ደቀ መዛሙርቱ ተቃውሟቸው በረኀብ አድማ አጠናከሩ

  • ፓትርያሪኩ ደቀ መዛሙርቱን ለማነጋገር ፈቃደኛ አይደሉም
  • የረኀብ አድማው የፍትሕ ጥያቄያችን እስኪመለስ ይቀጥላል
  • የመንግሥት አካላት ነን የሚሉ ግለሰቦች ደቀ መዛሙርቱን እያስፈራሩ ነው

የቅድስት ሥላሴ መንፈሳዊ ኮሌጅ ደቀ መዛሙርት ትላንት ማምሻውን ጀምሮ በረኀብ አድማ ላይ ናቸው፡፡ የረኀብ አድማው ተማሪውንና ሠራተኛውን ፍትሕ ያሳጡት፣ እንደ ግል ቤታቸው በመቁጠር የጥቅም መተሳሰሪያና የንግድ ማእከል አድርገዋል የተባሉት ሓላፊዎች ከቦታቸው እስኪወገዱ ድረስ እንደሚቀጥል ደቀ መዛሙርቱ ገልጸዋል፡፡

ደቀ መዛሙርቱ ምግብ ባለመብላት ተቃውሟቸውን ለማጠናከር የወሰኑት÷ ያቋረጡትን ትምህርት ለመጀመር ፈቃደኛ ካልኾኑ ብርድ ልብስ፣ አንሶላና መታወቂያ አስረክበው ግቢውን እንዲለቁ የኮሌጁ አስተዳደር ያወጣውን ማስጠንቀቂያ ተከትሎ÷ በትላንትናው ዕለት ብፁዕ ወቅዱስ ፓትርያሪኩን በአካል አግኝተው ለማነጋገር ያደረጉት ሙከራ ባለመሳካቱ ነው፡፡

ሁሉም ደቀ መዛሙርት የዕለቱ ቅዳሴ ከመጀመሩ በፊት በመንበረ ፓትርያሪክ ቅድስተ ቅዱሳን ማርያም ተገኝተው የፓትርያሪኩን መምጣት ሲጠባበቁ የቆዩ ቢኾንም ፓትርያሪኩ አለወትሯቸው ሳይመጡ መቅረታቸው ተዘግቧል፡፡ ፓትርያሪኩን በመጠባበቅ ላይ ሳሉም በቤተ ክርስቲያኑ ቅጽር በደቀ መዛሙርቱ ላይ የሚዝቱና ደቀ መዛሙርቱን የሚያስፈራሩ የፖሊስ አባላት መስተዋላቸው ተነግሯል፡፡

ፓትርያሪኩን በጽ/ቤታቸው ተገኝተው ለማነጋገር ባለፈው ሳምንት ዐርብ በንቡረ እድ ኤልያስ ኣብርሃ በኩል ቀጠሮ ተይዞላቸው እንደነበር ያስታወሱት ደቀ መዛሙርቱ÷ በቀጠሮው ቀን ወደ መንበረ ፓትርያሪኩ ለመግባት ሲሞክሩ የጠቅላይ ቤተ ክህነቱ የጥበቃ አባላት ‹‹ዕለቱ የቋሚ ሲኖዶስ የስብሰባ ቀን ነው፤ እናንተን የሚያናግራችኹ የለም፤ ከጀርባችኹ ሌላ ነገር አላችኹ፤›› በሚል መመለሳቸውን ገልጸዋል፡፡

ተማሪዎቹን ከኮሌጁ አስተዳደር ሓላፊዎች ጋራ በማገናኘት ሁለት ጊዜ ያወያዩት የጠቅላይ ቤተ ክህነቱ ሓላፊዎች ለችግሩ አፋጣኝ መፍትሔ ከመፈለግ ይልቅ ሽምግልና መምረጣቸውን ደቀ መዛሙርቱ ገልጸው÷ ከእንግዲህ በየጊዜው እያነሷቸው ሲንከባለሉ የቆዩ ነባር ጥያቄዎች የሚፈቱት በሽምግልና ሳይኾን ተማሪውንና ሠራተኛውን ፍትሕ ያሳጡት፣ ኮሌጁን እንደ ግል ቤታቸው በመቁጠር የጥቅም መተሳሰሪያና የንግድ ማእከል ያደረጉት ሓላፊዎች ከፊታቸው ገለል ሲደረጉ ብቻ መኾኑን አስታውቀዋል፡፡

ተቃውሟቸው÷ በአንድ ቆርጦ ቀጥል የፕሮቴስታንታዊ ተሐድሶ ብሎግ እንደተስተጋባው÷ በምርጫው ወቅት ከነበሩ እንቅስቃሴዎች ጋራ ፈጽሞ እንደማይገናኝ ደቀ መዛሙርቱ ገልጸው፣ ጥያቄዎቻቸውን ለሚመለከታቸው የመንበረ ፓትርያሪኩና የመንግሥት አካላት በደብዳቤና በአካል ቀርበው ማሳወቃቸውን፣ እነርሱም ያመኑበትና በተወሰኑ መልኩም አካዳሚያዊ መብቱ እንዲከበርለት ለሚንቀሳቀሰው ተማሪ ድጋፍ ያደረጉበት ኹኔታ መኖሩን አስረድተዋል፡፡

የምግብ ብክለትና አብዛኛው ተማሪ ጤናው የተጓደለ ከመኾኑ የተነሣ ሕክምና በሚከታተሉበት ክሊኒክ ዶክተሮች ‹‹ምንድን ነው የሚመግቧችሁ?›› እስከ መባል መድረሳቸውን፣ የሚሰጠው ትምህርት የመምህራኑ የዝግጅት አቅም የወረደበትና በአንዳንድ ኹኔታዎች በተማሪውና በመምህሩ መካከል ምንም ልዩነት የማይታይበት መኾኑ፣ ተማሪውን ያላማከለና ዕውቀቱን የሚገነባ አለመኾኑ፣ ይህን አስመልክቶ ተማሪው አቤቱታ ሲያቀርብ ‹‹የምትማር ከኾነ ተማር፣ የማትማር ከኾነ አሳየሃለኹ›› እየተባሉ እንደሚባረሩ ከዚህም አልፎ በውጤት አሰጣጥ አድልዎ የተደረገባቸውና ውጤታቸው እንዲመረመር የሚጠይቁ ተማሪዎችን በቡጢ የሚማቱ መምህራን መኖራቸው፣ የበላይ ሓላፊው ቢሮ ማንኛውንም የተማሪዎች ጥያቄ የማይቀበልና ተማሪዎችን የሚያሸማቅቅ መኾኑ፣ የቤተ መጻሕፍቱ ማመሳከሪያ መጻሕፍት የተገነጣጠሉና ኅትመታቸው የቆዩ መኾናቸው፣ ቤተ መጻሕፍቱ የሚገኝበት ቦታ ኮሌጁ በወር በብር 13,000 ካከራየው ካፊቴሪያ ማዕድቤት አጠገብ የሚገኝና ለአደጋ የተጋለጠ መኾኑ ደቀ መዛሙርቱ በተደጋጋሚ ከሚያነሷቸውና መፍትሔ ካጡት ነባር ጥያቄዎች ውስጥ የሚጠቀሱ ናቸው፡፡

እኒህን ችግሮች ለማስተካከል የሚያስፈልገው በስም የተጠቀሱትን ሁለት የኮሌጁን ሓላፊዎች ከቦታቸው ማንሣትና በተገቢው ሰው መተካት መኾኑን ያመለከቱት ደቀ መዛሙርቱ÷ ጥያቄያቸውን ከፀረ ሰላም እንቅስቃሴ ጋራ በማያያዝ ለሚዝቱባቸውና ለሚያስፈሯሯቸው የመንግሥት አካላት ነን ባይ ኀይሎች ጫና እንደማይንበረከኩ ገልጸዋል፡፡ ደቀ መዛሙርቱ የኮሌጁ አስተዳደር እስከ ትላንት 6፡00 ሰዓት ትምህርት እንዲጀምሩ፣ የማይጀምሩ ከኾነ እስከ ቀኑ 11፡00 ሰዓት ድረስ ንብረት አስረክበው እንዲወጡ ማዘዙን ጠቅሰው፣ ከዚህ በኋላ ምግብ ባለመብላት ያጠናከሩትን ተቃውሞ ቅዱስ ሲኖዶሱ ውሳኔ እስከሚሰጣቸው ድረስ ለመቀጠል የጋራ አቋም መያዛቸውን ተናግረዋል፡፡

6 thoughts on “ደቀ መዛሙርቱ ተቃውሟቸው በረኀብ አድማ አጠናከሩ

  1. Anonymous March 22, 2013 at 7:22 am Reply

    It is sad news that spiritual disciples who are expected to do humble things in this fasting season are engulfed in mobs and coups. Firstly, they should have committed themselves to praying and other spiritual services so as the benevolent God solves not only their problems but also the country’s problem. Otherwise, at least they should have waited until this fasting season is passed. By the way how many of them are really fasting ? I really doubt.

  2. Yetintu Nafekegn March 22, 2013 at 7:24 am Reply

    It is sad news that spiritual disciples who are expected to do humble things in this fasting season are engulfed in mobs and coups. Firstly, they should have committed themselves to praying and other spiritual services so as the benevolent God solves not only their problems but also the country’s problem. Otherwise, at least they should have waited until this fasting season is passed. By the way how many of them are really fasting ? I really doubt.

  3. Anonymous March 23, 2013 at 3:17 am Reply

    እርግጥ ከላይ አስተያየት የሰጡት ግለሰብ ትክክል ናቸው። ጊዜው የዓቢይ ጾም በመሆኑ ለትንሽ ጊዜ መታገሡ መልካም ነበረ ምክንያቱም ከሁሉም በላይ የመንፈሳዊ ተቅዋም ነውና አንዳንድ ጊዜ ወቅቱን መመልከት ተገቢ ነው። በዚህ በጾም ወቅት ኃይለ ቃል መሰነዛዘርም በቤተ ክርስቲያን ዙሪያ ምን ያህል መንፈሳዊነት እየተመናመነ እንደመጣ የሚያሳይ መሆኑን ነው። በዚህ ዓይነቱ አካሄድስ ለመሆኑ የት ሊደረስ ነው? በየጊዜው የሚሰማው ነገር ሁሉ በጣም አሳዛኝ ነው። መቼም የቤተ ክህነቱ አስተዳደር ላይ ከፍተኛ ለውጥ ካልተደረገ በቤተ ክርስቲያን ውስጥ መረጋጋት ይመጣል ማለት ዘበት ነው። አዲሱም ርእሰ አበው የማሻሻል አቅም ይኖራቸዋል ብዬ ግምት ውስጥ ባልገባም መንፈሳዊነት ስለአላቸው በጸሎት ሊዋጉት ይችሉ ይሆናል የሚል እምነት አለኝ። ቦታው መልካም አባቶችንም ያስተናገደ ቢሆንም ትልቅ የአስተዳደር ዝቅጠት የሚታይበት በመሆኑና በመሻሻል ፋንታ በየጊዜው የሚታየው የአስተዳደር ብልሹነት ሁኔታ ከቁጥጥር ውጪ እየሆነ መምጣቱን ያመለክታል። በየትምህርት ተቅዋማትቱ ላይ የሚታየውም ዝብርቅርቅ በየገዳማቱ ላይ የሚደርሰው ጉዳት በአብነት ትምህርት ቤቶች ላይ የሚታየው መመናመን ከዚሁ ከቤተ ክህነቱ የሚመነጭ የአመራር ችግርና ባለቤት እጦት ስለሆነ ይህ ሊታረም የሚቻለው በቅዱስ ሲኖዶስ ባላሰለሰ ጥረት ስለሆነ ይህ ሁኔታ ግን ከወዲሁ ካልታሰበት ለበለጠ የከፋ ሁኔታ ውስጥ መገባቱ አይቀሬ ነው። ለዚህ እንደ መፍትሄ ሊሆን የሚችለው በመንፈሳዊ የትምህርት ተቅዋም የሚመደቡ ተማሪዎች ወደ ተቅዋሙ ከመግባታቸው በፊት ችሎታቸው ብቻ ሳይሆን የሥነ ምግባር ሚዛንም ሲደረግለት እንዲሁም የቤተ ክህነቱን አስተዳደርም ቢሆን መንፈሳዊነትና በቂ የሙያ ችሎታ ባላቸው መተካት ሲቻል ብቻ ነው ። ሰለዚህ ለአሁኑ ርአሰ አበው ታላቅ የፈተና ዘመን ነውና ሁላችንም በያለንበት ለመፍትሄው ለእግዚአብሔር እናመልክት የሚሳነው ነገር የለምና።

  4. Anonymous March 23, 2013 at 11:51 am Reply

    yetsom wekit tadiya metifo siran yemitikawemibet enji meji migib tito bicha kuch yemibalibet new wendime! kirstos yeseyitanini kifu sira yetekawemew betsom wekit neber!

  5. Anonymous March 24, 2013 at 2:11 am Reply

    ከላይ አስተያየቶን ያሰፈሩት ግለስብ የአነጻጸሩበት ሀሳብዎ ፍጹም የሚዛመድ አይደላምና መጽሐፉን በደንብ ይመልከቱት። አሁን በተማሪዎቹ የቀረበው አቤቱታ ምንም ይሁን ምን የቀረበበት ወቅቱ አሁን ባይሆን ይመረጣል። በጾምና በጸሎት ወቅት መታገሡና ማለፉ ክብር የሚያሰጥ እንጂ የሚጎዳ አይደለም። የረሃብ አድማም ቢሆን ለጽድቅ ስለማይሆን በተቻለ መጠን ይህን ወቅት አሳልፎ በቂ ጊዜ ስልሚኖር በጊዜው ማቅረብም ይችላል። ኢትዮጵያ እኮ የተራቡና የተጠሙ ዜጎች ሀገር መሆኗንም መዘንጋት የለበትም። አሁንም ቢሆን በግምት ብዙ የዓለማዊ አስተሳሰብ የሰፈነበት ተቅዋም ያስመስለው እንደሆነ እንጂ መንፈሳዊነትን ስለማያመለክት ተቁዋሙ በሚገባ መመርመር ያለበት ይሆናል ማለት ነው። እርግጥ ጥያቄው መልስ አያግኝ ሳይሆን ወቅቱን መዋጀት ከአሁኖቹ ተማሪዎች ከወደፊቱ መምህራን ይጠበቃል።

  6. Anonymous March 24, 2013 at 7:31 am Reply

    Temariwochu Eko eyetkawemut yalutin ena yalubetin huneta silalawk new wendime. lemastemar bikat yelachew, beteley zelalem haimanot yelw, sinemgbar yelw ketemariw ayishalum betam yemibeltuachew temariwoch moltewal bemusina new astemari yehonute.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: