነበሩ፡፡

የካቲት 20 ቀን 2003 ዓ.ም በሐዲያና ስልጤ ሀ/ስብከት በሊሙ ቅዱስ ጊዮርጊስ ቤተ ክርስቲያን 170 ሰዎች ኦርቶዶክሳዊ እምነትን ተምረውና አምነው ሥርዐተ ጥምቀት ተፈጽሞላቸዋል፡፡ የሀ/ስብከቱ ሊቀ ጳጳስ ሥርዐተ ጥምቀቱ በሚፈጽበት ዋዜማ በስፍራው ተገኝተው የማበረታቻ አባታዊ ትምህርት መስጠታቸውን ያስታወሰው ሪፖርቱ፣ አብዛኛዎቹ ተጠማቂዎች ከፕሮቴስንታንት እምነት የተመለሱ መኾኑን ጠቅሷል፡፡

በየካቲት ወር አጋማሽ 2003 ዓ.ም በአሶሳ ሀ/ስብከት በተፈጸመው ሐዋርያዊ አገልግሎት በኦርቶዶክሳዊ እምነት ላመኑ 4500 ሰዎች ሥርዐተ ጥምቀት መፈጸሙን ያተተው የማኅበሩ ሪፖርት፣ ይኸው ተግባር ለወደፊቱም ተጠናክሮ እንደሚቀጥል አመልክቷል፡፡

Theology Graduates Association 4th Gen Assembly

(ፎቶ ፳፻፬ ዓ.ም – የማኅበሩ ፬ኛ ጠቅላላ ጉባኤ በተካሄደበት ወቅት
ዲ/ን ዶ/ር አምሳሉ ተፈራ ሲናገሩ)

ማኅበሩ ከትላንት በስቲያ እሑድ የአዲስ አበባ አህጉረ ስብከት ቅርንጫፉን በአዲስ የቅርንጫፍ ሥራ አስፈጻሚ አባላት ለማጠናከር በአህጉረ ስብከቱ የስብሰባ አዳራሽ ባካሄደው የምርጫ ሥነ ሥርዐት ላይ፣ ለአንዲት ቤተ ክርስቲያን ሐዋርያዊ አገልግሎት መጠናከርና መስፋፋት በዓላማው በግልጽ ያስቀመጠውን አቋም፣ ሕጋዊ ዕውቅናና ተቀባይነት ካላቸው የቤተ ክርስቲያናችን አካላት ሁሉ ጋራ በመተባበርና በመግባባት ለማገልገል ባለው ዝግጁነት ዳግም አረጋግጦታል፡፡

ይኸው የጉባኤተኛው አቋም የፕሮቴስታንታዊ ተሐድሶ ብሎጎች የምሩቃን ማኅበሩን በማኅበረ ቅዱሳን ቅጥያነት በመፈረጅ፣ በየሰበቡ በከንቱ ከሚወነጅሉትና በእጅጉ ከሚሰጉት አንድ አገልጋይ ጋራ በማጣበቅ የሚያናፍሱትን አሉባልታ ‹‹ዕርቃኑን ያስቀረ ነው፤›› ይላሉ አስተያየታቸውን ለሐራዊ ምንጮች የሰጡ የጉባኤው ተሳታፊዎች፡፡ ገንዘባቸውንና ጊዜያቸውን ሰጥተው በበጎ ፈቃድ የሚያገልግሉ የማኅበሩ አመራርና አስፈጻሚ አባላት በዋናው የማኅበሩ ጽ/ቤቱ በአንድ የሙሉ ጊዜ ጸሐፊ ብቻ በመታገዝ ለሚሰጡት አገልግሎትና ለሚያሳዩት ትጋት ጉባኤው በምስጋና ቃላት አበረታቷቸዋል፡፡

የማኅበሩን የአዲስ አበባ አህጉረ ስብከት ቅርንጫፍ በአዲስ የሥራ አስፈጻሚ አባላት ለማጠናከር በተካሄደው ምርጫ÷ ስምንት ተጠቋሚዎች በማኅበሩ ሥራ አመራር አባላት፣ አምስት አባላት ደግሞ በጉባኤተኛው ከተጠቆሙ በኋላ ለቅርንጫፍ ቢሮው ሥራ አስፈጻሚነት የሚያስፈልጉት ሰባት አባላት በውዳሴ ማርያም ጸሎት በዕጣ እንዲለዩ ተደርጓል፡፡ በዕጣ ከተለዩትና ለቀጣይ. . . እንዲያገለግሉ ከተመረጡት ሰባት የቅርንጫፉ ሥራ አስፈጻሚ አባላት መካከል ሁለቱ፣ የፕሮቴስንታዊ ተሐድሶ ኑፋቄ አደጋዎችን በማጋለጥና ፈጥኖ በመመከት ላይ አተኩሮ የሚያገለግለው የፀረ – ፕሮቴስታንታዊ ተሐድሶ ሰባክያንና ዘማርያን ጥምረት አባላት መኾናቸው ተጠቅሷል፡፡ ከሦስት ዓመታት በፊት በቀናዒ ኦርቶዶክሳውያን ሰባክያንና ዘማርያን በጎ ፈቃድ የተመሠረተው ጥምረቱ÷ በቅርቡ በውስጡ ባካሄዳቸው ተከታታይ የእርስ በርስ መተያያ ውይይቶችና የወቅታዊ ኹኔታዎች ግምገማ ራሱን አጥርቶ፣ ከፍተኛ አቅምና ጠንካራ ትስስር ፈጥሮ ለሰፊ አገልግሎት መዘጋጀቱ ታውቋል፡፡

በአንጻሩ መናፍቁ አሰግድ ሣህሉ ከተመራጮች እንዲካተት በአንድ የእምነትም የምግባርም ደዌ ባለበት መሰሉ የቀረበው ጥቆማ የጉባኤተኛውን ተቀባይነት አለማግኘቱ ተገልጧል፤ የመናፍቁ ጥቆማ ውድቅ የተደረገበት አቋምም በቤቱ የጋለ ድጋፍ መጽናቱ ተዘግቧል፡፡ ጉባኤተኛው አሰግድ በሌለበት በሥራ አስፈጻሚነት እንዲመረጥ የቀረበውን ጥቆማ በጠንካራ ተቃውሞ ውድቅ ያደረገበትና በግልጽ ለተሰብሳቢው የቀረበው ምክንያት÷ የምሩቃን ማኅበሩን የአባልነት ቅጽ አለመሙላቱ፣ እንዲሞላም ተጠይቆ ያልፈቀደና አባል አለመኾኑ ነው፡፡

ከዚህ ቀጥተኛ ምክንያት ጀርባ ያለው ዋነኛው ጉዳይ ግን በሁለት ነጥቦች የሚጠቃለለው የአሰግድ መሠረታዊ ጉድለቶች ናቸው፤ ቀዳሚው በሃይማኖት ያለበት ጽኑ የመናፍቅነት፣ የመናፍቃን ምንደኝነትና አሽከርነት ችግር ነው፡፡ ሌላው ደግሞ በተጭበረበረና በሙሰኝነት በቃረመው የድጋፍ ሰነድ በተከታታይ መርሐ ግብር ገብቶ ለአምስት ዓመት በተማሪነት ስም ኅቡእ የኑፋቄ ሥራ ሲሠራ የቆየበት መንፈሳዊ ኮሌጅ አስተዳደር ዲግሪውን እንዳይቀበል ያስተላለፈበት እገዳ ነው [እነዘላለም ረድኤት እንደለመዱት የዐይን ብርሃናቸው በዕርግናም በሕመምም የቀነሰውን ሊቀ ጳጳስ አሳስተው አስፈርመው ካላሰጡት በቀር]፡፡

His Hoiliness Abune Mathias

ብፁዕ ወቅዱስ ፓትርያሪክ አቡነ ማትያስ

የቤተ ክርስቲያናችንን ዶግማ፣ ሥርዐትና ትውፊት መጠበቅን ከዐበይት ዓላማዎቹ አንዱ ያደረገው የነገረ መለኰት ምሩቃን ማኅበር÷ የቤተ ክርስቲያናችንን ኦርቶዶክሳዊ ማንነት ለማጥፋትና ተቋማዊ አንድነቷን ለማፈራረስ የሚያሤሩትን የአፅራረ ቤተ ክርስቲያን እንቅስቃሴ ከማጋለጥ አንጻር፣ ”Normal Theology”ን የተሻገረ፣ ዘመኑን የዋጀ የዕቅበተ እምነት/ዐቂበ ሃይማኖት (Apologetic) አገልግሎት በስፋት እንደሚፈጽም ብፁዕ ወቅዱስ ፓትርያሪኩን ጨምሮ የሥራ ፍሬውን የሚያውቁ ወገኖች ሁሉ ተስፋ ያደርጉታል፡፡ እንደ ቀድሞው ፓትርያሪክ ሁሉ የምሩቃን ማኅበሩን በበላይ ጠባቂነት ሊንከባከቡ ቃል የገቡት ብፁዕ ወቅዱስ ፓትርያሪክ አቡነ ማትያስ በቅርቡ የማኅበሩን አመራሮች ተቀብለው ባነጋገሩበት ወቅት ‹‹በርቱ! ተሐድሶን ተዋጉ›› በማለት አባታዊ ምክርና ማበረታቻ እንደሰጧቸው ተዘግቧል፡፡

በባሕር ማዶ 108 ያህል ምሩቃን እንደሚኖሩ የነገረ መለኰት ምሩቃን ማኅበሩ ባለፈው ዓመት ሪፖርቱ ገልጧል፡፡ ከእኒህም ውስጥ 51 በአሜሪካ፣ 29 በአውሮፓ፣ 11 በካናዳ፣ 11 በአፍሪካ እና አንድ፣ አንድ ተመራቂዎች በሕንድ፣ በእስራኤል፣ በኒውዝላንድ፣ በቻይና፣ በደቡብ ኮርያና በተባበሩት ዐረብ ኤምሬቶች የኢትዮጵያ ቤተ ክርስቲያንን በማገልገል ላይ የሚገኙ ናቸው፡፡ ቀደም ሲል በአህጉረ ስብከት ደረጃ የተገለጸውና አሁን ደግሞ በባሕር ማዶ የተመለከተው የኮሌጆቹ ምሩቃን የሓላፊነት ደረጃና ስምሪት ሲታይ የምሩቃኑ ማኅበር በአሐቲ ቤተ ክርስቲያን መርሕ የሚያበረክተውን አገልግሎት በመላው አገሪቱና በዓለም አቀፍ ደረጃ ለማስፋፋትና ለማጠናከር እንደሚያስችለው ታምኖበታል፡፡

ባለፈው ዓመት ጥር ወር በአዲስ አበባ በተካሄደው የኦርየንታል አብያተ ክርስቲያንና የሮም ካቶሊክ የነገረ ሃይማኖት ውይይት ወቅት ለአኀት አብያተ ክርስቲያን አባቶች የበኩሉን አቀባበል አድርጓል፤ ስለ ህልውናውና ዓላማው ሰፊ ገለጻ በመስጠት ግንዛቤ መፍጠሩም ተዘግቧል፡፡ በዚሁ አጋጣሚም የኦርየንታል አብያተ ክርስቲያን የነገረ መለኰት ምሩቃን የጋራ መድረክ በሚፈጠርበትና የኦርቶዶክስ ተዋሕዶ ሃይማኖትን በዓለም አቀፍ ደረጃ ከማጽናትና ከማስፋፋት አንጻር ሐዋርያዊ አገልግሎት በአንድነት በሚጠናከርበት፣ የቤተ ክርስቲያናችን የነገረ መለኰት ምሩቃን በአኀት አብያተ ክርስቲያን የቴዎሎጂ ኮሌጆች የከፍተኛ ትምህርትና ሥልጠና ዕድል በሚያገኙበት፣ የእርስ በርስ ልምድ ልውውጥ በሚዳብርበት ኹኔታ ላይም የሐሳብ ልውውጥ አድርጓል፡፡

ከዚህ የውጭ ግንኙነት ጋራ በተያያዘ ማኅበሩ በቀጣይ ከያዛቸው ዕቅዶች መካከል÷ ከጠቅላይ ቤተ ክህነቱ የሚመለከተው አካል ጋራ በመተባበር እጅግ አነስተኛ የኾነው የምሩቃን ደመወዝ እንዲሻሻል፣ በተለይም በዕጣ በተመደቡበት ጠረፋማና በርሓማ አህጉረ ስብከት የሚያገለግሉ የነገረ መለኰት ምሩቃን፣ በግብጽ – ኮፕት ኦርቶዶክስ እና በሕንድ ኦርቶዶክስ አኀት አብያተ ክርስቲያን መንፈሳዊ ኮሌጆች የከፍተኛ ትምህርት ዕድል ተጠቃሚ ማድረግ አንዱ መኾኑ ተመልክቷል፡፡

የምሩቃን ማኅበሩ÷ በተደለደሉበት አህጉረ ስብከት ችግሩን ሁሉ ተቋቁመው ለቤተ ክርስቲያን አገልግሎት የሚደክሙ አባላቱ የተመጣጠነ በጀት እንዲተከልላቸው፣ በተከታታይ ትምህርትና ሥልጠና አቅማቸውን እንዲያጎለብቱ ዕድል ማመቻቸቱ የሐዋርያዊ ተልእኮውን ቀጣይነት ከማረጋገጥ አንጻር ሊበረታታ፣ ሊደገፍ የሚገባው ነው፡፡ ከዚህም ጋራ ደግሞ ‹‹የተሐድሶ ኑፋቄን ተዋጉ›› የሚለውን ፓትርያሪካዊ ምክርና ማሳሰቢያ፣ ሕገ ወጥ ቡድኖችና የፕሮቴስታንታዊ ተሐድሶ አቀንቃኞች በውስጥና በውጭ ተሳስረውና ተመጋግበው የሚፈጽሙትን ሤራ ባፍም በመጣፍም በማጋለጥና በማክሸፍ እንዲተገብረው ያስፈልጋል፡፡Untitled-30

Advertisements

23 thoughts on “የነገረ መለኰት ምሩቃን ማኅበር አባላት የተሐድሶ ኑፋቄን እንዲዋጉ ፓትርያሪኩ አሳሰቡ

  1. Anonymous April 2, 2013 at 9:00 pm Reply

    Aba Matyas may use this association to spy his TPLF lead government’s oppositions. I really don’t believe there are real believers in our church since TPLF took political power 22 years ago. I really don’t.

  2. Ene April 3, 2013 at 6:14 am Reply

    here is the difference. Abba Paulos used to say THERE IS NO TEHADESO, today, Abba Matiyas is saying የተሐድሶ ኑፋቄን ተዋጉ… Glory unto you God!

  3. teferi April 3, 2013 at 4:09 pm Reply

    በውኑ ማኀበሩ ሠራው የተባለው ይፈተሽ ማኀበሩ አንዳችም ነገር አልሠራም ሠው የሠራውን ሥራ ወስዶ በግልጥ አይንን አፍጥጦ ሠራሁ ማለት የውሸት ማኀበር እንደሆነ ያስረዳል፡፡ እያንዳንዱን ነገር ከግቢ ስለነበርን እናውቃለን ምስጢሩን እንዳናወጣው……ዋዋዋ

  4. teferi April 3, 2013 at 4:12 pm Reply

    እንኳን ይህን ያህል አንድም ሰው አላጠመቁም አይን ያወጣ ውሸት አገር ያወቀውን ሥራ እኔ ሠራሁ ብሎ ማቅረብ ያሣፍራሣ

  5. Anonymous April 3, 2013 at 5:56 pm Reply

    HARA Do you know this News completely false please yihenin zena Atarut Atemekin yemilut fetsimo False New please Ataru

  6. Anonymous April 3, 2013 at 9:10 pm Reply

    ዐም-ሐራዎች በየቦታው ሲፈናቀሉ የተ አለ የአባ ማትያስ የውግዘት ቃል ???????????? በክርስቲያኖች መካከል ጦርነት ከማዘዝ ታድያ ለምን ፀረ ዐምሐራነትም ተዋጉ ለማለት ያልደፈሩት ? በመንግሥታቸው ስለሚፈፀም ነው ?

  7. teferi April 4, 2013 at 9:41 am Reply

    EWNET BEWUSHET TAGIBO YEKEREBE NEW

  8. kahsay April 4, 2013 at 9:45 am Reply

    HARAWOCH ESKEAHUN TIRU NEBER YEMITIZEGIBUT AHUN GIN WUSHET GEMERACHU

  9. Anonymous April 4, 2013 at 2:48 pm Reply

    egiziabiher hayilina birtatin yisitathu

  10. kahsay April 4, 2013 at 9:07 pm Reply

    HARAWOCH ENE MANYAZEWAL BEWUSHET YETEGEBU YIHEN WUSHET BETEKLALA SEBEKA GUBAE MEGAZIN ENDEWATA ADERGEWAL. ENA HARAWOCH AYASASITUACHUH. KRISTINA YIH KEHONE BETAM YASAFIRAL.

    HARAWOCH YIH MAHBER TEHADISON LEMEWAGAT YIKIRNA BEWUSTU ENERSUN KOMITE ADIRGO BIZU NEGER ALE TEKEDNO YIBSEL

  11. Abel April 4, 2013 at 9:12 pm Reply

    tehadiso betekristianin sibetebit yet neberu? MK bichawn SUFFER siyaderg yet neberu?

    • ሃይማኖት ርትእት April 5, 2013 at 5:34 am Reply

      Hi dear Abel, Please do not be biased by the minute information you have. The so called reformationists, but who are heretics, as we normally call them ‘tehadisowoch’ were being challenged by anti-reformationists group. This group is mainly composed of from Evangelists of the Theology graduates. Please get rid of such mis informations.

      Mk was trying its best but the journey was taken to the full level by this group. Do not fill it is only MK who striven for. The Sunday school youth together with the theologians fought better.

  12. kahsay April 4, 2013 at 9:17 pm Reply

    Ene Manyazewal defaroch bewushet yesebeka Gubae sibseba MEGAZIN lay endiweta adirgewal harawoch ayasasituachuh.

  13. ሃይማኖት ርትእት April 5, 2013 at 5:38 am Reply

    Dear Kahsay, where are you?

    I searched for you on the square of the truth, you weren’t there. May be you are beneath a table, like……..

  14. Anonymous April 5, 2013 at 8:13 am Reply

    Aned neger eweku yegeta yehon megelechaw yeh new Aseged eko ewenetegn yegeta leg sel hon new yeh hulu neger yemederesebet begelechaw yeh new kireseteyan keberu besemay new bemeder demo menaku yal new yeh keyetem alemetaw esum yegeta dekemezmur yadel tadeya begetaw yehonew besum eyehonen new ewnetena yegeta gal begebachu noro teodut neber yegetan neger bewenet selgelet gen enakan yegetan ewen yebederem ewenet manem aydedodatem yadenekem. enet tahadeso eyalachu sem yemetletefubachew eko getan be’agebabu yeteketeluten new enaet ortodox blachuacew gehaneb kemigebu tadesom meanfekem blachuachew mengest semayat bigebu yesalala. lemehon meanfek manew MK woyes tadesu yetebalet menafek malet eko” BE’ab bewold bemenfes kidus andenet malet be’selasi yematamen, Eyesus moto adeneognal belo yemaayamen, keta ke’degel mareyam fesum sew fesum amleake hono mewoledu yemayamen” new eshi. MK demo sewen amelak belachu tekebelu new beyegizew yersun kidus etefeter kidus geta becha new. ena manew menafek esu geta yawekal.

  15. Anonymous April 5, 2013 at 8:33 am Reply

    Harawoch enante rasu yetehadiso lisanoch mehonachehun ager yawokew thseha yemokew new ahun yetsafachehut degmo ayn yawota wushet new. Ebakachehu ewnetin atgafu .Mastemarna matmeq eneman eyeseru endehon tawqalachehu lemn yelelawn sira lalsera akal mestet felegachehu? Lib yistachehu!

  16. Anonymous April 5, 2013 at 4:34 pm Reply

    wegenetegn atihunu keep the rule of media and report full iformetion but yours informetion is un balance

  17. kahsay April 5, 2013 at 6:44 pm Reply

    Harawoch yetehadiso lisan aydelum YITAWEKAL Ante degmo. Gin yelelawn sira lalsera mesitetachew yimeslegnal information tezabto derswachew new yemihon SEW YESERAWIN SERAN EYALU KEMAWRAT BESTEKER ENA BETEKIHNET ZETZET KEMALET BEKER MINIM YEMAYAWKEW bewushet midia lay yihen seran malet limadu yehonew ASASATACHEW.

  18. abay April 9, 2013 at 7:05 am Reply

    asegid ewinet gebtotal

  19. tirunesh April 9, 2013 at 7:37 am Reply

    ebakachihu hule sile haymanot eyaworan miskin hizb ewinet(yekirstos neger) tedafinobet yegeta ken endaymeta. bewinet endeorthdox aynet kinat yalew yelem gin wanaw yemedan menged silalgebaw endihu tikililegna ewinetegna eyalachihu sitadenagirut hizbu tefa. ebakachihu ewinet gebtot yimut. bewishet metsihaf kidusawi balhone timihirit sew ayitfa

  20. Anonymous April 11, 2013 at 6:10 am Reply

    እውነት እና መልካም ነው መልካምነቱ በፍሬ ይታወቃል

  21. Anonymous April 11, 2013 at 7:02 pm Reply

    ጥሩ ነዉ በርቱ እግዚአብሔር ከእናንተ ጋራ ይሁን

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: