አቶ ስብሓት ነጋ ፍርዳቸውን ሲጨርሱ. . .

  • ‹‹ዕርቅ ለመፈጸም በማለት ሰዎችን ሲልኩ የነበሩ ቄሶች መሰቀል አለባቸው፡፡››

    Sebhat's Clock ticking to. . .

    ባለቀ ሰዓት፣ በተቆጠረ ዕድሜ.….

  • ‹‹ታምራት ቤተ ክርስቲያኒቱን ይቅርታ ሊጠይቅ አይችልም፡፡››
  • ‹‹[ሲኖዶስ ማቋቋም] በኢትዮጵያ ኦርቶዶክ ቤተ ክርስቲያን ታሪክ ከግራኝ ከጉዲት የባሰ ትልቅ  ወንጀል ነው፡፡››

(አቶ ስብሓት ዛሬ ለንባብ ከበቃው ላይፍ መጽሔት ጋራ ካደረጉት ቃለ ምልልስ)

  • ‹‹ኣቦይ ስብሃት አረጋዊ ናቸው፤ ይሄ የመነጣጠል አባዜ ቢቀርባቸውና ወደ ቤተ ክርስቲያን ሄደው የተጣላ ቢያስታርቁ ይሻላቸዋል፡፡. . .አርባ ዓመት ሙሉ ቀውስ አታቀጣጥሉ በሉልኝ፡፡›› /አቶ ኣስገደ ገብረ ስላስ ለኢትዮ ምኅዳር ጋዜጣ/

ላይፍ፡- አንድ ጉዳይ እናንሣ፡፡ በአሜሪካን አገር የሚገኘው የኦርቶዶክስ ሲኖዶስም ኾነ አራተኛው ፓትርያሪክ ወደ አገር መምጣት የለባቸውም በማለት ደጋግመው ሲናገሩ ተደምጠዋል፡፡ ይህ በሃይማኖት ጉዳይ ጣልቃ መግባት አይኾንም?

አቶ ስብሓት፡- የተናገርኹት እንደ አማኝ እና እንደ ዜጋ የግል አመለካከቴን ነው፡፡ መጀመሪያ ፓትርያሪኩን ከኢትዮጵያ የሚያወጣቸው ምክንያት አልነበረም፡፡ ፓትርያሪኩ ኢሕአዴግ ይነካኛል የሚል እምነት አልነበራቸውም፤ ምክንያቱም እንደማንነካቸው ያውቃሉ፡፡ ብንነካቸው እንኳን መሰየፍ ነበረባቸው ወይም ገዳም ገብተው መመነን ነበረባቸው ወይም ኢየሩሳሌም መሄድ ነበረባቸው፡፡

Sebhat Nega

አቶ ስብሓት ነጋ

ይህንን ሁሉ ትተው በመጨረሻ ግን ወደ አሜሪካ ወሰዷቸው፡፡ ይህም ሳያንስ በቤተ ክርስቲያኒቷ ላይ ትልቅ ወንጀል በመፈጸም ሲኖዶስ አቋቋሙ፤ የእስልምና አክራሪ እንቅስቃሴን ደገፉ፡፡ እነዚህን ነገሮች ስሰማ ሐሳቤን ገለጽኹ፡፡

ይህ አድራጎት በኢትዮጵያ ኦርቶዶክስ ቤተ ክርስቲያን ታሪክ ከግራኝ ከጉዲት የባሰ ትልቅ ወንጀል ነው፡፡

ላይፍ፡- በአቡኑ ስደት ግን የመንግሥት እጅ እንደነበረበት የቐድሞው ጠቅላይ ሚኒትር አቶ ታምራት ላይኔ በመናገር ቤተ ክርስቲያኒቱን ይቅርታ ጠይቀዋል፡፡

አቶ ስብሓት፡- /ሣቅ/ ታምራት ቤተ ክርስቲያኒቱን ይቅርታ ሊጠይቅ አይችልም፡፡ ታምራት እንኳን ይህንን ሌላ ለመከታተል ጊዜ የነበረው አይመስለኝም፡፡ በእኔ እምነት ግን ኢሕአዴግ አቡኑን የሚነካበት ምክንያት አልነበረውም፡፡

የኢትዮጵያ ኦርቶዶክስ ቤተ ክርስቲያን ሲኖዶስ የዕርቅ ምክክር አልነበረበትም፡፡ የአሜሪካውን ሲኖዶስ አውግዞ ሲያበቃ ዕርቅ ለመፈጸም ወደ አሜሪካ መሄዱ ስሕተት ነው፡፡ ዕርቅ ለመፈጸም በማለት ሰዎችን ሲልኩ የነበሩ ቄሶች መሰቀል አለባቸው፡፡ ዕርቅ ከነዚህ ጋራ መደረግ የለበትም፡፡ አሁን ቤተ ክርስቲያኒቱ የምትገኝበትን ኹኔታ ለፖሊቲካ ፍጆታ ለመጠቀም የሚጥሩ ብዙ ናቸው፡፡

ላይፍ፡- እናንተ ሥልጣን እንደያዛችኹ በጳጳስ ላይ ጳጳስ መሾማችኁስ ወንጀል አልነበረም?

አቶ ስብሓት፡- (በሣቅ አለፉት)

ሐራዊ ማስታወሻ – ስለ ‹‹ቀውስ አቀጣጣዩ›› ስብሓት ነጋ፡-

ቀድሞ የህወሓት መሥራችና አሁን የኣረና ትግራይ ለዴሞክራሲና ሉዓላዊነት ፓርቲ አባል አቶ ኣስገደ ገብረ ሥላሴ የዛሬውን አዛውንት የያኔውን የ47 ዓመት ጎልማሳ ኣቦይ ስብሓት ነጋን ሚያዝያ 21 ቀን 1967 ዓ.ም ከሽሬ እንዳሥላሴ ተቀብለው ወደ በረሓ ያወጧቸውና ወደ ጓዶች የቀላቀሏቸው፣ በደፈጣና በፀረ ደፈጣ ውጊያ ያሠለጠኗቸው ‹የትግል አባታቸው› ናቸው፡፡

አቶ ኣስገደ በዚህ ሳምንት በወጣው ኢትዮ ምኅዳር ጋዜጣ÷ አዛውንቱን አቦይ ስብሓትን በአሽሙረኝነት፣ በሤረኛነት እና በተንኰለኛነት ወቅሰዋቸዋል፡፡ አቶ ኣስገደ በዚህ ብቻ ሳያበቁ ኣቦይ ስብሓት በእርሳቸው አማካነይነት ሠልጥነው ወደ ህወሓት ከገቡበት ጊዜ ጀምሮ በድርጅቱ ውስጥ ለተፈጠሩ ቀውሶች (የደደቢት ሕንፍሽፍሽ አንድና ሁለት) ሁሉ ተጠያቂ ያደርጓቸዋል፡፡ ‹‹አሁን ታሪክ የሚያበላሸው ኣቦይ ስብሓት ከዚያን ጊዜ ጀምሮ ነበር፡፡. . .የአውራጃ፣ የወረዳ፣ የጎጥ ምንጭ አቶ ስብሓት ነጋ ናቸው፤›› ይላሉ አቶ ኣስገደ፡፡

‹‹አቦይ ስብሓት አሁን ሳያቸው ወደ ቤተ ክርስቲያን የተመለሱ ይመስለኝ ነበር›› የሚሉት አቶ ኣስገደ÷ ዛሬም ይኹን በትግሉ ወቅት ህወሓት ለሚከተለው ‹‹ፕሪንስፕል›› ኣቦይ ስብሓት አስቀድመው በአሽሙር፣ በተንኰል ንግግር ፍንጭ የሚሰጡ ቀውስ አቀጣጣይ እንደነበሩ ይመሰክሩባቸዋል፡፡ እንዲህም ስለኾነ፣ በሰሜን አሜሪካ የሚገኙትን አባቶች በፖሊቲከኝነትና በ‹‹አክራሪ እስልምና›› ደጋፊነት የሚወነጅለው የአዛውንቱ ኣቦይ ክሥ እና የስቅላት ፍርድ÷ መንግሥት በውጭ በስደት ባሉ አባቶች ላይ ለወሰዳቸውና ለሚወስዳቸው አቋሞች (የኢቲቪን የዝግጅት ዕቅድ ያስታውሷል) መሠረቱ ይኾን? ብለን እንጠይቃለን፡፡

የኾነው ኾኖ አቶ ኣስገደ ስለ ኣቦይ ስብሃት ነጋ ሰብእና በሰፊው ባስረዱበት የኢትዮ ምኅዳር ጽሑፍ ለአዛውንቱ የለገሡትን ምክር በመጥቀስ ማስታወሻችንን እንቋጭ፡፡ የአቶ አስገደ የምክር ቃል እንዲህ ይነበባል፡-

‹‹እኔ የምለው፣ ኣቦይ ስብሃት አረጋዊ ናቸው፡፡ ስለዚህ ይሄ ቢቀርባቸውና ወደ ቤተ ክርስቲያን ቢሄዱ፣ ቢቆርቡ፣ የተጣላ ቢያስታርቁ ይሻላቸዋል፡፡ ይሄን አሥምርልኝ፡፡ ርግጥ ኮሚኒስት የምፅዓት ቀን ስትደርስ ነው የሚናዘዘው፤ ቄስ አምጡልኝ የሚለው፡፡ ስለዚህ ኣቦይ ስብሃት ሤራውን ትተው ቢያስታርቁ ይሻላል፡፡

አሁን እኮ እኔ እንኳን ዕድሜዬን 63 አድርጌያለኹ፤ እርሳቸው ደግሞ 84 እና 85 ዓመታቸው ነው፡፡ ስለዚህ እነኚህ ሰዎች ትንሽ ከማንዴላ ለምን አይማሩም? እግዚሃር ያሳያችኹ፡፡ ለኣቦይ ስብሃት ወደ ቤተ ክርስቲያን ግቡ፣ 40 ዓመት ሙሉ ቀውስ አታቀጣጥሉ በሉልኝ፡፡››

 

መጨመርያ፡-

የቅዳሴ ተሰጥኦ ለድምፅ ፕራክቲስ ወይስ. . መዝሙር እና ዘፈንስ ምንና ምን ናቸው?

  • ‹‹እዛ ሁሌ ቤተ ክርስቲያን ስለማገለግል፣ ተሰጥኦ ስለምቀበልና ስለምጮኽ ያው ፕራክቲስ  እያደረግኹ ነው ማለት ነው፡፡››
  • ‹‹መዝሙርና ዘፈን ለእኔ አይለያዩም፤ አንድ ናቸው› /ነጻነት መለሰ ለአዲስ አድማስ ጋዜጣ/

አዲስ አድማስ፡- ከሙዚቃው ብዙ ርቀሽ ስትመለሽ በድምፅሽ ላይ የተፈጠረ ችግር የለም? ምክንያቱም አሁን የነጻነት ድምፅ ትንሽ ጐርነን ብሏል የሚሉ አድማጮች አሉ፡፡

Netsanet Melese

ነጻነት መለሰ

ነጻነት፡- እውነት ለመናገር በድምፄ ላይ የተፈጠረ ችግር የለም፤ ምክንያቱም እዛ ሁሌ ቤተ ክርስቲያን ስለማገለግል፣ ተሰጥኦ ስለምቀበልና ስለምጮኽ ያው ፕራክቲስ እያደረግኩ ነው ማለት ነው፡፡ ብዙ ጊዜ ድምፅ ሁሌም ካልሠራሽበት ክራክ እያደረገ ይመጣል፤ የታወቀ ነው፡፡ የምታንጐራጉሪና የምትዘፍኚ ከኾነ ድምፅሽ እንደተጠበቀ ይቆያል ማለት ነው፡፡ እንዳልኩሽ ቤተ ክርስቲያን ተሰጥኦ ስቀበል በጣም እጮኻለሁ፡፡ እዛ ማሪያም ቤተ ክርስቲያን አለች፡፡ በኢትዮጵያ ኮሚዩኒቲ የተሠራች እዛ አገለግላለሁ፤ ድምፄ በዚህ ምክንያት አላረፈም፡፡ የድምፄ ነገር ትንሽ ወፈር ብሏል፣ ግን የተጋነነ አይደለም፡፡

አዲስ አድማስ፡- ቀደም ሲል መንፈሳዊ መዝሙር ሠርተሽ ነበር፡፡ በዚህ ወቅት በቃ ነጻነት ወደ ዘፈን አትመለስም የሚል አስተያየት ሲሰጥ ነበር፡፡ አንቺ አሁን “ልቤን” ብለሽ ወደ ዘፈን መጥተሻል፡፡ ከመዝሙር ወደ ዘፈን መምጣት ምን ዐይነት ስሜት አለው?

ነጻነት፡- መዝሙርና ዘፈን ለእኔ አይለያዩም፤ አንድ ናቸው ዋናው ልዩነታቸው የምንጠቀምባቸው ቃላት ናቸው እግዚአብሔር ለእኛ ድምፃችንን መክሊት አድርጐ እስከሰጠን ድረስ እግዚአብሔርን ልናመሰግንበት ይገባል የሚል እምነት አለኝ፡፡ እግዚአብሔር ፍቅር ነው፤ አታፍቅሪ አትባይም አግብተሽ በአንድ ተወስነሽ ኑሪ ነው ትእዛዙ፡፡
ስለዚህ የምትሰሪያቸው ነገሮች ትምህርታዊ እስከሆኑ ድረስ ከሃይማኖት ጋር የሚያጋጭ ነገር የለም፡፡ እኔም ብኾን ዕድገቴ በቤተ ክርስቲያን እንደመኾኑ መጠንና ቤተ ክርስቲያንን መርዳት ስላለብኝ የማገለግለው እግዚአብሔር በሰጠኝ ድምፅ በመኾኑ በተሰጠኝ ጸጋ እግዚአብሔርን እና ቤተ ክርስቲያንን አገለግላለኹ፡፡ በዚህ መሠረት ሁለቱም ለእኔ ልዩነት የላቸውም፡፡

Advertisements

One thought on “አቶ ስብሓት ነጋ ፍርዳቸውን ሲጨርሱ. . .

  1. Anonymous February 10, 2013 at 10:50 am Reply

    Ayiiii!!!!!
    Aboy sibehat
    Yehizb rasmitat
    Yehayimanot telat
    ye ETHIOPIA Himem yeselam enqfat
    Ahun bememochawo niseha endemgibat
    Alalq sil Hatiyat
    yasimengwo jemer kahin lesiqilat
    wediyaaaa aboy sibehat
    yeARIWOS Wendim YeYIHUDA Enjera-abat

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: