“በሰላም ማሰሪያ የመንፈስን አንድነት ለመጠበቅ ትጉ።” (ኤፌ. ፬፥፫)

/ውሉደ አበው ዘተዋሕዶ/

ቤተ ክርስቲያን ከፓትርያርክ ምርጫና ከአንድነት የትኛውን ልታስቀድም ይገባታል? ስለምን?

ክፍል አንድ

ለሺህ ፍልጥ ማሰሪያው ልጥ የሚለውን የቆየ ብሂል ስንሰማው ወይም ስንናገረው የኖርነው ነውና አዲስ አይሆንብንም። ለፍልጥ ብቻ ሳይሆን ተበታትነው ላሉ የተለያዩ ነገሮች ሁሉ ልጥም ባይሆን በመልክ በመልካቸው አንድነት እንዲቆሙ ለማድረግ የሚያስችል አንድ ማሰሪያ አይጠፋም። የማሰሪያው መኖር አንድነቱን ያጸናዋል። አንድ የሆነ አካል ወርዱም ስፋቱም ርዝመቱም ይታወቃል። ቅርጽና ጠባዩም ይለያል። የአንዱ መኖር የሌላውም የሕልውና መሠረቱ ነውና አንዱ ሌላውን እንደ ዐይኑ ብሌን ይጠብቀዋል። አንዱ ለሌላው ውበቱም ጥንካሬውም ማንነቱም ሥልጣኑም ነው። ከሺሁ መካከል አንድ ስትጎድል የታሰረው ፍልጥ ይላላል። አንዲት ስትጎድል አንድነት አደጋ ላይ ይወድቃል። ስለሆነም አንዲትም ስንኳ እንዳትሾልክ የሁሉም ፍልጦች ሓላፊነት ነው። ካመለጠችና ከሾለከች ግን ሌሎቹም ጠብ ጠብ እያሉ መሹለካቸው አይቀርም። ሰለሆነም አንዷን ማጣት ሁሉንም ከማጣት አይተናነስም። በመሆኑም አንዷ እንዳትነጠል ወይም እንዳትባዝን የሚከፈለው መሥዋዕትነት ሰለሁሉም ተደርጎ ይወሰዳል።

ለዚሀም ነው ጌታችን መድኃኒታችን አምላካችን ኢየሱሰ ክርስቶስ ከመቶ በጎች አንዲት ብትጎድልበት ዘጠና ዘጠኙን ትቶ የባዘነችውን ወይም የጠፋችውን አንዲት በግ ለመፈለግ ከሰማያዊ መንበሩ ከየማነ አብ ከዘባነ ኪሩብወደዚሀ ዓለም የመጣው። መምጣት ብቻ አይደለም ሊነገር የማይችል ግፍ የደረሰበት። የተበደለ እርሱ የካሠም እርሱ በፍቅር ማሰሪያ የተበተኑት ልጆቹን አንድ ለማድረግ ከቤተልሔም እስከ ቀራንዮ የሄደም እርሱ! ክብር እና ምስጋና ይግባውና ከልደቱ እስከ ትንሣኤው የሰበከው  “እነዚህን የሰጠኸኝን እንደ እኛ አንድ እንዲሆኑ በስምህ ጠብቃቸው።” ያለውን ነው። ዮሐ ፲፯፥፲፩። ከጌታችን ጸሎት የምንረዳው ዐቢይ ቁም ነገር አንድነትን መግፋት ከጌታ ፈቃድ ውጪ መሆን ማለት መሆኑን ነው።አንድነት ካለ ሰላም አለ ሰላምም ካለ አንድነት አለ። ሁለቱ የአንድ ሳንቲም ሁለት ገጽታዎች ናቸው። በምድር ያሉ የሰው ልጆች ያጡት ይኽንን ሰላም ነበረና ከቤተልሔም እስከ ቀራንዮ ከዚያም እስከ ትንሣኤ በጌታችን የተሰበከው እርሱ ነው።

+ ገና በትንቢት ሲነገርለት የሰላም አለቃ ተብሎ ተጠርቷል። ኢሳ ፱፥፮።

+ በተወለደም ጊዜ የሰማይ መላእክት በምድር ካሉ አረኞች ጋር “ስብሐት ለእግዚአብሔር በሰማያት ወሰላም በምድር ስምረቱ ለሰብእ-በሰማይ ለአግዚአብሔር ምስጋና፣ በምድርም ሰላም፣ ለሰው ልጆችም በጎ ፈቃድ” ብለው ዘምረዋል። ሉቃ ፪፥፲፬።

+ የመጣው ሰላሙን ሊተውልን ሰላሙን ሊሰጠን መሆኑንም ነግሮናል። ዮሐ ፲፬፥፳፯።

+ በቀራንዮ አደባባይ እንደ ብራና ተወጥሮ በመልእልተ መሰቀል ላይ ሆኖም ያደረገው ታርቆ በማሰታረቅ ሰላምን መስጠት ሰላምን ማድረግ እንደሆነ ተነግሮናል። ገብረ ሰላመ በደመ መስቀሉ እንዲል። ቆላ ፩፥፳።

+ መግነዝ ፍቱልኝ መቃብር ክፈቱልኝ ሳይል በገዛ ሥልጣኑ ሞትን በሞቱ ሽሮ ለቅዱሳን ሐዋርያት ሲገለጥላቸው “ሰላም ለሁላችሁ ይሁን” እያለ ነው። ዮሐ ፳፥፲፱።

በጥቂቱ ከአነዚህ የመጽሐፍ ክፍሎች ስንነሣ ጌታችን ከቤተልሔም እስከ ቀራንዮ የሰበከው ሰላምን ተፋቅሮን እርቅን መሆኑን ማበል አይቻልም። የቤተ ክርስቲያን የአንድነት ልጥ ሰላም ነውና። ሰላም ስንል በቤተ ክርስቲያን አባቶች አና አባቶች፣ ወንድሞች እና እኅቶች፣ አባቶች እና ልጆች መካከል ሊኖር ስለሚገባውማለታችን መሆኑን ማስገንዘብ እንወዳለን።

በኢትዮጵያ ኦርቶዶክስ ተዋሕዶ አባቶች መካከል ለሃያ አንድ ዓመታት የኖረው መቋሰል እና መቆራቆስ አሁንም አነጋጋሪ አንደሆነ ይገኛል። በዚህ ወቅት እነማን ለቤተ ክርስቲያን አንድነትና ክብር እንደቆሙ፣ እነማን ደግሞ ከቤተ ክርሰቲያን ይልቅ ለሆዳቸው፣ ለፍቅረ ሢመታቸውና ለግትርነታቸው ዘብ እንደሆኑ ለማየትም ለመታዘብም ችለናል። የመጀመሪያዎቹ በቁጥር የሌሉ እስኪመሰሉ ድረስ ትንፋሻቸውን እንኳ ጆሯቸው እንዳይሰማባቸው የሚጠነቀቁ፣ በፍርሃት የተሸበቡ ሲሆኑ ሁለተኛዎቹ ደግሞ ከቁጥራቸው በላይ አብጠውና ገንነው ጥቅማቸውን ለማርካት ጠብ ርግፍ እያሉ ናቸው።

የሁለተኞቹ መልካቸው ብዙ ሲሆን የተወሰኑት መለካውያን ወይም ፈጻምያነ ፈቃደ መኳንንት ሲሆኑ ውለው ባደሩ ቁጥር አለቆቻቸውን ምን ደባ በመፈጸም እንደሚያሰደስቱ የሚጨነቁ ናቸው። ወንድሞቻቸውን አንኳ ሰውተው ቢሆን አለቆቻቸውን በማስደሰት ተደላድለው ለመኖር የሚቋምጡ በየሥራ ቦታቸው ያለባቸውን የሥራ ድክመት እና ሌላ የጉድ ጅራት ለማለባበስ ስተው በማሳሳት የተሰማሩ ናቸው። የተቀሩት ደግሞ በፍርሃታቸው እምነታቸውን አስጨንቀው አስረው ወደሞቀበት እየደነበሩ አቧራ የሚያስነሱ ገላግልት ናቸው። ሌሎቹ ደግሞ በዐይነ ስውር ቤት አንድ ዐይና ብርቅ ነው እንዲሉ ጥቂት የማንቆለጳጰስ ሥራ እንዲሠሩ የተመደቡ በቻሉት አጋጣሚ የእርቁ ሂደት ወማ እንዲበላው የሚጋረፉ የስድብ አፍ የተሰጣቸው ናቸው። ሌሎቹ ደግሞ ፈርተው የሚያስፈሩ ደንግጠው የሚያስደነግጡ ደንብረው የሚያስደነብሩ የፍርሃት መንፈስን የተቀቡ የአበው በረከት የተለያቸው እንደ እሽኮኮ ዘወትር በስጋት የተወጠሩ ናቸው።

እንዲህ እና እንዲያ እያልን ብንፈነካክታቸው ብዙ ቁርጥራጮች ይወጣቸዋል እንጂ ወጥነት አይገኝባቸውም። እነርሱን ግን አንድ ነገር አገናኛቸው እንጂ ስምምነት እንደሌላቸው ሩቅ ሳንሄድ የተንገበገቡለት ምርጫ ደርሶ ብትንትን ብለው ዞረው የእርስ በእርስ የጦር ዐውድማ ላይ ሲተጋተጉ ማየታችን አይቀርም። ሌቦች ሲሰርቁ ተስማምተው ሲከፋፈሉ ተጣልተው ይላል የአገራችን ሰው።

እንደነዚህ ያሉ ማሽንክ አስተሳሰብ ያላቸው መንፈሳውያን መሳይ ያሉትን ያኽል ደግሞ እስከ መጨረሻው ለማተባቸው የታገሉ መኖራቸውን አንክድም። በዚህ ጎራ ያሉት  በሁለት መልክ የሚታዩ ናቸው። እስከመጨረሻዋ ሰዓት ለእርቀ ሰላሙ ቅድሚያ ይሰጥ በሚለው የጸኑ፣ ቁጥራቸው ቢያንስም መዓዛቸው ከሩቅ የሚጣራ ዉሉደ ሰላም ናቸው። ባልተሸራረፈ ጽናታቸው ትውልዱም ታሪክም በወርቅ ቀለም የጻፋቸው በረከተ አበው የደረሳቸው ጀግኖች ናቸው። በሌላ በኩል ያሉት ደግሞ መጋፈጡን ችላ ብለው ግን እርቀ ሰላሙ ይቅደም የሚለውን ከመደገፍ የማያባሩ አባቶች ናቸው። እንደ መጀመሪያዎቹ ፊት ለፊት ሲታገሉ አልታዩ ወይ አልተሰሙ ይሆናል እንጂ ድምፃቸውን ለቤተ ክርስቲያን አንድነት የገበሩ በመሆናቸው ሳናመሰግናቸው አናልፍም። ስለነዚህ አባቶች ስንናገር ግን እንዲያ ወይም እንዲህ ማለት ወይም ማድረግ ነበረባቸው እያልን አንገት እንዳናስደፋ ልንጠነቀቅላቸው ይገባል። በዙሪያቸው ያለውን እንቅስቃሴም መረዳት ግድ ይላልና።

ማንም በአንድ ቀን የታጠበ አና የጸዳ ሊሆን ከባድ ነውና ከነባራዊው ሁኔታ ተነሥተን የደረሱበትን ተረድተን ከጎናቸው ልንቆምላቸው ይገባል። የፍጹማንን ሥራ ከእነርሱ በመጠበቅ ብቻ የድርሻችንን ሳንወጣ እንዳንቀር ደጋግመን ማሰብ ይጠበቅብናል። ሳኦል እያለ ብላቴናውን ዳዊትን ያሰነሣውን አምላክ የምናምን ነንና። ብርቱዎቹ እያሉ በደካሞቹ ሥራ መሥራት ልማዱ የሆነ ጌታ በተናቁት የሚሠራውን ማን ያውቃል? ስለሆነም የምናውቀውን አምላክ እንደማናውቀው ሁሉ በአመክንዮአዊ አካሄድ ተስበን አባቶች ዝም ያሉትን እኛ ምን ልናደርግ እንችላለን? በማለት ተስፋ አንቁረጥ።

ነቢዩ ዳንኤል እያለ በሠለስቱ ደቂቅ ሥራውን የሠራ ፈጣሪ፣ ባርቅ፥ ዛብሎንና ንፍታሌም እያሉ ዲቦራን ያሥነሳ እግዚአብሔር፣ ቅድስት እየሉጣ ሳለች በሕፃኑ ቂርቆስ ሰማዕትነት የተመሰገነ ጌታ፣ ሊቃውንቱ እያሉ ዓሣ አጥማጆችን የጠራ መድኃኔዓለም በማን አድሮ ምን እንደሚያደርግ ማን ያውቃል? በእርሱ ዘንድ የተናቀው ልቡ የደነደነ እያወቀ የማያውቀው እንጂ የልብ ንጽሕና ካላቸው ዘንድ መቼ ርቆ ያውቅና።

እውን ዛሬ ለምናያት ቤተ ክርስቲያን የሚያስፈልጋት የትኛው ነው? የፓትርያርክ ምርጫ ወይስ ዕርቅ

አባቶቻችንን እንዲህ ከፋፍለን እንድናያቸው ያደረግን ሌላ ሳይሆን ለእናት ቤተክርስቲያናችን አንገብጋቢ እና ጊዜ የማይሰጥ ችግሯ እየሰጡት ያሉት ምላሽ እንደሆነ ግልጽ ነው ብለን እናምናለን፡፡ሰው ያልበላውን ቢያኩለት እንዴት መፍትሔ ሊሆነው ይችላል? እንዲያውም ያልበላውን ያከኩ ጊዜ ሌላ ሕማም ወይም ስቃይ ጨመሩለት እንጂ እንዴት መድኃኒቱ ይሆናል? እግሩ ቆስሎ ሐኪም ቤት የሄደን ሰው እጁን ቢዳስሱለት ምን ይበጀዋል? ወይስ ዐይኑን ለታመመ ወገቡን ቢያክሙት ምን ይጠቅመዋል? ይህንን ጌታችን በወንጌል እንዲህ ሲል ገልጦታል። አባት ከሆናችሁ ከእናንተ ከማንኛችሁም ልጁ እንጀራ ቢለምነው፥ እርሱም ድንጋይ ይሰጠዋልን? ዓሣ ደግሞ ቢለምነው በዓሣ ፋንታ እባብ ይሰጠዋልን? ሉቃ ፲፩፥፲፩። የሚያስፈልገው ሌላ የተሰጠው ሌላ። መፍትሔው ሌላ በመፍትሔነት የቀረበው ደግሞ ሌላ። ዓሣ መፍትሔው ሲሆን የሚሰጠው እባብ ከሆነ ሰጪውስ ሰጪ ነውን?

ቅድስት ተዋሕዶ ቤተ ክርስቲያናችን ያዘነችበት የተጎዳችበት ዋና ጉዳይ እያለ እርሱን ሁለተኛ ወይም መጨረሻ አድርጎ በመመልከት ቤተ ክርስቲያን እፎይታ ልታገኝ አትችልም። ዓሣ ስትጠይቅ እንዴት እባብ እንሰጣታለን? ባጎረሰች እንዴት ትነከሳለች። ለመሆኑ ለወቅታዊው የቤተ ክርስያን ችግር ትክክለኛው መፍትሔ የቱ ነበር? ምንም እንኳ ሂደቱ ከፖለቲካዊ ጣልቃ ገብነት ነጻ ነው ለማለት ባይቻልም ከላይ እንደገለጽነው የአባቶቻችን ልዩነት ጎልቶ የወጣው ለዓሣው ጥያቄ  ምላሹ እባብ ሆኖ በቀረበው የፓትርያሪክ ምርጫ ጉዳይ ነው፡፡ በአንደኛ ወገን ያሰቀመጥናቸው ወገኖች እርቀ ሰላሙ እየቀጠለ ነገር ግን ያለምንም መዘግየት የፓትርያሪክ ምርጫ መካሄድ አለበት ሲሉ ሁለተኞቹ ምናልባትም ድምፃቸው ባልፈለጉት መንገድ የታፈነባቸው ደግሞ ያልታረቀች ቤተ ክርስቲያን እንዴት ለሹመት ትጣደፋለች በማለት ልዩነታቸውን ቢያስቀምጡም ለጊዜውም ቢሆን የመጀመሪያዎቹ ያሸነፉ በሚመስል መልኩ የብዙዎቹን ፍላጎት እነደረመጥ በማዳፈን የምርጫ ሽርጉዱ ተጀምሯል፡፡

ለመሆኑ የየትኛው ወገን አስተሳሰብ ሊደገፍ ይገባዋል?

ይቆየን፡፡

Advertisements

15 thoughts on ““በሰላም ማሰሪያ የመንፈስን አንድነት ለመጠበቅ ትጉ።” (ኤፌ. ፬፥፫)

  1. anonymous February 11, 2013 at 5:02 am Reply

    Now you have brought a wonderful argument. This is what we need to know. I have learnt a lot from the article. We need to have such insight not from any one else but from the Holy Bible and Canon of the church. I can’t wait to read the next article. This is Orthodoxy! Wow!!! At least we need to be thought of the reality. Thereafter, it will be for us to give the judgment, based on the teaching.

    Wulude Abew, KEEP IT UP. But it would be good if we could know you so that we may come together. I would love to join. I will keep on sharing this idea.

  2. anonymous February 11, 2013 at 5:18 am Reply

    ምነው እንደነዚህ ያሉ መጽሐፋዊ ቃላት መኖራቸውን እስካሁን አልነገራችሁንምሳ? አና ምን ብለው አንብበውት ወይስ ተምረውት ነው እነዚያም እነዚህም ሰላምን የሚገፉት። ይምረጡና ሲጣሉ እናገኛቸዋለን። ቤተ ክርስቲያኔን ስንት ጊዜ እስኪገድሉ ነው የምጠብቀው? እንዴ የግፍ ጽዋ በነጋ በጠባ እንደጠጣን ስንት ዘመን እንኑር? አጫፋሪውን ተውት። መሥራት የሚችሉ የቤተ ክርስቲያንን ልጆች እነ እገሌ አሉ በሚል ሰበብ እንዳይሠሩ ሸፍኖ የቆመውንም ተውት። ድርሻው ከእንግዲህ የእኔ የራሴ እንጂ እነ እገሌ ስላሉ እነርሱ የበለጠ ይሠሩበታል በሚል ሞኝነት አልቀጥልም።
    በክርስትና ሁሉም ቢሸሹ እኔ ግን በመድኃኒቴ በእግዚአብሔር ተስፋ አደርጋለሁ ማለት ይገባል። በጠበቅናቸው ቦታ ይገኛሉ እያልን ብዙ ሞኝ አደረጉን። ለልማት ተነሥተው ለጥፋት መሥራታቸው ትዝብት ላይ ጥሎአቸዋል። በመንፈስ ጀምሮ በሥጋ መፈጸም መጨንገፍ ነው። ሐዋርያው ማንም ትምክህቴን ከንቱ ከሚያደርግብኝ ሞት ይሻለኛል ሲል ነግሮናልና ከእንግዲህ ትምክህታችን ለሆነች ቅድስት አሐቲ ተዋሕዶ እንጂ ለእገሌ ወእገሌ አልቆምም። በፈለጋችሁ ዓይነት የመግፋት ስልት ብትመጡ ከቅጽረ ቤተ ክርስቲያን አንወጣም።
    ምስጋና
    ውሉደ አበው ለምትባሉ እስከዛሬ በደጀ ሰላምም ሆነ በሐራ ዘተዋሕዶ ያቀረባችሁት ጽሑፍ ለቤተ ክርስቲያን ያደላ በመሆኑ እጅግ አድርጌ ላመሰግናችሁ ሃይማኖቴ ታስገድደኛለች። ግን እናንተም እንደ እገሌ በቁርጥ ቀን የማትዝለፈለፉ ከሆነ ነው።

  3. anonymous February 11, 2013 at 5:30 am Reply

    እንዲህ ነው ያገር ልጅ የማር እጅ! እንዲህ ስትናገሩ ስታምሩ። የተያዘው ምርጫ ሳይሆን ማስቀመጥ ነው። It is to say Not Election, But it is Selection. አነርሱ ይቀጥሉ….እኛ ደግሞ በእውነቱ መንገድ እንሂድ። ልናቆማቸው የማንችለው ዛሬ ቢሆንም ነገ ግን ከእግራችን ሥር እንደሚሆኑ አልጠራጠርም። አወራረዳችሁ በጽሑፈችሁ ይታወቃል። ከአያያዝ ይቀደዳል ከአነጋገር ይፈረዳል ነውና። እናንተም ትጉ። ልንቀላቀላችሁ የምንፈልግ ብዙዎች ነን። ፈቃዳችሁ ከሆነ እንዴት ልናገኛችሁ እንደምንችል ንገሩን። ለመገለጥ ካልፈቀዳችሁም እስከ ጊዜው እንጠብቃለን። ደግሞ ቀሳፊው እንዳያጠፋችሁ ለእኛ ብትኖሩልን እንመርጣለን። ብቻ ግን በርቱ እና እንዲህ ንገሩን።
    እንዳለችሁት ሩጫው እግዚአብሔርን ለመቅደም ነውና….ይሞክሩት! ከቅርብ ጊዜ ታሪካቸው ካልተማሩ እየተቀነጠሱ ይወድቃሉ። በሰው ሳይሆን በእግዚአብሔር ሰይፍ። ቀጥሉ….እውነቱን ብቻ ንገሩን! እንዲህ ነው ኦርቶዶክሳዊነት!

    • በቀለ February 12, 2013 at 3:26 pm Reply

      ሞኙ ምን እያልክ ነው ??

  4. anonymous February 12, 2013 at 5:22 am Reply

    I agree with the guys commented above and the article too. I would be happy to look the next analysis. Guys let’s first be educated with the words of God, later we can act.
    We really need one Rachel as I have read in one of the postings here. Oh Lord of the Universe and beyond universe, please have your Mercy upon us. How many times should we be challenged?

    Your Holiness Abune Merkorios, please tell your Synod to come together, before the everlasting mess appears. All Arch Bishops and Bishops Under the Country side Synod, please pause the election process for a while and order Subae, with fasting at least for two Subae. Ere bemedhaniealem telemenun. OUOO, OUOO, OUOO…..ere endemamet. You may select what ever given to you, as one of the above commentators said. But you cannot lead the church by the grace of God.
    Those who are abroad shall also know they cannot lead peaceful life on wards. We are highly ashamed of our fathers. We were seeking fruit of grape, but you served us kurenchit.
    Take time and bring us out of this mess.

  5. ዲ/ን ዳንኤል ክብረት February 12, 2013 at 3:30 pm Reply

    ማህበረ ቅዱሳን ወይስ ማህበረ ሰይጣን
    ከሁለት አንዱን ምረጡ
    በሁለት መንገድ መሄድ አይቻልም

  6. Tamiru February 13, 2013 at 4:25 am Reply

    ሞኙ ምን እያልክ ነው ላለው መቼ ነው ከዚህ ደደብ እና ዝቃጭ አስተሳሰብህ የምትጸዳው በሉልኝ ሀሳብን መሰንዘር ሞኝ መሆን ከሆነ ሀሳብ ያልሰራብህ አንተ ምን ልትባል ነው ቅል ራስ መባልም ይበዛብሃል

    • በቀለ February 13, 2013 at 3:54 pm Reply

      ሞኙ ምን እያልክ ነው
      እኔም እንደ አንተ ደጀ ሰላም፤ ሐራ ዘተዋህዶ፤አባ ሰላማ……. የመሳሰሉ ብሎጎች የሚያወሩትን ወሬ አንብቤ ቤተ ክርስቲያን ከአሁን በኃላ ዋጋ የላትም በማለት በቤተ ክርስቲያን ላይ እምነት አጥቼ አስራት እስከ አለመክፈል ድረስ ደርሼ ነበር፤ ልክ እንደ አንተም ስሜታዊ ነበርኩ…..የተሳሳትኩ መሆኔን የተገነዘብኩት ከብዙ ጊዜ በኃላ ነው፡፡
      ወንድሜ አትሳሳት ይሁዳ በቤተ ክርስቲን ውስጥ ትናንት ነበረ፤ ዛሬም አለ፤ ወደ ፊትም ይኖራል፡፡ ከአጻጻፍህ እንደተረዳሁት የይሁዳን የግብር ልጆች ከቤተ ክርስቲያን ውስጥ በዱላ ለማባረር የተዘጋጀህ ይመስላል፤ ይሄ በፍጹም የማይቻል ነው፡፡
      የሐራ ዘተዋህዶ አዘጋጆችም ሆኑ የሌሎች ብሎግ አዘጋጆች ያው የይሁዳ የግብር ልጆች ናቸው ምክንያቱም ስራቸው ህዝበ ክርስቲያኑን የሚያንጽ አይደለም፡፡
      አናም ሞኙ……መንፈሳዊ የጦር መሳሪያ የተባሉትን ….ጾም፤ ጸሎት፤ ስግደት…..የመሳሰሉትን የጦር መሳሪያዎች ለራስህ ታጠቃቸው፤
      በተዋህዶ ስም የሚነግዱትን የብሎግ አዘጋጆች የሚያወሩትን አትስማቸው፤ አትመናቸው፤ አትከተላቸው………ምክንያቱም እነርሱ ለጥቅማቸው ሲሉ እኛን እርስ በእርስ ሊያባሉን ይፈልጋሉ፡፡
      ሞኙ ደህና ሁን

  7. Haymanot Rtet February 14, 2013 at 5:48 am Reply

    ለበቀለ ሞኙ

    አሁን ባንተ ቤት በቻህን የቀረህ ክርስቲያን ነህ ለነቢዩ ኤልያስ እግዚአብሔር ያለው እና ያሳየውን አስብ ከብሎጎቹ ምን ወሰደህ የግል ጥቅምህ እስካልተነካ ድረስ ይኸው ራስህ እየተጠቀምክባቸው አይደለምን ግን የነኩብህ እንዳለ ገባኝ ሀሳቦቸቹን በሀሳብ ተቃወም እንጂ አንተን ማን አጽዳቂ ማንስ ኮነናኝ አደረገህ

    • በቀለ February 14, 2013 at 3:30 pm Reply

      ለሀይማኖት ሞኟ
      ሀይማኖት በኢትየጵያ ኦርቶዶክስ ተዋህዶ ስም የተከፈቱት ብሎጎች በሙሉ የሚያቀርቡት ጽሁፍ ህዝበ ክርስቲያኑን የሚያንጹ ናቸው ወይስ አይደሉም ብለሽ እራስሽን ጠይቂ ፡፡
      በመጨረሻ እነዚህ የብሎግ አዘጋጆች ቤተ ክርስቲያንን እያፈረሱዋት መሆኑን ትገነዘቢያለሽ፡፡
      እርጉም ተረጋግሞ ያልቃል ሲባል ሰምተሻል አይደል፤ የእኛም ነገር ልክ እንደሱ እየሆነ ነው፡፡ ቤተ ክርስቲያንን የሚያፈርስ የውጭ ጠላት አትጠብቂ፤ የገዛ ልጆቻችን……እያፈረሷት ነው፡፡

  8. Haymanot Rtet February 16, 2013 at 6:18 am Reply

    ለበቀለ ጅሉ
    ከሚየፈረሱአት መካከል አንዱ አንተ ሳትሆን አትቀርም። በሀሳብ ግትርነት እየተሽሞነሞንህ አንተ ብቻ አሳቢ ሆነህ ቀርበሃል። እስኪ በዚህ የጡመራ መድረክ ከቀረቡት ሀሳቦች የትኛው ነው አፍራሹ? እኔ ያላነበብሁት አንተ ብቻ ያነበብኸው ካለ ተናገር።
    ማንም ራሱን አያታልል፤ ከእናንተ ማንም በዚች ዓለም ጥበበኛ የሆነ ቢመስለው ጥበበኛ ይሆን ዘንድ ሞኝ ይሁን። ያለውን ቃል አንብበህ ይሆን? 1ቆሮ 3-18። እኔ ሞኝ የሆንሁት ለዚህ ዓይነቱ ነው። ያንተ ግን ጅልነት ይመስላል። ከገባህበት ቅዠት ብትወጣ ደግ ነው።

    • በቀለ February 17, 2013 at 9:17 am Reply

      ለሀይማኖት
      በተዋህዶ ስም የሚነግዱ የጡመራ አዘጋጆች መንገድ ዳር የእናታቸውን ቀሚስ እየገለቡ እንደሚሳለቁ ልጆች ዓይነት ነው፡፡ በእርግጥ ሁሉም አብያተ ክርስቲያናት ችግር አለባቸው፤ የኦርቶዶክስ ተዋህዶን ችግር ለየት የሚደርገው ግን አወቁ የተባሉ ልጆችዋ ለመንጋው ሲሉ የእናታቸውን ገመና መደበቅ ሲገባቸው እነርሱ ግን በየመንገዱ እየገለቧት፤እየገለቧት፤ ……፤መሳቂያ እና መሳለቂያ አደረጋት፡፡
      ሀይሚ የኔ እናት
      እውነት የኛዎቹ የጡመራ መድረክ ትክክል ናቸው ብለሽ ስትከራከሪ ትንሽ አላፈርሽም፤ እኔ ልንገርሽ ኡ ኡ ብለን ጮኸን እነዚህን ብሎጎች የምናዘጋበት ጊዜው አሁን ነው፡፡ እነዚህን ብሎጎች ያነበበ በእምነቱ ደካማ የሆነ ክርስቲያን እንደሚሰናከል፤ያላመኑትም ወደ እኛ እንደማይመጡ ማወቅ አለብሽ፡፡ በመካከላችን እየሆነ ያለው ነገር ሃይማኖት በሌላቸው ሰዎች ዘንድ እንካን አጸያፊ ነው፡፡
      ሐራ ዘተዋህዶ ላይ ስለ ካቶሊኩ ፓፕ ከቀረበው ጽሁፍ በስተቀር ሌላው ሁሉ ዜና አይሉት ሀሜት፤ የምርጫ ቅስቀሳ አይሉት፤ የአመጽ ቅስቀሳ አይሉት…….ሁሉም ግራ የሚያጋባ ነው፡፡
      በነገራችን ላይ ሁለቱም የማህበረ ቅዱሳን ተሳዳቢ ምላስ እንደሆኑ እናውቃለን ቢሆንም ሐራ ዘተዋህዶ፤ ጨራቋን ጥላ ካበደችው ደጀ ሰላም በመጠኑ ትሻላለች፡፡

      • Haymanot Rtet February 19, 2013 at 5:54 am

        Bekele, You look like self. You may remain barking, as you said. You will bark the camels will continue their journey.

  9. በቀለ February 20, 2013 at 6:06 am Reply

    ለሀይማኖት
    “Barking……” ቂቂቂቂቂቂ….ኧይ ማህበረ ቅዱሳን፤ በጣም ነው የምታስቁኝ፡፡ አሁን ይሄ ቃል ኩሽና ተደብቃችሁ ለምትጮሁት ለእናንተ ነው የሚያገለግለው ወይስ ለእኛ ? በመንጫጫት እና መነኮሳቱን በመሳደብ ስልጣን የሚገኝ ይመስላችኃል? ትገርማላችሁ

  10. Haymanot Rtet February 21, 2013 at 7:48 am Reply

    You think you know everything, but be reminded that you know nothing.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: